أنار لى عتمتى♥️✨

البارت ٣٥❤️

أدهم كان قاعد يفكر يطمن ازاى! مش هينفع يجبلها اختبار حمل وتعمله عشان هو مش عايز يقلقها ويتعبها زيادة .. ياخد منها عينة دم! اه دى أنسب طريقة هى بقالها فترة بتتعب كدا ومكنش مدرك لحاجة زى دى لولا هزار فرح هو اللى فوقه .. هو أنسب حل ياخد منها عينة دم يحللها بحجة انه عايز يعرف سبب تعبها كل شوية الفترة دى ويبعته المعمل يتأكد هو فعلاً حمل ولا لأ؟! .. خد سرنجة فاضية وخرج قعد جمبها ...

ليلى : 🥹والله اصوت والم عليكوا الناس اقول بيعذبونى ف ايه بقى حرام كدا ما انت لسا مدينى حقنة

أدهم : عايز اطمن يا ليلى انتى بقالك فترة كل شوية تتعبى كدا والعلاج يريحك مؤقتاً ف ساعتها وخلاص عايز اعرف دا سببه ايه!

ليلى بصتله بحزن ودموع🥹
أدهم باس راسها : 😚معليش ياروحى عينة دم بسيطة بس

ليلى هزت راسها بالموافقة وأدهم حدد الوريد وسحب العينة وباسها واداها مصاصة وليلى ضحكت وباسته من خده😹حط العينة على مكتبه عشان ياخدها معاه الصبح وهو رايح شغله ...
          *_________________*

تانى يوم ريان خبط على أوضة كيان ودخله كان بيجهز عشان ينزل الشركة ...
كيان : خير يابابا ف ايه!!
ريان : انت ليك علاقة باللى حصل للواد اللى اسمه هشام دا؟!

كيان باستغراب : اللى هو ايه اللى حصل!!
ريان : العيال اللى اتلموا عليه وضربوه دول وجاله شلل كلى!!

كيان هز راسه بنفى : لا أنا من يوم ما خليت الرجالة خدته من مخزن الشركة رموه ع الطريق وأنا معرفش عنه حاجة

روان بصدمة : 😳انت اللى عملت كدا ياكيان!
كيان سكت بقلق وبص لأبوه مكنش يعرف ان أمه واقفة برا وسمعتهم ...
ريان بهدوء : أيوا هو وأنا اللى قولتله

*فلاش باك*
كيان بعد ما خرج من المستشفى كان حاسس ان جواه بركان .. راح وقف قدام البحر وبيبصله لحد ماسمع صوت أبوه جمبه ...

ريان : كيان
كيان بغضب : هقتله يابابا هقتله
ريان : هتريحه

كيان بص لأبوه اللى كان بيبص قدامه وبعدين بصله وابتسم : عملية إخصاء
*باك للواقع*

روان : انت اللى شجعته ياريان بدل ما تمنعه! انت اللى اديته الفكرة أصلاً؟!
ريان : وامنعه ليه! دا كلب ولا يسوى ودا أفضل عقاب لي

روان : ولما راح بلغ عن ابنك كان كويس!!
ريان : أنا ف ضهره ياروان وبعدين مقدرش يثبت حاجة وكل الموظفين شهدوا انه كان ف اجتماع ف الوقت اللى هو قاله .. مهما يعملوا مش هيعرفوا يمسكوا عليه حاجة

بص لكيان : يلا عشان اتأخرنا
عدى من جمب روان وطبطب على وشها وابتسم : خدى بالك من نفسك ياحبيبتى

كيان مشى وراه بسرعة : مع السلامة ياست الكل
روان بذهول : 😳هيجلطونى
        *________________*

بدر كان مسافر ف شغل خاص بيه برا مصر وأخيراً رجع وملك نزلت جرى حضنته ...
ملك : 🤗وحشتنى يابيدو
بدر حضنها : 🤗وانتى أكتر ياملوكة

عشق خرجت من المطبخ بلهفة على صوته وبصتله باشتياق : بدر🥹
بدر ابتسم وقرب منها ومسك ايدها باسها : وحشتينى يا أمى

عشق ضمته لحضنها : 🤗وانت وحشتنى أكتر ياقلب ماما
ملك بصوت عالى : حكوووومة😳
بدر وعشق بصولها لقوا حسام نازل من فوق وبيبصلهم بغيظ .. بدر ضحك بهدوء وراح حضنه ...

