💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 41
بدات كتترعد فبلاصتها و هي كتشوف فيه بعدم تصديق.
حطات جبهتها على جبهتو كتبكي بحرقة و كتشوف فعينيه واش باقين غايتحلو و يشوفو فيها.
فهاد الأثناء خليل كان كيحس بشي ثقل فوق من صدرو بدى كيتململ بالشوية و كيشوف فيها حاطا شبهتها على جبهتو و جالسا فوق من كرشو كتجر ليه فحوايجو.
غي شافتو حل عينيه تلاحت من بلاصتها كتغوت..
فاطمة: خليل خليل كتسمعني... شوف فيا واش كتسمعني؟
خليل: مالنا على هاذ لغوات كامل شنو طاري دايرا گنازة راه غي مابقيتش قادر نتنفس و فقدت الوعي.
فاطمة :ولكن قلبك.. ماسمعتش دقات قلبك.
خليل: فين كاين القلب بعدا...
شيرات ليه لواحد لبلاصة ماعندها علاقة بالقلب.
خليل بتملل: فاطمة يهديك الله القلب راه هنا(كيشير)
بدات كتشوف فيه عينيها مغرغرين بالفرحة... مشاعر ملخبطين كيدورو ليها فدماغها... شافت فيه كتنخصص و هي تلاح عليه تاني جالسا فوق فخاضو كتعنق و تعاود و هو كيشوف فيها باستغراب... طلق ضحكة رجولثة و حط يدو كيدوز ليها على شعرها.
خليل: صافي صافي لمشيشة ديالي ماتبكيش صافي.. ايلا بكيتي غي على هادشي آش غاديري مستقبلا ايلا طرات ليا شي حاجة هههه.
فاطمة: ضرباتو لسدرو ناضت مخسرة وجهها: لاش غانبكي عليك أصلا شكون نتا... راه غي بقيتي فيا گلت نبكي عليك واحد الشوية.
خليل : هممم واحد الشوية؟
فاطمة كضحك : واحد البزاف.. صافي تهنيتي ياله نوض خاصنا نخرجو.
بانت ليهم الباب تحلات... شافو فبعضياتهم و مشا داك الضحك كامل دابا بقى غي الجد هو لي كاين شافت فيه و أومأو لبغضياتهم عاد خرجو باش يشوفو شنو باقين غايلقاو من عقبات قدامهم.
بداو كيسمعو صوت إمرأة كتهضر بالجهد و تضحك.
كان الممر لي غادين فيه طويل و الحيوط عامرين دمايات بحالا مجزرة طاريا فهاد القصر .
بعد مسيرة دامت خمس دقائق وصلو لآخر الممر لي كان فيه باب حديدي كبير.
شافو فبعضياتهم كل واحد كيشوف واش الآخر مستعد...
دفع خليل الباب بجهد و كالعادة غي دخلو تسد.
الغرفة كانت كبيرة و فيها طبلة محطوط فيها ميزان... و كيس صغير فيه عملات نقدية و قرعة صغيرة ديال الزاج فيها سائل لونو اخضر .
و كانت ريحة خايبة عاطيا من القنت لي فيه جثة متححلة و الدود كينغل فيها.
جاهم الصوت النسائي هاد المرة بكل وضوح كيخاطبهم.
ههههههه هههههعهه ههههههه و أخيرا جيتو لعندي... خليل توحشتك بزاف... وتوحشت نسمع داك الصويت ديالك... إيلا خرجتي غني ليا مرة أخرى.
المهم هاد القرعة فيها واحد السائل لاماشربوو خليل ماغاتخرجوش من هنا.. يا يموت يا بحيى... و ايلا بغيتو تخرجو خاص تحلو اللغز لي مكتوب فالحيط.
مابقاش الصوت كيتسمع... ماعندهمش دابا الوقت لي يضيعو باش يعرفو المصدر ديالو... مشاو كيقراو فاللغز لي فالحيط
'' الرجل ذو الرجل القبيحة المجرم الأحمق الذي داس خارجا من الحياة برجلك اليمنى....
إن كان ادراكك لذنبك يسبب لك المعاناة فعليك التخلص من رجلك اليمنى فحسب
عندما يوافق العقاب الجريمة فقد يدعو ذلك ضوءا ينير في الجحيم حتّى. ''
خليل كيهصر مزروب: ل يفهمت هو انه كان مجرم فالغرفة.... وهاد المجرم ماهو لا انا لانتي... اذن الرجل لي غانقطع هي ديال ديك الجثة لي تما ولكن ماعرفتش اينا جريمة ارتكب.
فاطمة كتفكر: يمكن الجريمة هي السرقة... ااااه.. يقدر يكون سرق دوك لفلوس
خليل: هممم إذن لابغينا العقاب يوافق الجريمة خاص يكون العدل بيناتهم و علامة العدل هو الميزان.
فاطمة: خاص نقطعو ليه رجليه و نحطوها فالميزان.. وايلا كنا حلينا اللغز فالنقود غايكونو قد رجلو فالوزن.
مشا خليل قطع رجل الجثة بالسيف ديالو هزها و هو عايفها حطها فوق الميزان... و فاطمة بدورها حطات فالكفة الأخرى الكيس ديال النقود.
الميزان حكم بالعدل و الكفات بقاو فنفس المستوى.
شافو فبعضهم فرحانين حسو بلي حلو اللغز.
ولكن بقا ليهم يشوفو لحريرة ديال داك المشروب.
فاطمة: ماعرفت شنو هاد لعجب لي هنا لونو اخضر هاكا... والله حتى دخت.
خليل: خاصني نشربو.
وسعات فاطمة عينيها... ماجات فين تحبسو حتى لقاتو شربو دغيا فرمشة عين.
فاطمة: واااااش عمممملتي... آش هااادشي درتي دابا.... باغي تموت؟
خليل كيهضر بغرابة: شكون هاد خليل؟
صافي هادشي لي بقا ليها...
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
