أنار لى عتمتى♥️✨

البارت ٤٠❤️

أدهم رجع من الشغل لقاهم قاعدين كلهم مع بعض ف الصالة معادا ليلى ...
أدهم : هى فين اللى مشافتش بربع جنيه تربية!🙂

نورهان ضحكت : 😹ف أوضتها
أدهم : ماشى🚶🏻‍♂️

دخل المطبخ يشرب وراح ل ليلى أوضتها وهو بيزعق ...
ليلى : ايه هنتخانق تانى!🙂
أدهم : انتى اللى كلتى كل الفراولة اللى كانت ف التلاجة دى!!🤨

ليلى : أيوا من امتى بتتكلم ع الأكل!
أدهم : لا معليش انتى قايلالى متكلمش معاكى .. طالما مبتتكلميش معايا يبقى متاكليش حاجة أنا جايبها☹️

ليلى : تمام وايه الحل دلوقتى!
أدهم : يا تدفعى فلوس الفراولة دى وطبعاً انتى مفلسة ومش معاكى ١٠ جنيه يا تقومى ننزل سوا نشترى شوية حاجات وتشرحيلى وجهة نظرك وايه الفايدة من الموضوع دا وان شاء الله هقتنع بس افهم

ليلى ابتسمت بفرحة وقامت باسته من خده : 😚هلبس هوا
أدهم ابتسم وخرج يستناها برا وليلى لبست وطلعتله ونزلوا هما ال٢ ...

أدهم : امم فهمينى بقى
ليلى : أنا عايزة اروح مع صحابى يابابا

أدهم : ليه! خروج وبنخرج سوا وكل فترة باخد اجازة وبنطلع ع المكان اللى تحبوه .. لكن تروحى لوحدك ولمدة ٥ أيام يا ليلى!

ليلى : دى تجربة جديدة بالنسبالى انى اطلع مع صحابى ف رحلة زى دى وكمان تغيير جو
وكملت وهى بتحاول تقنعه وتضغط ع الوتر الحساس : وكمان يمكن نفسيتى تتحسن شوية🥹

أدهم بصلها بحزن وقلق
ليلى حضنته : 🤗عشان خاطرى يابابا عشان خاطرى بلييز
أدهم اتنهد : حاضر يا ليلى

ليلى فرحت أوى وراحوا اشتروا اللى هما عايزينه ورجعوا البيت ...
أدهم : هتمشى امتى!
ليلى : الساعة ٦

أدهم هز راسه وقعدوا كلهم وهى فتحت فونها عشان تكتب بس لفت نظرها كومنت من واحدة ع البارت بتاعها وكاتبة ...
" هو باباكى دا حد يزعل منه! دا زى القمر وبلسم يتحط ع الجرح يطيب "

ليلى بصت للكومنت بقرف وردت عليها ...
" انتى مالك ياصورم أبويا وأنا حرة معاه .. اخاصمه اصالحه ميخصكيش ولا ليكى دعوة هو بلسم ولا علقم ايه التناحة دى!🙂 "

لقت آدم بيضحك وبصلها : 😹براحة ع البت يا ليلى مش كدا
ليلى : دى باااردة هى مال أمها هى!😒
آدم : 😹اهدى ياوحش

ليلى مهتمتش بالحوار كتير وبدأت تكتب ...
{وصلوا القصر وزياد دخل وشهد وراه ...
شهد : أنا عايزة اعرف هى دى أمك بجد!!
زياد : قولتلك مليش أم

شهد بصتله باشمئزاز : انت ايييه! شيطااان! أمك كانت واقفة قدامك بتعيط وهتموت عليك وانت زقتها بكل قسوة وجحود وسبتها ومشيت بكل برود مفكرتش تبص وراك ت ...

زياد قاطعها بغضب : اخررررسى😠انتى متعرفيييش هى عملت ايه ولا أنا عشت ايييه بسببها عشان تقعدى تدينى ف حكم ومواعظ .. اللى انتى بتلومينى عشانها دى أنا هنا بسببهاااا هى اللى سلمتنى ليهم ...

*فلاش باك*
؟؟ : مين أكتر واحد بتحبيه فيهم!
؟؟ بصتلهم وبتعيط وسكتت
زياد واقف قدام اخواته بحماية : متخافوش ماما مش هتخليهم ياخدوا حد فينا

؟؟ : خدوا ال٣
شدوا ال٣ ولاد وهما بيصرخوا وهى بتصرخ فيهم يسيبوا ولادها ...

؟؟ : قولى .. مين أكتر واحد بتحبيه فيهم!!
؟؟ بتعيط : 💔😭ز زياد

زياد بصلها بصدمة
؟؟ : مين فيكوا زياد!!
زياد رفع ايده باستسلام وبص لأمه بوجع وخذلان : 💔ليه!!

سابوا ال٢ التانيين جروا عليها وهى ضمتهم لحضنها وخدوا زياد ومشوا وعينه مش مفارقة أمه اللى خذلته وسلمته للمافيا عشان تحافظ على حياتها وحياة اخواته وكان هو التمن!

*باك للواقع*
زياد : اختارتنى أنا وضحت بيا .. كان لازم تدفع تمن سلامتها وسلامة أخواتى وكنت أنا التمن دا .. كان عندى ٨ سنين وبيعلمونى امسك السلاح واستخدمه .. حطونى ف اختبارات ولما رفضت اقتل كان هيخلى واحد يعتدى عليا .. اترجيته يسبنى وأنا هنفذ اللى هو عايزه ولما بعد عنى قتلته فعلاً بس قتلت زياد معاه .. موتت دا(شاور على قلبه) ودوست عليه وكملت .. مبقاش بيفرق معايا أى حاجة وسبق وقولتلك نهايتى معروفة وأنا مستنيها بفارغ الصبر

سابها وطلع أوضته وهى فضلت واقفة مكانها مش عارفة تاخد رد فعل .. حست انها مشفقة عليه وصعب عليها .. كان واقف قدام اخواته بطل عشان يحميهم وكان واثق ف أمه انها مش هتبيع حد فيهم وهو كان أول واحد ضحت بيه وخذلته!
رأيكوا ياحلوين🖤✨}

أدهم بصلها : ليه العذاب يابنتى!🙂
ليلى : دا توضيح بس😹
أدهم : الله يسامحك صعب عليا🙂
ليلى : 😹معليش معليش

قضوا سهرتهم مع بعض وبعدين كل واحد دخل أوضته وناموا .. الصبح أدهم صحى ولبس عشان ينزل يوصل ليلى ...

أدهم : 🙂الله يسامح اللى كان السبب بقى ف صحيانى بدرى كدهو
ليلى ضحكت وباسته : 😹يادومى أنا حبك😚
أدهم : ماشى ياختى يلا

خدها ونزلوا وصلها للمكان اللى متجمعين فيها كلهم وفضل واقف معاها لحد ما اتجمعوا كلهم وخلاص هيمشوا ...

أدهم : خدى بالك من نفسك ولما اكلمك تردى عليا علطول يا ليلى متقلقنيش
ليلى : حاضر

أدهم : يلا ياحبيبتى استودعتك الله الذى لا تضيع ودائعه😚

باس راسها وهى ركبت الباص مع صحابها وأدهم فضل واقف لحد ما مشوا وبعدين هو مشى وبيدعى ربنا يحفظله بنته ويرجعهاله بخير ...

كدا البارت خلص♥️رأيكوا؟؟!!!....