أنار لى عتمتى♥️✨

البارت ٣٨❤️

تانى يوم الصبح أدهم كان بيجهز عشان ينزل شغله ...
نورهان : دومى!
أدهم مردش وكمل لبسه

نورهان راحت وقفت قدامه : خلاص بقى يا أدهم هتفضل زعلان منى كدا كتير!🥺
أدهم بعد عينه عنها : عايز امشى اتأخرت

نورهان حطت ايدها على وشه : أدهم!
أدهم شال ايدها وخد ساعته وفونه ومفاتيحه وسابها ومشى .. نورهان اتنهدت بإحباط ودخلت تحضر الفطار لبنتها وبعتت مسدج لأدهم ...

" طب ممكن تشترى حاجة تاكلها عشان مشيت من غير فطار! عشان خاطرى يا أدهم متفضلش من غير أكل "

أدهم ف المستشفى بيتابع حالاته لحد ما سمع صوت دوشة برا وف دربكة جامدة بتحصل طلع يشوف ف ايه! كانت واحدة جاية تعبانة جداً ومعاه أمها وجوزها وأمها بتعيط لكن جوزها واقف بمنتهى البرود ومفيش أى تعبير على وشه! فونه رن ووقف ف جمب يرد وأدهم سمع رده اللى كله قسوة وجحود ...

؟؟ : ياعم دى بتعمل الشويتين دول بتوع كل مرة عشان تصعب علينا اما نشوف آخرتها معاها ايه! دلوقتى هتطلع تجرى زى الحصان مفيهاش حاجة .. اقفل دلوقتى الدكتور خرج من عندها اما اشوف الست هانم هتطلعلنا بإيه المرادى

قفل وقرب من الدكتور وسمع منه اللى مكنش متوقعه نهائى! "البقاء لله" .. كلمة كانت كفيلة تهده .. ف لحظة الشخص دا اتحول لطفل صغير بيصرخ ويعيط بهستيريا وعقله رافض يصدق حقيقة ان مراته خلاص ماتت! ...

؟؟ : 💔😭أنا أنا عارف انها بتعمل كدا عشان تشوف غلاوتها عندى وهتقوم كويسة زى كل مرة خليها تقوم وأنا والله مش هزعلها تانى
الدكتور حاول يهديه : اهدى يا أستاذ دا أمر ربنا ودا عمرها المكتوب شد حيلك
؟؟ : 💔😭اااه مكنتش بصدقها لما كانت بتقولى قلبى بيوجعنى أنا آسف والله آسف .. قومى وأنا مش هزعلك تانى والله بس قومى عشان خاطرى

أدهم عينه دمعت من الموقف دا ومش عارف يشفق عليه ولا هو يستاهل دا عشان هو اللى وصلها لكدا بقسوته عليها وكان بيسيبها زعلانة! أصعب حاجة الإنسان ممكن يمر بيها هى الندم بعد فوات الأوان وانه يفضل عايش بعذاب تأنيب ضميره .. جرى على فونه ولقى المسدج بتاعة نورهان دخل ع الشات بسرعة كلمها ...

أدهم : نور
نورهان ردت : مكنتش اعرف انك قموصة أوى كدا🥺خلاص بقى مكنتش اقصد والله أنا كنت خايفة ساعتها ومش عارفة أنا بقول ايه أنا آسفة متزعلش منى يادومى والله ما اقدر على زعلك حقك عليا متوجعش قلبى بقى والله اعيط🥹

أدهم : أنا اللى آسف .. أنا متعودتش ابعد عنك وقت الزعل بيننا .. علطول بنتعاتب ونحل المشكلة ومحدش فينا بيبات زعلان من التانى .. دى أول مرة تحصل ومش هتتكرر تانى وعد
نورهان : يتى ع اللى قلبه أبيض ياناس كميلة🌚♥️

أدهم ضحك : 😹طب ياستى شكراً
نورهان : عملالك محشى ورق عنب وحمام😌

أدهم : دا عرض مغرى دا يعنى!
نورهان : أيوا كنت هلجأله عشان اصالحك😹آخر سلاح معايا