- ស្នងការប៉ូលិស
បន្ទាប់ពីចេញពីធ្វើការនៅមន្ទីរពេទ្យ Tae ក៏បើកឡានមកទីនេះតាមសន្យាជាមួយRyuwon តែពេលមកដល់ក៏បានជួបជាមួយ Sina គ្រូពេទ្យកោសល្យវិច្ច័យដែលធ្វើការជាមួយគ្នាតែម្ដង ។
« សួស្ដី Sina!! » កាលបើលឺរាងតូចហៅ នាងក៏ងាកមើលភ្លាមទាំងញញឹមមិនជាសមប៉ុន្មាន ។
« សួស្ដីដុកទ័រKim មកស្នងការនេះមានការងារអីដែរ? » Sina
« ក៏...Ryuwon ឲ្យខ្ញុំមករកគាត់ រួចចុះនាងមុខស្លេកម្ល៉េះ ឬក៏មិនស្រួលខ្លួន? » ព្រោះមើលទៅនាងទឹកមុខមិនសូវល្អហើយដៃវិញទប់ពោះរហូតធ្វើឲ្យគេបារម្ភត្រូវតែសួរ ។
« ខ្ញុំ...ខ្ញុំមិនអីទេ គ្រាន់តែរៀងចុកពោះបន្តិចប៉ុណ្ណោះ លេបថ្នាំទៅលែងអីហើយ » Sina ញញឹមតិចៗដាក់គេ ។
« នាងមានផ្ទៃពោះផង ចុកពោះបែបនេះមិនល្អទេ ចាំខ្ញុំខលហៅ Ryuwon ឲ្យជួយនាំទៅពេទ្យសម្ភពណា៎ » គ្រាន់តែ Tae ទាញទូរស័ព្ទចេញមក នាងក៏ទាញដៃគេឃាត់ភ្លាម ។
« មិនបាច់ទេដុកទ័រKim!! » Sina
« ប៉ុន្តែ... » រាងតូចស្ទាក់ស្ទើរបារម្ភពីសុវត្ថិភាពនាង និងកូនផង Ryuwon ក៏ដើរមកដល់ល្មមទើប Sina ឃើញហើយបញ្ចេញអាការៈដូចស្លន់ស្លោរណាស់ ។
« ខ្ញុំមិនអីពិតមែន អ៊ីចឹងខ្ញុំទៅផ្ទះសិនហើយ » Sina
« អ្ហឹមមើលថែខ្លួនផងចឹង បើមានបញ្ហាអីអាចខលមកខ្ញុំបាន » Tae ផ្ដែផ្ដាំរួច នាងក៏រហ័សដើរចេញទៅទើប Ryuwon ដើរចូលមកម្ដង ។
« Tae មកដល់យូរហើយនៅ? » នាយញញឹមសួររាងតូច នៅចង់ថើបថ្ពាល់គេថែមទៀតតែ Tae គេចចេញបានមុន ។
« ទើបតែមកដល់មុននេះទេ បានជួបSina មើលទៅ ទឹកមុខនាងដូចជាមិនសូវល្អសោះ បងធ្វើការនៅទីនេះជួបនាងរាល់ថ្ងៃត្រូវជួយមើលថែនាងផង ព្រោះមនុស្សស្រីមានផ្ទៃពោះត្រូវសង្សារទុកចោលដូចនាងគួរឲ្យអាណិតណាស់ » Tae និយាយទាំងគិតគូរដល់នាងធ្វើឲ្យ Ryuwon ញញឹមតិចៗ ។
« គូដណ្ដឹងអ្នកណាន៎ចិត្តល្អចេះបារម្ភពីអ្នកដទៃដល់ហើយ បែបនេះត្រូវយកធ្វើជាប្រពន្ធឲ្យទាល់តែបាន » កាលបើគេនិយាយដូច្នោះ រាងតូចក៏អោនមុខចុះព្រោះមិនទាន់ច្បាស់ពីទំនាក់ទំនងនេះនៅឡើយថាគួរបន្តឬក៏អត់ ។
ESTÁS LEYENDO
- បេះដូងវង្វេងម្ចាស់ - (Completed)
Romanceមិនដឹងថាខ្ញុំលួចស្រឡាញ់គេតាំងពីពេលណាមកទេ មូលហេតុអីក៏មិនដឹងដូចគ្នា តែរឿងមួយគត់ដែលខ្ញុំដឹងនោះគឺគេជាមនុស្សដែលខ្ញុំចង់នៅក្បែររាល់ថ្ងៃ ខ្ញុំចង់ឃើញគេញញឹម ចង់ឃើញគេមានសុភមង្គល ហើយក៏ចង់បានគេមកធ្វើជារបស់ខ្ញុំតែម្នាក់គត់ ប៉ុន្តែតើវាអាចទៅរួចដែរហ្អេ៎ ខណៈដែលខ្ញុំ...