أنار لى عتمتى♥️✨

البارت ٢٠❤️

تانى يوم نورهان صحت من النوم وبصت لأدهم اللى نايم وهو حاضنها وابتسمت بحب .. باسته بهدوء وقامت من جمبه براحة خالص عشان متقلقوش ويصحى ودخلت خدت شاور وطلعت صلت ركعتين ودخلت تحضر الفطار وبعدين دخلت تصحيه ...

نورهان بتلعب ف شعره برفق : أدهم! دومى!
أدهم بنعاس : امم
نورهان : يلا بقى اصحى

أدهم فتح عينه وبصلها وابتسم : صباح الفل
نورهان ابتسمت : صباح العسل ياحبيبى .. يلا قوم خد شاور بسرعة على اما اخلص الفطار

أدهم هز راسه وقام باسها ودخل ياخد شاور ونورهان راحت تكمل الفطار .. أدهم خلص وطلع يصلى ونورهان دخلت بالفطار وهو بيسلم من الصلاة ...
نورهان ابتسمت : تقبل الله ياحبيبى
أدهم : منا ومنكم ياحبيبتى

قعد جمبها وبدأ يسبح على ايديها
نورهان باستغراب : بتعمل ايه!
أدهم : بختم الصلاة
نورهان : يعنى ايه!

أدهم : أذكار بعد الصلاة زى أذكار الصباح والمساء .. أول ما تسلمى من الصلاة تقولى " اللهم انت السلام ومنك السلام تباركت ياذا الجلال والإكرام " وبعدين تبدأى تقولى " لا إله إلا الله وحده لا شريك له له الملك وله الحمد وهو على كل شئ قدير " ١٠ مرات و " اللهم أجرنى من النار " ٧ مرات دول ف صلاة الصبح أو الفجر والمغرب بس لكن الباقى بيتقال بعد كل الفروض اللى هما " سبحان الله والحمد لله والله أكبر " كل واحدة ٣٣ مرة وبعدين سورة الإخلاص والمعوذتين (قل هو الله أحد ،، وقل أعوذ برب الفلق ،، وقل أعوذ برب الناس) كل واحدة ٣ مرات وآية الكرسى دى أهم حاجة .. اللى بيقرأ آية الكرسى بعد كل فرض بيبقى بينه وبين الجنة الموت بس ويستحسن تقوليهم وانتى لسا قاعدة مكانك على سجادة الصلاة .. ممكن حد يشوفهم كتير ويكسل يقولهم بس هما دول كنزك الحقيقى وحمايتك وتحصينك من أى حاجة وحشة

نورهان : الله بجد بحب اسمع كلامك دا أوى😍
أدهم ابتسم وكمل قراءتهم وبيعد على ايديها لحد ما خلص وباس باطن كفها ونورهان بتبصله بحب ...

نورهان : يلا بقى الفطار هيبرد
أدهم : ايه دا ف ايه!🙂ايه كمية الكالسيوم دى! جبنة وبيض ولبن!!

نورهان : كل ياعسل انت لازم يبقى عندك مناعة قوية عشان تقاوم التعب
أدهم : معنديش مانع ف البيض والجبنة لكن لبن نو مستحيل مش بطيقه

نورهان : الكوباية هتتشرب كلها ياعسل😊
أدهم : مش هشربه🙂
نورهان : 🤨هتشربه
أدهم : مش هشربه🙂
نورهان : 🤨هتشربه
أدهم : مش هشررربه🙂
نورهان : قوووولت هتشربه🤨ويلا مش عندك جلسة النهاردة؟!

أدهم : أيوا🥺
نورهان : طب يلا كل
بدأت تأكله ف بوئه وأدهم مبسوط بس خلاص معتش قادر ...

أدهم : خلاص شبعت الحمد لله
نورهان : بس ياعسل افتح بوئك
أدهم : معتش قادر🙂
نورهان : يلااااا🤨
أدهم كل من ايديها : 😋هو ايه دا بقى بتزغط ابنها🥺