أنار لى عتمتى♥️✨

البارت ٤١❤️

" بعيداً عن طمعى بالجنة وخوفى من النار .. أريد حقاً رؤية الله .. أريد أن أرى من ذا الذى لطالما آنس وحشتى ،، وفكَّ كربى ،، وآمن روعاتى ،، ودبَّر حياتى .. من ذا الذى آوانا حينما جافونا .. من ذا الذى شفانا وأطعمنا وسقانا من غير حولٍ منّا ولا قوة
اللهم لا تحرمنا لذة النظر لوجهك الكريم "♥️
Adham Al_Sayad🖤✨

نزل بوست وبعدين دخل يكلم ليلى يطمن عليها ...
أدهم : وصلتى!!
ليلى : اه ياحبيبى لسا واصلة اهو
أدهم : طب حمد الله ع السلامة .. خدى بالك من نفسك يا ليلى
ليلى : حاضر متقلقش♥️

نورهان بعتتله مسدج : دومى لسا قدامك كتير!!
أدهم : لا خلاص ياحبيبتى نازل اهو هروح اصلى العشا ف الجامع وجاى علطول .. عايزة حاجة!!
نورهان : اه ابقى هاتلى كيس مكرونة وملح بس وهات بامبرز لزين
أدهم : حاضر

نزل من المستشفى وراح جاب اللى هما عايزينه ولما وصل عند بيته لقى شاب واقف يخبط على باب مسجد صغير قريب استغرب وقرب منه ...
أدهم : ف ايه!
الشاب : هو قفل ليه!!🥺

أدهم : المساجد الصغيرة بتقفل لحد قبل الفجر بشوية ف ممكن تروح مسجد تانى أو استنى خلينا نجرب نخبط تانى
خبطوا تانى شوية لحد ما فتح مسؤول المسجد ...
أدهم : ف شاب عايز يصلى

الشاب بتوتر : شكراً
أدهم حس انه محتاج مساعدة : تعال أنا هدخل اصلى معاك

دخلوا وأدهم صلى ركعتين والشاب صلى العشا وخلصوا وقعدوا يتكلموا شوية ...
الشاب بدموع : أنا أول مرة اصلى دلوقتى وكنت صايم النهاردة بعد ما نويت اتغير واقرب من ربنا
عيط بحرقة : 💔😭أنا ندمان أوى على عمرى اللى ضيعته بعيد عن ربنا  .. أنا جربت كل حاجة حرام وعمرى ما حسيت إنى مرتاح زى ما حسيت النهاردة وأنا صايم وقريب من ربنا

أدهم طبطب على كتفه : ربنا غفور رحيم وباب التوبة مفتوح ف أى وقت ولأى حد .. قوم صلى ركعتين توبة واهدى كدا
الشاب : دول زى أى صلاة عادى ولا بيتقال فيهم حاجة معينة!

أدهم : هما ٤ ركعات كل ركعتين لوحدهم وف كل ركعة هتقرأ سورة الفاتحة والتوحيد(قل هو الله أحد) ٣ مرات والمعوذتين(قل أعوذ برب الفلق وقل أعوذ برب الناس) مرة واحدة ولما تخلص صلاة استغفر ٧٠ مرة واختم ب لاحول ولاقوة الا بالله العلى العظيم وبعدين قول الدعاء [ياعزيز ياغفّار اغفر لى ذنوبى وجميع ذنوب المؤمنين والمؤمنات فإنه لا يغفر الذنوب إلا أنت]

الشاب هز راسه بتفهم وقام يصلى وأدهم قعد يقرأ قرآن .. عدى ربع ساعة وغاب ف الصلاة  .. بص عليه لقاه ساجد بس وضع سجوده غريب! ركز معاه وفضل قاعد مستنيه يقوم من السجود بس مش بيقوم! عدى ٥ دقايق قام نده عليه مردش .. جه يهزه لقاه وقع على جمبه نده على مسؤول المسجد جه جرى وفضلوا يحاولوا يحركوه مفيش فايدة .. اتصل بالإسعاف وهناك كلموا أهله وعرفوا انه مات! مات وهو ساجد ف ركعتين توبة! .. أدهم رجع البيت وهو سرحان وبيفكر ف اللى حصل ...