حسام حضنه وضربه على كتفه : خف شوية ياروح أمك🤗
بدر ضحك : 😹ف ايه ياحسام أمى وحشانى

عشق : حبيبى اطلع غير وانزل أكيد جعان
بدر : واقع من الجوع ياشوشو وحشنى أكلك والله
عشق باسته من خده : ياروحى عقبال ما تغير يكون الأكل خلص😚

حسام بيبصله بغضب وقرف وعشق دخلت المطبخ تانى جرى وبدر ضحك وطلع أوضته وفتح فونه وبعت مسدج لروح ...
بدر : روحى عاملة ايه! وحشتينى أوى .. هستنى اشوفك بالليل مع خالو
        *__________________*

{زياد طلع شقته ومعداش حتى نص ساعة ولقى عيل بيخبط عليه وبيقول ان البوليس تحت وبيسألوا عليه ...
زياد : مش هنخلص النهاردة
نزل : خير ياباشا

محمد : مش قولتلك مسيرها تنتهى وعلى ايدى يازيزو😌
زياد : مش فاهم

محمد : ف حد بلغ عنك ياحلو انك قتلت واحدة هنا قدام عينيهم من شوية
زياد بذهول مصطنع : قتلت واحدة!😳حاشا لله ياباشا أنا مش بتاع الكلام دا

محمد بغضب : انت هتستعبط ياروووووح أمممممك!😠
زياد : ياباشا وأنا هستعبط على سيادتك ليه! طب وفين الجثة! ومين اللى بلغ يورينا نفسه وييجى يقف قدامى ويتهمنى
محدش اتحرك من مكانه وزياد بيبصلهم : اللى بلغ عنى يخليه راجل وييجى يورينى نفسه

بردو الكل ساكت ومحدش اتحرك ومحمد جاله ذهول وعمال يزعق ويصرخ فيهم حد ينطق ...
محمد : ما تنطقووووو! اتكلمووووو خااايفين من اييييه!

كله حط وشه ف الأرض وساكتين وزياد ضحك ...
زياد : لامؤاخذة ياباشا بس حضرتك غلطان انك بتسمع كلام عيال وتمشى وراه وما بتصدق تيجى تجرى😹
محمد بصله بغضب شديد : مش هسيبك يازياد والأيام بيننا ودينى ما هسيبك😠

زياد ابتسم ببرود وهز راسه وشاورله مع السلامة ومحمد مشى هو واللى معاه وزياد بص حواليه وثبت نظره على واحد معين شوية بهدوء مخيف وبعدين طلع شقته .. بالليل شهد نزلت تشترى حاجة من السوبر ماركت بس سمعت صوت مكتوم ف شارع جانبى استغربت وقربت منه تشوف ايه اللى بيحصل واتصدمت لما شافت زياد ماسك واحد كاتم بوئه بإيده وقطع رقبته بالسكينة بكل سهولة وبرود من غير ما يرمشله جفن .. رماه ع الأرض ولف بصلها وهى شهقت بخوف وكانت هتجرى بس لحقها وشدها عليه .. كانت هتصرخ بس كتم صوتها بسرعة ...

زياد : لو سمعتلك صوت هتحصليه يابنت الأنصارى
شهد بصتله برعب ودموع : 🥹امم
زياد ابتسم بشر : اعرفك بيا .. "زياد الكيلانى" الشهير ب "الفهد" العضو الأول ف المثلث الذهبى للمافيا الروسية
رأيكوا ياحلوين🖤✨}

وكالعادة استنت كومنت أدهم ...
" يابنتى اصوت! الطم! اشق هدومى!🥹مافيا ايه! هتجلطينى "

ليلى ضحكت ...
" لا ياحبيبى هدى أعصابك احنا محتاجينك😹♥️ "

أدهم ضحك وباب مكتبه خبط ودخل ممرض اداه نتيجة التحليل وأدهم خدها منه بلهفة وشكره وهو خرج .. أدهم فتح نتيجة التحليل يشوفها وهو بيدعى ربنا يكون تفكيره غلط بس اتصدم ان النتيجة إيجابية وليلى حامل!!😱

كدا البارت خلص♥️رأيكوا؟؟!!!....