أنار لى عتمتى♥️✨

البارت ٦❤️

{ عشق كانت خارجة مع أخوها ومراته وابنهم "ريان وروان وابنهم كيان" وراحوا يزوروا الأهرامات ...

عشق : هيييح شايفة القمرات يابت يارونى
روان : أنا مش شايفة غير الكميلة اللى واقفة هناك دى وواقف جمبها بودى جارد😍

عشق بصت نحيتها وفجأة راحت تجرى نحيتهم وابتسمت بفرحة ...
عشق : (ممكن صورة معاك؟!)
Can I take a photo with you?!

زينة بصتلها باستغراب : No!
عشق : نو ايه ياطنط أنا مش بكلمك انتى أصلاً أنا بقول للمز اللى واقف وراكى دا😍

حسام كان لابس نضارة شمس مدارية عينه اللى برقت بصدمة لعشق وبيحاول يكتم ضحكته .. زينة بصتله وهو ابتسم وسكت .. ريان شد عشق من هدومها واعتذرلهم وخدها ومشى ...

ريان : انتى مخك ف كلبة والدة ياباااه!!
روان بضحك : انتى بتهببى ايه ياعشق بجد!😹
عشق : تء ماهو مز جامد كنتوا سيبونى اتصور معاه منكوا لله🥺
ريان : يارب الهمنى الصبر عشان متغباش عليها🙂

قضوا يومهم ورجعوا البيت .. بعد فترة الدراسة بدأت تانى وعرفت ان باباها طلبلها حارس شخصى يبقى معاها ونزلت عشان تشوفه واتفاجأت بيه! ...

عشق : هو جايبلى جارد أجنبى كمان! بس مش مهم دا جالى برجليه يامحاسن الصدف ياولاد😃🚶🏻‍♀️

قربت منهم ووقفت مكانها بصدمة لما سمعت حسام بيتكلم مع باباها عربى! دا معناه انه فهمها هناك ف الأهرامات! .. ركبوا العربية وحسام مشى ...

عشق : احم هو انت مصرى!!
حسام هز راسه : امم
عشق بصدمة : 😳يعنى فهمتنى!
حسام : تخيلى!

عشق بمرح : طب وهى راحت فين المزة اللى كنت معاها؟ سافرت!😹
حسام بصلها ف المراية : دى أمى يا آنسة
عشق تنحت : هاا😳لا ياسطا أنا أقصد اللى كانت جمبك ف الأهرامات اللى ردت عليا وقالتلى نو

حسام : أمى والله أنا كنت ف شغل وروحت اخدها
عشق بصدمة : 😳أمك ازاى دى شكلها أصغر منى! ماشاء الله😹

وصلوا الجامعة وحسام نزل فتح لعشق الباب وفضل معاها لحد ما دخلت كليتها واطمن عليها ...
حسام : لما تخرجى هتلاقينى ف انتظار حضرتك

عشق هزت راسها بتفهم ودخلت وحسام خرج من الجامعة ...
صحابها غمزوا بخبث : امم مين الجامد دا
احدى صديقاتها : شكله البودى جارد بتاعها

عشق : مبحبش الكلام دا وانتوا عارفين .. ممكن نقول صاحبى أو أخويا زى ريان لأنى مش بعتبرهم شغالين عندى

؟؟ : عارفين ياشوشو بس الواد جامد بجد
عشق اتنهدت بزهق منهم : يلا عشان منتأخرش ع المحاضرة

دخلوا المحاضرة وعشق يومها انتهى وخرجت فعلاً لقت حسام مستنيها .. واحدة صاحبتها لحقتها وندهت عليها ...
عشق : أيوا ياسارة!

سارة بحزن مصطنع : معليش ياشوشو بس أخويا كان هيعدى عليا ياخدنى وجاله اجتماع مفاجئ ف مش هيعرف ييجى ممكن توصلينى ف طريقك!

