ក្រោយពីទិញបានរបស់ដែលរាងតូចចូលចិត្តហើយ Jungkook ក៏នាំគេមកផ្ទះវិញដូចសព្វដង ពេលមកដល់ខាងមុខផ្ទះ Tae ក៏រើកូនសោរពីកាតាបមកចាក់សោររបង ។
« ម៉េចក៏ផ្ទះឯងងងឹតចឹង? ឯណាអ្នកមីង? » Jungkook ទាំងបារម្ភ ។
« ម៉ាក់យើងទៅលេងផ្ទះលោកតានៅស្រុកប្រហែលបីបួនថ្ងៃទៀតបានមកវិញ នេះយើងនៅម្នាក់ឯងអត់ដឹងធ្វើម្ហូបអីញ៊ាំទេ សំណាងហើយបានឯងទិញរបស់អស់នេះឲ្យញ៊ាំ » Tae សើចលិបភ្នែកដាក់ឲ្យរាងក្រាស់ឃើញហើយញញឹមតាមតែក៏នៅបារម្ភដដែល ។
« ឯងនៅតែម្នាក់ឯងកើតដែរហ្អេ៎? ឲ្យយើងមកកំដរឬអត់? » Jungkook
« នេះឯងនិងម៉ាក់យើងជាមនុស្សតែមួយហ្អីនៀក សូម្បីម៉ាក់ក៏ឲ្យយើងហៅឯងមកកំដរដែរ ធ្វើមើលតែយើងជាកូនក្មេង » Tae និយាយទាំងជ្រួញមាត់ ។
« មកពីឯងក្មេងមែនហ្នឹង » ព្រោះរាងគេតូចល្អិត កម្ពស់ទាបដូចកូនក្មេងមែន នាយមិនបានកុហកទេ ។
« ឆើសយើងនៅតែឯងបាន ឯងឆាប់ទៅផ្ទះទៅ » Tae
« ច្បាស់ហើយហ្អេ៎ថាមិនឲ្យយើងនៅកំដរ? » Jungkook
« ទៅផ្ទះភ្លាមទៅ Jeon Jungkook » រាងតូចបើកភ្នែកធំៗខាំធ្មេញដេញទើបរាងក្រាស់ខ្ជិលប្រកែកជាមួយគេ ។
« អឺៗអឺ ទៅក៏ទៅ ByeBye » Jungkook
« ByeBye!! » ពួកគេលាគ្នា ឯរាងក្រាស់ឈរមើល Tae ចូលផ្ទះចាក់សោររបងរួចរាល់ហើយបើកភ្លើងភ្លឺពេញផ្ទះទើបនាយសម្រេចចិត្តដើរទៅផ្ទះរបស់ខ្លួនដែលនៅផ្លូវចូលខាងមុខទៀតឯណោះ តែពេលមកដល់ក៏បានឃើញឡានខ្មៅពីរគ្រឿងចតនៅផ្លូវខាងមុខផ្ទះរបស់គេ ក៏ដឹងហើយថាជាប៉ាគេនាំកូនចៅមកទៀតទាល់តែបាន ។
« បងញ៊ាំទៅ » អ្នកស្រីJeon និយាយជាមួយស្វាមីមុននឹងងាកទៅបានឃើញកូនប្រុសបើកទ្វារដើរចូលមកក៏ញញឹមត្រេកអរ ។
« អ៎Jungkook មកហើយហ្អេ៎កូន? ឆាប់លាងដៃមកញ៊ាំបាយជាមួយគ្នាមក » គាត់និយាយឡើងឲ្យលោក Jeon ជាស្វាមីក៏ដូចជាលោកប៉ារាងក្រាស់បែរមកមើលមុខ Jungkook ផ្ទុយទៅវិញនាយធ្វើមុខស្មើដើរចូលមកពួកគាត់ ។
« មកទីនេះធ្វើអី? គ្មានអ្នកណាស្វាគមន៍ប៉ាទេ » គេនិយាយបែបនោះដាក់គាត់ដូចស្អប់គ្នាតាំងពីជាតិណាមកចឹង ។
ESTÁS LEYENDO
- បេះដូងវង្វេងម្ចាស់ - (Completed)
Romanceមិនដឹងថាខ្ញុំលួចស្រឡាញ់គេតាំងពីពេលណាមកទេ មូលហេតុអីក៏មិនដឹងដូចគ្នា តែរឿងមួយគត់ដែលខ្ញុំដឹងនោះគឺគេជាមនុស្សដែលខ្ញុំចង់នៅក្បែររាល់ថ្ងៃ ខ្ញុំចង់ឃើញគេញញឹម ចង់ឃើញគេមានសុភមង្គល ហើយក៏ចង់បានគេមកធ្វើជារបស់ខ្ញុំតែម្នាក់គត់ ប៉ុន្តែតើវាអាចទៅរួចដែរហ្អេ៎ ខណៈដែលខ្ញុំ...
