أدهم : ممكن نكتب كتاب علطول! ملهاش لازمة الخطوبة رأفت : والله أنا معنديش مانع بس دى حاجة انتوا اللى تقرروها مع بعض مش أنا .. هاا ايه رأيك يانور!
نورهان بخجل : اللى حضرتك تشوفه يابابا رأفت بخبث : طب أنا بقول بلاش استعجال يا أدهم ا ... نورهان قاطعته : 😳لااا أنا موافقة والله
وبعدين استوعبت اللى هى عملته وسكتت بإحراج وكلهم ضحكوا😹 أدهم : ممكن بعد بكرا .. لو ناقصها حاجة خاصة بيها هى تنزل تجبها بس لكن الشقة وكل حاجة جاهزة
رأفت : مش هتعملوا فرح!! نورهان ردت نيابة عن أدهم : لا هو هيبقى احتفال بسيط كدا واحنا بنكتب الكتاب بس
رأفت هز راسه بالموافقة وفهم انها اتفقت مع أدهم على دا عشان تبقى جمبه الفترة دى لحد ما يتعافى .. أدهم قام يمشى ورأفت أصر يروح يقعد معاه اليومين دول لحد ما يتجوز هو ونورهان ويطمن عليه انه معاه حد يهتم بيه .. رأفت نام وأدهم كان بيقلب ف الفون لقى مسدج من نورهان ...
نورهان : دومى🌚 أدهم : نعم نورهان بمرح : أنا عايزة شبكة سوليتر😌😹 أدهم : حاضر
نورهان بصدمة : حاضر ايييه!😳أنا بهزر أدهم : عارف انك بتهزرى بس والله لو اطول اجبلك الدنيا كلها هجبلك .. لسا قدامنا يومين هشتغل فيهم بشكل مكثف وربنا يقوينى واقدر اجبهولك .. لو ربنا كرمنى وقدرت اجبلك سوليتير هجبهولك .. هعمل كل اللى اقدر عليه عشان اجبلك اللى يفرحك وتتبسطى بيه .. عارف انك عمرك ما كنتى طمعانة وشبعانة طول عمرك بس انتى تستاهلى كل خير وتستاهلى كل حاجة غالية لأن الغالى للغالى واوعدك لو مجبتوش يوم كتب كتابنا هجبهولك ف يوم من الأيام بس ادعيلى ربنا يكرمنى واقدر اجبهولك وان شاء الله خير .. أنا مش هنسى طلبك دا حتى لو بهزار بس مجرد انك فكرتى ف حاجة زى دى فأنا هجبهالك ياغالية وهعافر عشان افرحك بإذن الله .. ربنا يديمك ليا يانورى .. بحبك♥️
نورهان : هعيط كدا🥹كلامك دا عندى بالدنيا وأغلى من أى حاجة والله .. أدهم بجد أنا كنت بهزر متجهدش نفسك وتتعب وتحسسنى بالذنب أدهم : مش هجهد نفسى ولا اتعب ملكيش دعوة
نورهان : 😳أدههههم! أدهم : يلا يابت تصبحى على خير عايز انام نورهان : 🙂ماشى وانت من أهله🖤✨
نورهان كانت بتنزل مع مامتها تشترى اللى هى محتاجاه .. وأدهم ورأفت بيظبطوا المكان وكل حاجة لكتب الكتاب .. عدى اليومين وأخيراً جه اليوم المنتظر .. نورهان جهزت ولبست دريس أبيض سمبل وشيك جداً ولفت حجابها وحطت ميكب خفيف وهادى جداً ورأفت راح ياخدها ...
Oops! This image does not follow our content guidelines. To continue publishing, please remove it or upload a different image.
