أنار لى عتمتى♥️✨

البارت ٦٣❤️

ليلى بتعيط بقهر : 💔😭كيان عشان خاطرى فوق بلاش تعمل فيا كدا
حست ان جسمه بيسكن تدريجياً وهيفقد وعيه .. قامت بسرعة اتنفضت بعيد عنه وكيان مسك راسه وبدأ يصرخ بألم ...

ليلى قربت منه بخوف ولهفة : 💔كيان! كيان مالك ف ايه!
سمعت الباب بيخبط تحت وصوت أبوها اللى كله قلق ولهفة : ليلى!

نزلت جرى فتحتله وأدهم اتصدم من منظرها وهدومها المتقطعة .. ليلى خدته من ايده وطلعوا فوق ...
ليلى : بابا تعال بسرعة الحقنى💔😭كيان

طلعوا فوق كان كيان قاعد ماسك راسه بوجع وجسمه بدأ يتشنج .. ليلى راحت قعدت جمبه بسرعة وبتحاول تهديه ...

أدهم : حاولى تسيطرى على حركته وحطى حاجة ف بوئه يعض عليها عشان ميأذيش نفسه أنا هنزل الصيدلية علطول وارجع

نزل جرى وليلى فضلت جمب كيان ونفذت كلام أدهم وبتحاول تهديه وهى بتعيط ع اللى بيحصله .. أدهم رجع ف خلال دقيقة معاه حقنة وثبت دراع كيان بالعافية وادهاله وكيان هدى ونام .. أدهم بص ل ليلى وضمها لحضنه وهى عيطت .. مسألهاش عن أى حاجة دلوقتى خالص فضل سايبها ف حضنه لحد ما بدأت تهدى ...

أدهم بهدوء : 🤗ايه اللى حصل!
ليلى بصت لكيان بدموع : 🥹مش عارفة هو زى ما قولتلك ف الفون انه من ساعة ما رجع الشغل تانى وبقى بيرجع مش طبيعى ودايماً عصبى ويتخانق معايا على أتفه الأسباب والنهاردة جه زى ما سمعت ف الفون كدا وأنا بكلمك بس هو مش طبيعى كيان مستحيل يعمل كدا وهو واعى

أدهم : عارف .. قومى غيرى هدومك وأنا هكلم ريان وناخده المستشفى اما نشوف سبب اللى حصله دا ايه!

ليلى هزت راسها بالموافقة وقامت بسرعة غسلت وشها وغيرت هدومها وخرجت .. كان أدهم نزل كيان نيمه ف العربية ومستنيها ...

أدهم ضمها لحضنه بدراعه وبصلها : انتى كويسة!!
ليلى هزت راسها : متقلقش يابابا أنا كويسة أنا عارفة ان دى حاجة خارج إرادته مش بإيده .. كيان ادانى الأمان وصبر عليا كتير

أدهم ابتسم باطمئنان وباس راسها وركبوا العربية ومشوا .. وصلوا المستشفى كان ريان مستنيهم هناك ...
ريان : ف ايه يا أدهم قلقتنى! قولتلى حصلنى ع المستشفى وهفهمك لما نتقابل

قطع كلامه لما شاف ليلى قلق وبص ف العربية شاف ابنه نايم بصلهم بخوف : كيان ماله!
أدهم طبطب على كتفه برفق : اهدى بس وخلينا ندخله الأول وهنعرف ماله .. هفهمك كل حاجة لما ندخل يلا

خرجوا كيان من العربية ودخلوا بيه وليلى وراهم ودخلوه أوضة ودخل دكتور يفحصه بعد ما أدهم شرحله اللى حصل بالظبط وريان اتصدم من تصرفات ابنه وبيفكر ايه اللى ممكن يوصله لكدا؟!

أدهم : متفكرش كتير دلوقتى نعرف .. هما هياخدوا عينة دم يحللوها ويشوفوا ف حاجة ف دمه ولا لأ .. ممكن يكون كان بياخد حاجة بتخليه يتصرف كدا .. ف أدوية بتأثر ع الشخص كدا

ريان بتفكير : ماهو خده منين وازاى! ومين أصلاً لي مصلحة ف كدا؟
أدهم : دى حاجة نعرفها منه هو بقى لما يفوق ان شاء الله

ريان هز راسه بهدوء وفضلوا قاعدين مستنيين الدكتور يخرج يطمنهم وهو وأدهم بلغوا نورهان وروان انهم هيتأخروا شوية ف الشغل النهاردة عشان ميقلقوش .. عدى الوقت والدكتور خرج ...

