أنار لى عتمتى♥️✨

البارت ٨٤❤️

سفيان كشر بعدم فهم : يعنى ايه!!
أدهم : اقعد
سفيان بصله ورجع بص لبنته بقلق
أدهم : اقعد ياسفيان ومتقلقش

سفيان قعد قدام أدهم وبصله مستنى تفسيره لمرض بنته وانه يطمنه عليها ...
أدهم : مرض كواساكى بيسبب التهاب ف الأوعية الدموية .. أعراضه حمى وطفح جلدى وف بعض الحالات بيحصلهم مضاعفات ويأثر ع القلب ودا بيأدى للوفاة لقدر الله .. بس متقلقش رزان كويسة .. عرضتها على دكتور متخصص ف أمراض القلب وأكدلى انها كويسة وفعلاً هى بتتحسن بشكل كبير ماشاء الله

سفيان : طب وهو حضرتك عرفت انها مصابة بيه ازاى!
أدهم : كان بيجيلها سخونية جامدة ف فترات قصيرة جداً .. مرة بعد مرة بدأت الاحظ بقع ف جسمها وعينها بتحمر هى وشفايفها وبتبقى مشققة .. لاحظت انها بتمشى بعافية شوية بسبب تورم رجلها وكف ايديها .. وتين كانت تقولى انها بتشتكى دايماً من وجع بطنها أو جسمها عامةً بتعيط منه وتقول مش قادرة اتحرك .. كل الأعراض دى خلتنى اشك انها مصابة بيه ولما عملتلها التحاليل اتأكدت وأول حاجة عملتها طبعاً عرضتها على دكتور قلب وعملتلها فحوصات شاملة على جسمها كله عشان اعرف حالتها لسا ف الأول ولا اتأخرت وحصلها مضاعفات وف حاجة اتأثرت ولا لأ بس الحمد لله كانت كويسة

سفيان : وهى بتستمر ع العلاج دا اد ايه! وهو عبارة عن ايه أصلاً؟
أدهم : جلوبيولين جاما وجرع عالية من الأسبرين وبنبدأ نقللها تدريجياً كل ما يكون ف تحسن .. العلاج عادةً بيستمر لمدة تبدأ من أسبوعين لحد ٨ أسابيع على حسب الحالة واستجابتها للعلاج بس رزان ان شاء الله مش هتطول لأنى شايف انها بتتحسن بشكل كبير ماشاء الله يعنى أنا بادئ معاها العلاج بقالى أسبوع .. ان شاء الله أسبوع كمان وهتبقى زى الفل وتتعافى منه تماماً
سفيان هز راسه باطمئنان إلى حد ما : ان شاء الله

قام قرب منها وحط ايده على شعرها وباس راسها  .. بعد مرور الوقت خلصت جلسة العلاج ومشوا .. وتين خدت رزان وطلعت وهو فضل واقف مع ريان وكيان تحت ...
ريان : خد كام يوم راحة كدا وبعدين هنزلك شغل مع كيان ان شاء الله وهنعرفك كل حاجة ف الشركة ماشية ازاى .. اعتقد ان شغل البيزنس مش صعب عليك يعنى كنت شغال فيه معاهم بردو عشان يداروا شغلهم ف الممنوعات وراه مش كدا؟
سفيان : أيوا

ريان : خلاص خد الوقت اللى يريحك ووقت ما تحب تبدأ شغل بلغنى
سفيان هز راسه بالموافقة وكيان خبطه على كتفه ...
كيان : كفارة يامعلم

سفيان ضحك وبعدين انتبهوا لصوت محبب لقلب كيان .. صوت نور بنته بتنادى عليه وهى واقفة على باب الفيلا بتاعته ...
نور : 😃بابا
كيان بصلها وابتسم : قلب بابا
راح شالها ف حضنه وباسها وهى حضنته بفرحة🤗

نور : 🤗حوستنى
كيان : 🤗وانتى وحشتينى أكتر ياقلب بابا
ليلى واقفة حاطة ايدها ف وسطها وبتبصلهم : وأنا مش قلب بابا؟🤨

كيان دخل وقفل الباب ونور ردت قبله : تء أنا بس قب بابا🥺
بصت لكيان : بابا أنا ايه!😃
كيان ضحك وباسها : 😹انتى نورى😚