أنار لى عتمتى♥️✨

البارت ٨٣❤️

شايفين العبارة دى..!
" ستظل تُمتحَن ف شئ تركته لله .. حتى يعلم الله صدق توبتك ".
صحيحة ١٠٠٪ .. ربنا عشان يختبرك بيحطك ف مواقف تخليك تتشجع ترجع للمعصية .
مثلاً  : واحدة سابت علاقة محرمة لوجه الله .. ممكن فجأة تضعف وتشتاق لفُلان .. أو الشيطان يقولها شوفى فُلانة كانت داخلة ف علاقة وربنا وفقها واتجوزت اللى بتحبه .
هنا يبان صدقك ف ترك المعصية لوجه الله .
اثبتى وثبتى قلبك وصدقينى ربنا مش هيسيبك من غير عوض  ولو شاف صدقك ف ترك المعصية لوجهه الكريم فقط .. والله هيعوضك العوض اللى يجبر قلبك . دا وعد
قال رسول الله {صلى الله عليه وسلم} :
" انك لا تدع شيئاً اتقاءً لله .. إلا أتاك الله خيراً منه ".♥️
Adham Al_Sayad🖤✨
           *_________________*

{ الأيام بتعدى وجنى ملاحظة حاجة غريبة بتحصلها .. ف حاجات بتنساها وحاجات تكتشف انها حصلتلها من غير ما تحس وحاسة بكل الاضطرابات واللخبطة اللى بتحصلها دى ونوعاً ما فهمت حالتها وقررت تروح لدكتور نفسى .. خدت ميعاد مع دكتور كويس وراحتله .. وهى داخلة من باب العيادة حست بحد بيمسك ايدها بصتله لقته رعد ...
رعد بابتسامة هادية : يلا

جنى بصتله بدموع وابتسمت بامتنان ودخلت معاه وقعدوا يستنوا دورها .. جنى دخلت ورعد فضل قاعد مستنيها برا .. عدى الوقت وجنى خرجت وهى تعبانة جداً وباين على وشها الإرهاق وأثر العياط .. كانت ماشية بتحاول توزن نفسها لأن الدكتور مديها مهدئ .. رعد قرب منها بسرعة ...

رعد : انتى كويسة!
جنى هزت راسها بمعنى اه بتعب وسندت عليه .. رعد شالها وهى سندت راسها على كتفه وغمضت عينها براحة .. رعد نزل ركبها العربية ومشى .. وصلها قدام الفيلا ...

رعد : قادرة تنزلى!
جنى هزت راسها : مش عايزة حد يعرف
رعد هز راسه : متقلقيش .. هبقى اكلمك اطمن عليكى

جنى كانت هتنزل بس رجعت تانى بصتله : انت زعلان منى!
رعد استغرب : ازعل منك ليه!

جنى : عشان اللى حصل يعنى من ساعة حوار ديڤ وكدا
رعد : يعنى انتى افتكرتى دا ومفتكرتيش انى حضنتك ف المستشفى وسامحتك!
كمل بمرح : وربنا عيب ف حقى لازم افكرك .. يلا حضن كبير😌

جنى زقته ف كتفه : اتلم بقى انت ما بتصدق😹افتكرت .. أنا أقصد ساعة رفض بابا بعدها بردو وكل دا يعنى!
رعد : حتى لو زعلان .. يغور الزعل وأى حاجة دلوقتى لحد ما تبقى كويسة

جنى ابتسمت : عارفة عشان كدا سألتك
رعد ابتسم : لا مش زعلان

جنى هزت راسها بابتسامة ونزلت ورعد فضل واقف لحد ما اطمن انها دخلت وبعدين مشى .. بقى بيروح معاها دايماً ف جلساتها ومش بيسبها لحظة .. بدأت تتحسن ورعد راح طلبها تانى من زين ...

رعد : والمرادى مش همشى من غيرها🙂
زين : 🤨دا تهديد يعنى ولا ايه!
رعد : العفو ياعمى بس أنا بحبها وعايزها تبقى مراتى وشريكة حياتى

زين بص لبنته اللى قاعدة تبص لرعد ومبتسمة وباين عليها فرحتها ووافق ...
رعد فرح أوى وقام حضنه : 🤗خاف على بنتك من الدنيا كلها ومتخافش عليها منى ياعمى
زين : خوفت من رد فعلك مش أكتر
رعد : عارف وفاهم ليه وبقولك اطمن متقلقش

زين استغرب كلام رعد! عارف وفاهم ايه! عرف ان بنته مريضة نفسية! طب ازاى! مفكرش كتير المهم دلوقتى ان بنته فرحانة .. وبالفعل تم كتب كتابهم بعد أيام ...

جنى : عندى سؤال مهم بقى
رعد : اتفضلى يازوجتى العزيزة
جنى : ايه اللى فتح جرح صدرك تانى بقى!
رعد : 🙂أنا

جنى : 😳ليه يامتخلف!
رعد ضحك : 😹مش عارف والله بس معرفتش اقولك ايه ودا حصل امتى وازاى ف مكنش قدامى حل تانى غير دا عشان متعبكيش زيادة

جنى : 🥺بحبك يادودى
رعد ضحك وحضنها : 😹🤗بعشقك يامطلعة عين دودى

جنى ضحكت وحضنته وهما ال٢ مبسوطين ومش مصدقين انهم أخيراً بقوا ملك بعض ...
النهاية .. رأيكوا ياحلوين🖤✨}
         *__________________*

بعد فترة .. بدر وروح خلفوا ولد وسموه "يَزِن" .. آدم وملك خلفوا توأم ولد وبنت سموهم "مالِك ومليكة" .. عدت فترة سجن سفيان وأخيراً جه اليوم المنتظر وهو يوم خروجه ...

ريان بعت لكيان مسدج : كيان روح لأخوك عشان أنا مع وتين ف المستشفى .. لو سأل قوله تعبانة شوية ولما ييجى نبقى نفهمه براحة متقلقوش
كيان : حاضر

وفعلاً راح هناك واستقبل سفيان أول ما خرج وحضنوا بعض جامد ...
سفيان استغرب : انت جاى لوحدك!
كيان : اه🙂مكنتش عايزنى اجى لاسمح الله!
سفيان : لا مش كدا طبعاً بس توقعت مثلاً ان بابا يبقى معاك أو وتين ع الأقل

كيان : بابا مع وتين عند عمى أدهم ف المستشفى بيكشفوا على رزان عشان تعبانة شوية
سفيان بقلق : مالها؟
كيان : متقلقش .. شوية تعب بسيط بس عادى
سفيان : طب يلا نروحلهم

كيان هز راسه وركبوا العربية ووصلوا المستشفى ونزلوا مع بعض وطلعوا لمكتب أدهم .. كيان خبط ودخلوا هما ال٢ وسفيان شاف بنته نايمة ع السرير وف ايدها محلول ...

ريان قام حضنه : 🤗حمد الله ع السلامة ياحبيبى
سفيان بيبص لبنته ومراته وبعدين بص لأبوه : ف ايه! رزان مالها

ريان : تعبانة شوية
سفيان : تعبانة ازاى يعنى فيها ايه يخليها كدا؟ وايه البقع الحمرا اللى ف جسمها دى!

ريان اتنهد : دى حاجات طبيعية ف حالتها .. عندها مرض اسمه كواساكى

كدا البارت خلص♥️رأيكوا؟؟!!!....