حسام سبق عشق : لا مش ممكن
عشق بصت لحسام باستغراب

حسام : أنا آسف لحضرتك طبعاً بس أنا مش ملزم أوصلها
عشق بصتله بقرف نوعاً ما : طب لحظة واحدة

بعدت عنه شوية ووقفت مع سارة لحد ما ركبتها تاكسى واطمنت عليها ورجعت لحسام ...
عشق بسخرية : معليش بقى مش ملزم تستنانى بس للأسف إسلام السواق ف اجازة ف انت مضطر تستحملنى لحد ما يرجع

حسام مردش وفتحلها الباب ركبت وهى متعصبة منه وهو لف ركب ووصلها البيت ومشى وهى راحت على بيت أخوها ودخلت قعدت مع روان وهى مش طايقة نفسها وحكتلها اللى حصل ...

عشق : بجح وحقير أوى بجد مكنتش متوقعاه كدا
روان : بلاش تتسرعى ف الحكم عليه هو أكيد شاف حاجة غلط ما أصل دا مش رد فعل راجل طبيعى لا
عشق : معرفش بقى أنا مش طايقاه من ساعتها

عدى يوم و٢ و٣ وحسام بيوصل عشق الجامعة ويرجعها من غير أى كلام أو تعامل بينهم لحد ما اسلام رجع من اجازته وخد شغله كسواق وحسام معاهم ك بودى جارد .. ف يوم وهما خارجين بردو سارة راحت قالتلها نفس الكلام وطلبت منها توصلها ...

عشق بشك : هو أخوكى دا علطول عنده اجتماعات مفاجأة كدا ومبيجيش خالص!
اتنهدت : معليش يا إسلام وصلها .... هى ف طريقنا

ملحقش يرد واتفاجأوا بحسام بيفتح باب العربية ...
حسام : انزلى

سارة بصدمة وبجاحة : تء انت مااالك ف ايه! هى موافقة انه يوصلنى انت بتدخل ليه بقى!

حسام : والله هو مش شغال عند اللى خلفوكى عشان يوصلك .. اخلصى انزلى

سارة : ولو منزلتش!!
حسام : رد فعلى مش هيعجبك

اسلام مستغرب اللى بيحصل : حسام خلاص محصلش حاجة يعنى لما نوصلها ف طريقنا ايه المشكلة!!
حسام بصله : خليك ف شغلك وسبنى اشوف شغلى
بصلها بهدوء مخيف : لآخر مرة هقولك بالذوق انزلى

سارة خافت منه ونزلت بغيظ وحسام قفل باب العربية على عشق وركب جمب اسلام ومشوا وسارة واقفة مكانها هتولع ...
بس كدا كفاية عليكوا أوى النهاردة🖤✨}

اعااااااااااااااااااااااااااا بقى بذمته دى نهاية بارت!! دخلتله خاص ف ساعتها ...

" أدههههم أنا عايزة اعرف دلوقتى حسام بيتصرف كدا ليه مليش دعوة "
أدهم رد : عايزانى احرقلك الأحداث!!😳

نورهان : أيون🙂
أدهم : 😹لا كخ مينفعش

نورهان : 🥹ياسطا بقى باااليييز الفضول هيقتلنى عايزة اعرف بيعمل معاها كدا ليه!
أدهم : 😹لا لا عيب مينفعش اقولك هتعرفى بكرا ان شاء الله

نورهان : 🙂ماشى شكراً ياصاحبى أو ياللى كنت فكراك صاحبى وأصلاً عادى
أدهم : دراما كوين🙂مش هقول حاجة بردو

نورهان : 😹أبو شكلك
أدهم : ميرسى😹 .. باى بقى عشان عندى شغل
نورهان : ربنا معاك🖤

قفلت وأنا مبسوطة أوى بكلامى معاه بجد .. معرفش ايه سر سعادتى واحساسى دا نحيته بس أنا حابة دا أوى ..♥️✨

كدا البارت خلص♥️رأيكوا؟؟!!!....