أنار لى عتمتى♥️✨

البارت ٧٧❤️

عدى فترة وليلى بقت ف الشهر ال٧ وكيان واخد اجازة من شغله وقاعد جمبها مش بيسيبها لحظة لأن كل ما الوقت يعدى تعبها بيزيد والدكتور قال ان ممكن تحصل ولادة مبكرة .. وفعلاً ف يوم كانت تعبانة جداً وخلاص مش قادرة لدرجة انها بتعيط من التعب .. كيان ساعدها ف لبس هدومها براحة وغير هدومه بسرعة وشالها ونزل ركبها العربية وبعت مسدج لأدهم انه طالع بيها ع المستشفى .. كان بيحاول يسيطر على أعصابه وهى جمبه بتتوجع وتعيط ويحافظ على سرعته بالعربية عشان ميأذيهاش ...

ليلى مسكت ايده : 💔😭كيان!
كيان بصلها ولاحظ على هدومها بقعة دم اتصدم وزود السرعة بس بحذر بردو لحد ما وصل كان أدهم مستنيهم قدام المستشفى .. كيان نزل وبصله بتوتر وخوف ...
كيان : هى بتنزف

أدهم بصله بقلق وراح نحية ليلى شالها ودخل بيها وكيان وراه .. الدكتور كان مستنيهم ومجهز العمليات وكل حاجة لاستقبالها .. دخلوها وقبل ما يدخل كيان مسك ايده ...
كيان بدموع : أنا عايزها هى الأول .. لو اضطريت تضحى بحد فيهم ليلى أهم بالنسبالى

الدكتور : ايه اللى خلاك تفكر كدا؟ لو قلقان من الدم دا يعنى متقلقش هو غالباً بيحصل لو ف مشاكل ف الرحم زى حالة ليلى كدا
طبطب على كتفه : ان شاء الله مش هنضطر نضحى بحد فيهم وهيخرجولك ال٢ كويسين

دخل وهو قعد على أقرب كرسى قابله وعينه ع الباب .. نورهان جت لما أدهم بلغها وجابتله تيشيرت تانى زى ما طلب منها ...
نورهان بصت لهدومه وايده اللى عليهم دم بقلق : أدهم!
أدهم بهدوء غريب : طبيعى ف حالة ليلى

خد منها التيشيرت ودخل أوضة فاضية قلع التيشيرت ودخل غسل ايده .. تانى مرة يبقى دم بنته على ايده بالمنظر دا بس المرادى غير .. غسل وشه كذا مرة بعنف وبيطمن نفسه ويشجعها انه لازم يفوق ويبقى أقوى من كدا .. أكيد خير .. لبس التيشيرت التانى وخرجلهم .. نورهان شاورتله بعينها على كيان .. اتنهد بتعب وراح قعد جمبه وحط ايده على كتفه ...

أدهم : كيان!
كيان بدموع : 🥹هو قالى كدا وخلاص عشان يطمنى صح!
أدهم : لا هو فعلاً ف حالات طبيعى بينزل منها دم قبل الولادة وبالذات لو ف مشاكل ف الرحم

الباب اتفتح وخرجت ممرضة بالطفلة ووراها الدكتور ...
كيان : أنا مش عايز دى أنا عايز ليلى💔
أدهم بص للدكتور اللى بصلهم بأسف : عندها نزيف جامد ومش قادرين نسيطر ع الوضع .. مضطرين نشيل الرحم

كيان من غير تردد : اعمل اللى انت شايفه صح المهم هى تبقى كويسة
الدكتور بص لأدهم اللى وافق كيان : مش محتاجة سؤال طالما دا ف مصلحتها

كيان مضى ع القرار انه موافق على عملية إزالة الرحم والدكتور دخل تانى .. كيان بص حواليه ...
كيان : هى خدتها وراحت فين!!

نورهان : انت مش قولت مش عايزها؟
كيان : متهزروش بجد مش وقته سخافة أنا كنت قلقان على ليلى مش أكتر مقصدش مش عايزها💔
نورهان : دخلتها الحضّانة متقلقش