نورهان اتصدمت والفون وقع من ايدها مش مصدقة اللى سمعته ولا قادرة تستوعبه! ..
حسام : آنسة نورهان! انتى معايا؟
نورهان ف دنيا تانية وبتفتكر كل حاجة بينها وبين أدهم زى ما يكون شريط حياتها كله معاه بيمر قدام عينيها ودموعها نازلة بصمت ..
حسام : آنسة نورهان!
نورهان سمعته ومسكت الفون تانى وايديها بتترعش وردت ...
نورهان : 💔😢ا أيوا هو فين!
حسام : مستشفى .....
نورهان : شكراً💔😢
قامت بسرعة لبست وطلعت تروحله ...
رأفت : راحة فين!!
نورهان راحت وقفت قدامه وبصتله وبتعيط : ليه مقولتليش! ليه سمعت كلامه وكدبت عليا💔😭
رأفت بيبصلها ومش فاهم حاجة
نورهان : 💔😭ليه مقولتليش ان أدهم عنده لوكيميا
رأفت اتصدم : ا انتى عرفتى منين!
نورهان : واحد صاحبه كلمنى وقالى انه ف المستشفى وحالته حرجة
رأفت قام اتنفض : مستشفى ايه!
نورهان قالتله ودخل بسرعة غير هدومه ونزل معاها راحوا المستشفى كان حسام وريان قاعدين برا الأوضة ...
رأفت : أدهم فين!!😰
حسام : جوا
نورهان مستنتش تسمع كلمة زيادة ودخلتله بسرعة .. بصتله وهو نايم ع السرير والمحاليل متوصلة بدراعه ووشه باين عليه التعب والضعف! هى عمرها ما شافته كدا ولا كانت تتمنى تشوفه كدا .. قربت منه وقعدت ع الكرسى جمبه ومترددة تمد ايدها تمسك ايده بس مسكتها وضغطت عليها زى ما تكون عايزة تطمنه انها موجودة معاه .. أدهم فتح عينه بتعب وبصلها واتفاجئ بوجودها مكنش عايزها تعرف وتشوفه كدا ...
نورهان ضحكت : سلوعت أوى كدا ليه! دا على كدا ف الفرح أنا اللى هشيلك مش انت اللى هتشيلنى😹
أدهم ضحك بتعب وهى بصتله وضحكها قلب بعياط وخبطته ف صدره ...
نورهان : غبى ومتخلف ومبتفكرش💔😭مين قالك انى ممكن ابعد عنك واسيبك عشان حاجة زى كدا .. أنا .. أنا بحبك🥹
أدهم ابتسم بتعب : وأنا كمان بحبك
نورهان تنحت : 😳هااا
أدهم : بردو بتتنحى وهاا؟🙂
نورهان : ولا انت لسا على بوست الفيس كنت بتودعها وبتقول انك بتحبها وبتعشقها
أدهم : ماهى انتى
نورهان : لا مش فاهمة معليش ثوانى عشان مصوتش والم علينا المستشفى دلوقتى🙂فهمنى براحة
أدهم ضحك بهدوء : شوفتك مرة صدفة وأنا خارج من الجامعة وبقيت دايماً اشوفك من بعيد لبعيد .. كنت بشوفك دايماً انتى وصحابك مع أحمد وكنت بشوف نظرتك لي وبكدب نفسى لحد ما ف يوم سمعت ٢ من صحابك بيتكلموا وعرفت منهم انك بتحبيه .. حاولت ابعد بس معرفتش .. لما عرفت انه اتقدملك واتجوزتوا كان احساسى ساعتها ميتوصفش .. أنا فضلت ٥ سنين مش عايز اقربلك غير لما اكون قادر اتقدم وافتح بيت عشان ممشيش معاكى تحت مسمى فاشل اسمه الارتباط .. كنت عايز احافظ عليكى حتى من نفسى قبل الغريب! وف الآخر تبقى نصيب واحد تانى غيرى! .. حاولت ابعد وابطل تفكير فيكى بس مقدرتش .. فضلت محتفظ بحبك لنفسى وف قلبى .. يوم ما شوفت الكومنت بتاعك عندى ع البيدج مكنتش مصدق نفسى بس كنت مبسوط أوى بكلامك معايا حتى لو كمجرد فانز ليا .. لما قولتيلى انك اتطلقتى لو تفتكرى فضلت حوالى ربع ساعة ساكت بس أنا ساعتها اتلخبطت مبقتش عارف افرح ولا ازعل! افرح عشان أخيراً اتفتحلى باب جديد وبقى قدامى فرصة تانية انى ابقى معاكى! ولا ازعل عشان عشانك! كلامك وجعنى انك بتمرى بالحالة دى وموجوعة بسبب الإنسان دا وكان نفسى ساعتها امسكه اخنقه عشان وصلك للمرحلة دى .. متعيطيش💔
YOU ARE READING
أنار لى عتمتى♥️✨
Romanceروايتنا المرادى مختلفة .. عبارة عن مجموعة من القصص داخل بعضها من وحى خيال البطل بأحداثها وشخصياتها♥️
