" أوقات تحس انك شخص سئ لمجرد ارتكابك لمعصية أو خطأ .. لكن الحقيقة ان هذه طبيعتنا كبشر .. قال ﷺ : [لو لم تذنبوا لذهب الله بكم وجاء بقوم يذنبون فيستغفرون فيغفر لهم] .. لا تقسو على نفسك .. الحياة رحلة تحسن فيها نفسك .. تتخلى عن عادات سيئة .. تحلى بالصبر وداوم على المحاولة فالله مع من يحاول .♥️
Adham Al_Sayad🖤✨
*__________________*{رعد : يعنى ايه!!
زين : يعنى أنا معنديش بنات للجواز
رعد : أعتقد من حقى اعرف سبب رفضك المفاجئ دا مش كدا؟ أكيد مش خايف عليها من شغلى مثلاً؟زين : تء شغلك دا كان شغلى ف يوم من الأيام بردو عادى .. الخوف منك انت شخصياً عليها
رعد باستنكار : خايف عليها منى أنا؟زين : اه .. انت من أول مشكلة بينكوا سبتها ومشيت ومهتمتش لحالة الانهيار اللى كانت فيها
باباه "يزن" : يعنى هو الغلطان!!زين : رجع ف وعده
يزن : ودا ليه!
زين : بغض النظر عن سببه .. أنا معنديش استعداد مع أقل غلطة بعد الجواز ممكن ترجعلى بالحالة دى
يزن : تمام هو الغلطان فعلاً .. يلاقام شد رعد وراه ومشى وجنى واقفة ع السلم تبصلهم ورعد لف بصلها ...
يزن بعنف : يلا يارعد
شده من ايده وراه ومشوا .. بعد دقايق رجعله تانى لوحده ...رعد : هو سؤال واحد بس .. لو حضرتك مكانى هتعمل ايه!
زين : أى حاجة إلا تصرفك دارعد : بجد! دخلت البيت من بابه مع أبويا واتفقت مع حضرتك وخلاص وفجأة الاقى بنتك ماشية مع واحد بتفسحه ف القاهرة دا عادى! واحد كان عايزها لامؤاخذة ف سريره وأنا ضربته دا عادى! بقت ف مقام خطيبتى وفيما بعد هتبقى مراتى يبقى دى بالنسبالى خيانة .. لو عادى النقاش والتفاهم فيها لا آسف عندى مش مقبولة .. أنا أصلاً مبسامحش فيها بس ربنا اللى يعلم انى بحاول اعدى وانسى عشان بحبها وعشان عارف نيتها ايه وبتتصرف ازاى
زين : أيوا يعنى خلاصة الموضوع انت عايز ايه دلوقتى!
رعد : عايزها
زين : وأنا مش موافق يا أخى هى عافية! مش مآمن على بنتى معاك .. مش انت اللى اسلمهالك وأنا واثق فيك ومطمن انك هتحافظ عليها
رعد : تمام كدا حضرتك وضحتلى الأمور وفهمتنى سبب رفضك خلاص .. عن اذنك🚶🏻♂️مشى وجنى واقفة ع السلم بتعيط وبصت لزين بعد ما رعد مشى ...
جنى : 💔😭يعنى أنا كدا خاينة! عشان تصرف صدر منى غصب عنى ومش فهماه ولا مدركاه واتحركت أصلاً بإذن منك كدا خلاص بقيت خاينة! أنا لولا عياطى قدامه ف المستشفى مكنش سامحنى .. أنا معتش فاهمة حاجة بجدزين : سيبك منه دا بيتكلم بمنطق متخلف
سيف "أخوها" : منطق متخلف عشان بيتكلم ف حقه وخايف عليها؟
زين : خايف عليها من ايه! وحق ايه يا أبو حق! انت بقالك سنين ساكت محدش بيسمعلك صوت ولا كأنك موجود معانا أصلاً وجاى دلوقتى تتكلم تدافع عنه! خليك ساكت أحسن
YOU ARE READING
أنار لى عتمتى♥️✨
Romanceروايتنا المرادى مختلفة .. عبارة عن مجموعة من القصص داخل بعضها من وحى خيال البطل بأحداثها وشخصياتها♥️