أنار لى عتمتى♥️✨

البارت ٢٥❤️

" ناس كتير اتكلمت عن الحب ووصفته ف الكتب والروايات بس أنا مشوفتش ولا هشوف حب زى حب بابا لماما .. من صغرى وأنا دايماً بتفرج عليهم وبشوف ازاى بابا بيتعامل مع ماما لدرجة انى بدعى ان ربنا يرزقنى بواحد زى بابا .. بيقولوا من طلب العلا سهر الليالى .. بس أنا بابا قالى اسعى واعملى اللى عليكى انتى هتبقى فخر لنفسك قبل ما يكون ليا وادينى نجحت ف الثانوية العامة ودخلت طب عشان ابقى زى بابا وحتى انى حبيت نفس هواياته كمان وبقيت اكتب زيه ومهووسة بالكتب والقراءة ومش بلاقى نفسى غير فيهم .. بغض النظر عن ان بابا مز المزاميز وانه مهما كبر بيصغر بس أعتقد ان مفيش حد زى بابا نهائى .. بابا بيدعمنى نفسياً .. بابا بطل حياتى🥺♥️ "
Laila.Al_Sayad🖤✨

نزلت البوست وقومت خدت شاور ولبست وطلعت كان بابا قاعد كالعادة بيقرأ ف المصحف ...
ليلى باسته من خده : 😚صباح الخير على أجمل بابا ف الدنيا
أدهم ابتسم وصدق وقفل المصحف وحطه مكانه وبعدين ضمها لحضنه وباس راسها : صباح العسل ياقلب بابا

ليلى : هو آدم نزل ولا ايه!!
أدهم : بذمتك مقتنعة بسؤالك! أمك لسا بتحاول تصحيه أصلاً🙂
ليلى ضحكت : 😹غيبوبة دا مبيشبعش نوم .. هدخل اصحيه أنا😈

دخلت جرى على أوضته وبصتله وهو نايم بهدوء وفجأة نطت فوقه وهى بتصرخ بإسمه ...
ليلى : ولاااا ياااااا آدددددددم😃
آدم : ااه ياشيخة منك لله انتى لو بتصحى يهودى مش هتصحيه كدا

ليلى ضحكت : 😹قوم ياغيبوبة يلا عشان شغلك
آدم : لا ما أنا واخد اجازة لنفسى

ليلى : يااااض قوووم يااااض بطل كسل
آدم : ياستى أنا حر الشركة شركتى والإجازات تخصنى الاااه .. الدور والباقى ع اللى لسا بيدرس بقى هاا😑

ليلى : أنا حابة دراستى ملكش دعوة
خبطته بالمخدة : قوم بقى متبقاش رجل أعمال فاشل كدا جتك وكسة .. شكلى اتغشيت فيكوا واتخدعت بصورة أبطال الروايات
آدم : اديكى قولتى روايات مش حقيقة اتكلى على الله بقى وسيبينى انام

ليلى : وربنا ما أنا سايباك غير لما تقوم🙂
آدم قام : خلاااااص اتنيلت ربناااا ع الظااالم
ليلى ابتسمت وطبطبت على وشه : شاطر ياروحى صباح العسل يلا خد شاور وصلى والبس واطلع عشان نفطر🚶🏻‍♀️

سابته وخرجت وهو قام خد شاور واتوضى وصلى ولبس وجهز نفسه وخرج كانوا قاعدين على ترابيزة السفرة ...
آدم : صباح الخير
أدهم ونورهان : صباح النور ياحبيبى

فطروا وبعدين قاموا كل واحد يشوف اللى وراه .. آدم نزل راح شركته .. وأدهم وليلى نزلوا سوا أدهم يوصلها الجامعة ف طريقه وبعدين طلع ع المستشفى يشوف شغله ونورهان بتهتم بشغل البيت .. ليلى داخلة كليتها ووقفها صوت حد بيناديها ...

هشام : ليلى
ليلى نفخت بضيق ولفت بصتله : خير!!
هشام : ابتسم : صباح الخير
ليلى : وبعدين!!