لست دميما

إقتباااااااااااااس

عاملين إيييه ... عارفه إنى إتأخرت عليكم بس الحمد لله ربنا وحده الأعلم باللى بمر بيه .
وعشان كده جايبالكم إقتباااس وعايزه توقعاتكم ورأيكم وإن شاء الله الفصل هيبقى بكره ..انا بكتب فيه حاليا دعواتكم ...

إقتباااااااس
وما يأن القلب إلا لمن كان له مكانة حتى لو كانت مزيفة .فيكفى الشعور بإنتماء شخص ما لنا حتى لو لم يعترف بذلك ولكن إذا أصبح إنتماؤه لنا مؤذيا فيجب أن نستأصله مهما كان ألمنا لنعيش الباقى من عمرنا بأمان .
بُهت أمجد وهو ينظر لعصام بعيناه الظاهرة من ضماد وجهه ولسان حاله يقول : هل أنت الآن تتشرط عليّ .مهلا مهلا حتى أرجع كما كنت وعندها ستعلم كيف تحرؤ على ذلك .
نظر إليه عصام هو الآخر بقوة وثبات وهو متأكد من تفكير أخيه ولكن ليغلق عليه كل سبل الرجوع .
نطق عصام بتمهل وقال: هاااه يا أمجد أقول شرطى ولا ملوش لازمة الكلام .
جز أمجد على أسنانه بغيظ وهو يقول بتهكم: قول شرطك أما نشوف .
جلس عصام على الكرسى المقابل له واضعاً قدماً على الأخرى بثقة .بينما جلست هاميس بترقب وكذلك أريان.
تحدث عصام وقال: أولاً : الفلوس اللى انت سرقتها من الشركة ترجع .
كاد أمجد أن يرد عليه ولكن عصام رفع يده لإسكاته وقال: قبل ماتتكلم الأول تسمع كل شروطى ولو مش عاجبك ابقى اتكلم مرة واحدة .ثم أكمل بتهديد وقال: يا إما هقوم وعرضى يبقى لاغى .نظر لعيناه بقوة وقال: هااااه أكمل ولا أقوم .
تحدث أمجد بصعوبة من شدة ضيقه وقال: قول اللى عندك .
أكمل عصام بثبات يحسد عليه وقال: زى ماقلت الفلوس اللى اتاخدت من الشركة ترجع .ورغم ان اللى هدفعه فى العمليات بتاعتك هيكون أضعاف الفلوس دى بس مش مشكله .إقترب منه وقال بخفوت: تاخد فلوس غصب عنى لا ،إنما أدفعها بمزاجى وبإرادتى واهى فى النهاية الأقربون أولى بالمعروف.
صرخ أمجد بقوة وقال: هو ايه الاقربون أولى ،هو أنا باخد منك صدقه د حقى .
وقف عصام وقال بصوت هادر: حق إيه يا أبو حق .حقك إنت خدته يوم ماجيت ووقفت قصادى وبعت من أرض أمى وإشتريت نصيبك فى الشركة إنت وأريان ومرضتش تقف معايا عشان نرجع الشركة من أول وجديد ولولا بقية فلوس الأرض مكنتش رجعت الشركة من تانى .
نظر عصام لأريان وقال: صح ولا غلط يا أريان وانت وأخوك أخدتوا حقكم منى ولا لا .
أجاب أريان بخفوت: حصل ياعصام واحنا عارفين إن الشركة كلها بتاعتك لأننا بعنالك نصيبنا فيها.
تماااااام .هكذا قال عصام بثبات ثم أكمل وهو ينظر لأمجد: أنا كنت عارف بالفلوس اللى بتسرقها بس مكنتش بتكلم عشان خاطر بابا الله يرحمه وأقول مش مهم .اكن توصل إنك تحاول تقتل ناس أبرياء عشان بس تأذينى يبقى لا يا أمجد لغاية هنا وكفاية قووى .وزى ماقولتلك الفلوس اللى انت أخدتها ترجع وده أول شرط .
قال أمجد بغضب : هو لسه فيه تانى .
أومأ عصام وهو يعاود الجلوس : طبعاً .الشرط التانى إنك.....................

ياترى إيه الشرط التانى 🤔🤔🤔🤔🤔🤔🤔🤔🤔