- បេះដូងវង្វេងម្ចាស់ - (Completed)

Part 45

(2ថ្ងៃមុន)

   យប់នោះបន្ទាប់ពី Jimin លួងលោមរាងតូចឲ្យញ៉ំាបបរបានហើយគេក៏លាទៅផ្ទះធ្វើម្ហូបឲ្យYoongi វិញទុកឲ្យ Tae នៅគេងម្នាក់ឯងក្នុងបន្ទប់ ។ គ្រាន់តែគេទៅបាត់ភ្លាម Tae ក៏លួចទៅយកសម្លៀកបំពាក់ក្នុងកាបូបដែលJiminទុកឲ្យយកមកស្លៀករួចហើយលួចចេញពីមន្ទីរពេទ្យស្ងាត់ៗដើម្បីទៅមើល Jungkook នៅប៉ុស្តិប៉ូលិសតែចៃដន្យណាស់ គេក៏ បានឃើញ Ryuwon កាន់កាបូបធំៗពីរសំដៅទៅឡាននាយ នោះជាកាបូបលុយដែល Jungkook យកទៅឲ្យ Jaemin ដើម្បីជួយគេនៅយប់មានរឿង នោះហើយ ។

« ហេតុអីនៅជាមួយគេទៅវិញ? » Tae ចោទសួរ នៅក្នុងចិត្តក៏ដើរលបៗតាមក្រោយទៅក្បែរឡាន របស់ Ryuwon ដែលនាយកំពុងនិយាយទូរស័ព្ទជាមួយអ្នកណាក៏មិនដឹងដែរ ។

« លុយ10លានដុល្លារនៅក្នុងដៃខ្ញុំហើយប៉ា មុននេះ ពេលប៉ូលិសចាប់ Jeon Jungkook ខ្ញុំក៏លួចយកវាទុកឥឡូវពួកយើងគួរធ្វើម៉េចបន្តទៀត? » Ryuwon

" ល្អណាស់ ទុកវានៅអាផាតមិនឯងសិនទៅ ក្រែងលោពួកធ្វើការលាងលុយឲ្យយើងត្រូវការលុយបន្ថែមទៀត រួចចុះអាពីរនាក់នោះយ៉ាងម៉េចហើយ? " លោកLee ជាប៉ាគេសួរពីម្ខាងទៀត ព្រោះគាត់ជាអ្នក បញ្ជាគេរឿងលួចលុយនោះតែម្ដង ។

« ពួកវាត្រូវ Jeon Jungkook សម្លាប់បាត់ហើយ គ្មានអ្នកណាស៊ើបដឹងថាខ្ញុំជួលពួកវាឲ្យចាប់Tae ជម្រិតទារលុយពីគេនោះឡើយ » ត្រូវហើយ!! Jaemin ត្រឡប់មកវិញមួយចំណែកធំគឺដោយសារតែ Ryuwon ដឹងរឿងគេធ្លាប់កើតឡើងជាមួយ Jungkook ហើយនាយក៏ដឹងថាចំណុចខ្សោយរបស់ Jungkook គឺជា Tae នោះឯងទើបគេប្រើឲ្យល្បិចថ្ងៃមុនឲ្យកូនចៅ Jaemin តាមទៅជះទឹកក្រូចដាក់រាងតូចនៅខុនដូដើម្បីឲ្យគេខ្លាច ស្រួលពួកគេចាប់មកឃុំទុកតែ Jungkook តាមរាងតូចរហូតធ្វើឲ្យពួកគេគ្មានឱកាសទើបតែយប់នេះប៉ុណ្ណោះដែលអាចធ្វើបានសម្រេច បានធ្វើឲ្យមនុស្សដែលគេស្អប់ជាប់គុកហើយ បានលុយច្រើនសន្ធឹកថែមទៀត ចំណែកពួក Jaemin ទោះបី Jungkook មិនសម្លាប់ក៏គង់តែ Ryuwon សម្លាប់ដើម្បីបំបិទមាត់សាក្សីដដែលតែល្អលើសពីល្អទៅទៀតព្រោះ Jungkook ជួយចាត់ការឲ្យគេបានស្អាតល្អណាស់ ។

" ល្អ!! ថ្ងៃក្រោយឯងគួរតែដឹងហើយថារឿងណាដែលគួរធ្វើ រឿងណាមិនគួរធ្វើ កុំឲ្យនាំបញ្ហាឈឺក្បាលដល់ប៉ាទៀត " លោកLee ស្ដីបន្ទោសឲ្យព្រោះ7ឆ្នាំមុន Ryuwon ក៏ធ្លាប់ប្រព្រឹិត្តកំហុសឲ្យគាត់ត្រូវជួយដោះស្រាយដែរ ។