ريان : خير يادكتور طمنى
الدكتور : لقينا ف دمه نسبة كبيرة من عقار عبارة عن تركيبة بتأثر ع المخ بشكل كبير ومش دايماً تأثيره بيبقى واحد .. ف حالة كيان هو أثر على تصرفاته وبقى بيخرج منه تصرفات غريبة لا إرادية بس لما زاد عن حده دا سببله تشنجات وكويس انها مأثرتش عليه أكتر من كدا وكان ممكن لقدر الله يموت

أدهم : هيفضل لي تأثير عليه لما يفوق!
الدكتور : لا متقلقوش أنا حطتله مجموعة حقن ف المحلول هتهديه خالص ولو فضل حاسس بتعب ممكن ياخد واحدة كمان بكرا بس الأفضل يرتاح يومين وميجهدش عقله بضغط شغل أو حاجة وان شاء الله مش هيحتاجها
ريان : تمام شكراً يادكتور

دخلوا يطمنوا عليه كانت ليلى قاعدة جمبه وماسكة ايده
ريان : أنا رايح فرع شركته هشوف الكاميرات أكيد فيها حاجة واضحة

أدهم بصله بلهفة : ريان!
ريان ابتسم وطمنه : متقلقش يا أدهم سبق ووعدتك انى خلاص قفلت سكك الانتقام دى خالص وبالذات من بعد الحادثة اللى حصلتلنا
أدهم : ماشى

ريان مشى وأدهم وليلى فضلوا مع كيان .. أدهم حط ايده على راسها ...
أدهم : لولو!
ليلى بصتله بقلق🥹
أدهم ابتسم : متقلقيش ياحبيبتى الدكتور خلاص طمننا

ليلى : بس قال ممكن يفضل تعبان🥹
أدهم : طبيعى ياحبيبتى تأثير الأدوية دى مبيبقاش سهل وبعدين لو فضل تعبان هتتحل بإزازة محلول وكام حقنة وخلاص وبعدين آدم لو عرف ما هيصدق ييجى يشمت فيه انه بقى تحت ايدك😹

ليلى ضحكت بهدوء ورجعت بصت لكيان تانى لما بدأ يفوق ...
ليلى : كيان! انت كويس!!
كيان ابتسم بهدوء وتعب وهز راسه بمعنى اه

أدهم : جتك وكسة انت وهى .. عيال مخلعة وكل ما يقوموا من مشكلة يقعوا ف التانية وقعوا ف بعض ربنا يستر على عيالكوا اللى هتخلفوهم🙂

ال٢ ضحكوا وريان رجع بعد شوية وبص لأدهم بمعنى انه مفيش داعى للكلام دلوقتى عشان ميتعبش زيادة وأدهم فهمه .. الدكتور اطمن عليه وسمحلهم يخرجوا وكل واحد رجع بيته لما اطمنوا عليهم وان كيان خلاص كويس ونام ...
*_______________*

آدم : بابا
أدهم : نعم
آدم : احم أنا عايز اتقدم لملك بنت عمو حسام

أدهم بصله باهتمام وآدم كمل : أنا الحمد لله يعنى شغلى ماشى كويس ف الشركة والشقة موجودة .. هنجهزها بس سوا ونتجوز
أدهم ابتسم : هكلم حسام واشوف هيقول ايه

آدم ابتسم بفرحة وقام حضنه وباسه من خده ودخل أوضته فتح فونه وبعتلها على اكونت الصراحة بتاعها ..
" أكيد وصلك تريند بتاع اسمعى الدقيقة كذا من الأغنية كذا وكدا لكنك والله أنقى وأتقى وأجمل من ان أعصى الله فيكى♥️
اسمعى سورة الروم الآية ٢١♥️✨ "

ملك فتحت المسدج واستغربت انها من آدم وابتسمت لما قرأتها وفتحت الآية تقرأها ..
﴿ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ﴾♥️
ابتسمت بفرحة وخجل من طريقته الجميلة ف طلبه للجواز منها ...

كدا البارت خلص♥️رأيكوا؟؟!!!....