حفار القبور💀مكتملة💀

💀الجزء 12💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 12

سمعو الدقان فالباب... ناضت فاطمة قافزة أما خليل فشد سيفو و اتقدم ناحية الباب باش يحلو بتأهب.

فإذا به كيشوف راجل قدام الباب بملامح أوروبية بارزة و ملابس ديال الأمراء كيبتسم ليه.

#:مرحبا بيكم فالمتاهة.. أنا كريس و متشرف باللقاء ديالكم أنا هنا باش نشرح ليكم قواعد اللعبة (ابتسم بخبث و تقدم ناحية فاطمة باس ليها يديها)

كريس: سيدتي (انحنى ليها) تفضلو معايا باش نشرح ليكم كلشي.

شاف خليل ففاطمة و جرها من يديها بالزعفة غادين تابعين كريس... مافهمو والو من تصرفااو الأوروبية الراقية.
دخلو لواحد الغرفة كبيرة بطراز عريق و فخم كيتوسطها مكتب خشبي و كراسى من المخمل الأحمر.

كريس: تفضلو بالجلوس.
بعد ما خدى كل واحد بلاصة... التوتر عم القاعة خليل كارز يديه على سيفو و فاطمة مكمشة غي كتبقلل.

كريس: انتم الآن فالعالم السفلي... مباشرة بعد ما لصقو الطلاسم فأرواحكم جيتو هنا بعيدا عن حياتكم الرتيبة و المعتادة مع بني جنسكم.
أنتم الآن فالطابق الأول من طوابق المبنى المسمى المتاهة و أنا هو الحارس ديال هاد البناية كاملة لي هي أساسا عبارة عن وهم.
الطابق الأول لي انتم فيه هو الطابق الدموي لي غاتلاقاو فيه مع شخصية دموية.
في كل مرة غاتحاولو تحاربو باش تدوزو للطابق لي بعدو و ايلا فشلتو ماغاتلومو الا راسكم حيت ماعمركم ترجعو للعالم ديالكم.
إيلا ماقدرتوش تستوعبو كلامي دابا..فاغاتفهموه مع الوقت.
وبغيتكم تعقلو على حاجة وحدة و ضرورية..
أنه فراق لعواد عندو سميات مختلفة في فترات زمنية مختلفة و لكن كيبقى نفس الكيان لي هو أنا ههههههخههخهههع..... 
 
👣ﻓﺪﺍﺭ ﺍﻟﻘﺎﻳﺪ

جالس القايد حاط كرشو قدامو و كيخمم و جالسين حداه جوج من رجالو لي سبق و دفنو فاطمة فالمقبرة.

الرجل الأول : دابا أ سيدي بعد ما دفناها راه مابقا لينا مناش نخافو.
القايد : سمعو أسيادي أنا راه خايف من ديك جداتها تفضحنا و فالقبيلة يديع سرنا هاذا هو همنا.
الرجل الثاني: أنا أمولاي بانليا نصيفوها ليها ليوم قبل غدا.
القايد: هي لدرتوها دابا...سيفطت رجالي يحبسوها فالزريبة على مانلقى الحل لهاد المصيبة.

ناضو الرجال بجوج مخلين القايد كيسوط و اتاجهو للزريبة ناوين يصفيوها لطامو و ممضين الجناوا ديالهم.

الرجل الأول: غانقطعوها طراف و نرميوها فالبير الغابر تاحد مايسيق ليها لخبار.

كان الظلام طاح و هوما كيتسلتو حتى وصلو للزريبة فين كان الحارس واقف عساس.... غي شافهم عرفهم و حل ليهم الباب.

دخلو عند طامو لي كانت جالسة فالقنت كتقفق و كتشوفهم هازين الجناوا كيقربو ليها.

الرجل الثاني : لالة طامو. آش بان ليك... نفصلوك طول و لا عرض ؟؟

                  (●￣(工)￣●)

رأيكم حبوباتي ؟؟!