أنار لى عتمتى♥️✨

البارت ٥١❤️

" من الضرورى جداً أن تفهم وتتيقن أن ما شاء الله كان وما لم يشأ لم يكن .. بمجهودك أو بغير مجهود منك .. ليس لك من الأمر شئ .. ولو اجتمع الإنس والجن على أن ينفعوك بشئ لن ينفعوك إلا بشئ قد كتبه الله لك .. وكذلك لو اجتمعوا على أن يضروك بشئ لن يضروك إلا بشئ قد كتبه الله عليك ..
عليك أن تدرك معنى [لاحول ولاقوة الا بالله] .. سعيك لاشئ إن لم يأذن الله بنفعك .. فابذل ما ف وسعك واسأله المكافأة وخير الجزاء به ثم استقبل ما يأتيك بكامل الرضا والشكر .. وتعقل قوله [فخذ ما آتيتك وكن من الشاكرين] .. فكل ماهو من عند الله خير .. ورب الخير لا يأتى إلا بالخير .. والله يعلم وأنتم لا تعلمون♥️ "
Adham Al_Sayad🖤✨

بدر كان ف البيت عند كيان بيطمن عليه وقاعد معاه ...
بدر : انت قاصد يحصلك كدا ياض عشان تعطل جوازى من أختك
كيان ضحك : أيوا😌😹
بدر : 😹عيل واطى

كيان : ياسطا ما احنا ف الهوا سوا ما أنا كمان جوازى متعطل🥺الله أعلم لحد امتى بقى
بدر : ياعينى يابنى معليش😹

كيان : بس اهى ع الأقل بتتكلم معايا وقابلة وجودى ودى حاجة مطمنانى إلى حد ما بس فكرة الجواز نفسها مش عارف
بدر : دى مش حاجة هينة بردو ياكيان عشان تقدر تتعايش بيها بسهولة كدا
كيان اتنهد : عارف والله وأنا عندى استعداد استناها عمرى كله بس تبقى كويسة

بدر ابتسم وطبطب على كتفه : صحيح سمعت عن الحريق اللى حصل ف مخزن من مخازن سالم الحداد!!
كيان : اه وعرفت ان دا كان أكبر مخزن لي أصلاً كان ف بضاعة بملايين😹

بدر : 😹كان هيتشل من الصدمة ياعينى
كيان : يلا مش مهم اهو يترمى جمب ابنه ويشوف حد يخدمهم هما ال٢😹

بدر : داخل صفقة كبيرة الفترة دى وبيحاول يعوض خسارته
كيان : الشركة الأجنبية اللى هو عايز يعقد معاها الصفقة دى أصلاً أنا بلغت بابا واتفق معاهم خلاص وهناخدها احنا😹دا هياخد حتة صدمة تانية دلوقتى عنب .. خسارة كمان وهيعلن إفلاسه ويمشى يشحت ع الأرصفة

بدر : أحسن😹ادى آخرة الشغل الشمال واللعب تحت الترابيزة
كيان : لا حوار اللعب من تحت الترابيزة دا لسا حسابه جاى لوحده بس يصبر عليا بس اتحسن وارجع شغلى وساعتها هربيه زى ما ربيت ابنه عشان يعرف هو بيلعب مع مين كويس أوى
         *_________________*

أدهم قاعد ف مكتبه ف المستشفى ف وقت فراغ .. فتح فونه يكلم أخته يطمن عليها ...
تاليا : دووووومى أخيراً سمعت صوتك
أدهم ابتسم : عاملة ايه ياتوتا؟

تاليا : الحمد لله .. ايه فينك كدا؟
أدهم : معليش ياحبيبتى عارف انى مقصر معاكى الفترة دى بس غصب عنى كنت مضغوط شوية ومشغول ف كذا حاجة

تاليا : ولايهمك ياحبيبى المهم انتوا بخير!
أدهم : الحمد لله بخير .. انتى عاملة ايه وأدهم حبيب خالو عامل ايه!

سمع صوت جوزها جمبها : مسمعتش اسمى يعنى ف رسالة الاطمئنان دى كلها🙂
أدهم ضحك : 😹لو الإنسان يصبر شوية كنت هخلص معاها واكلمك اطمن بنفسى ياعم وبعدين اتنيل بإسمك المعقد دا

أريان : ماله اسمى ياخويا؟
أدهم : ماشاء الله بقى يتكلم مصرى أحسن مننا😹

تاليا : عيب عليك يابنى دا معايا😌😹
أدهم : مش ناويين تنزلوا مصر بقى! وحشتينى يابت انتى وأدهم وانت كمان يا أريااان اهو عشان متقولش انى مطنشك
أريان : 😹حبيبى يا أبو نسب

أدهم : أيوا بردو مش هتنزلوا يعنى!🙂
أريان : هشوف ظروف شغلى حاضر لو عرفت اخد اجازة وننزل هنيجى ان شاء الله
أدهم : ان شاء الله
          *_______________*

ف كلية الطب ليلى خلصت محاضراتها ولقت مسدج من أدهم بيسألها خلصت ولا لأ ...
ليلى : لسا خارجة اهو
أدهم : طب ياروحى أنا خلصت شغل ونازل اهو استنينى هعدى عليكى
ليلى : اوك♥️

نزلت تستناه قدام البوابة وهى ماشية ف الحرم الجامعى سمعت شلة بيتكلموا مع بعض ...
؟؟ : هى مين دى يابنى اللى عايز تتجوزها انت عبيط!!
؟؟ : ملقتش إلا ليلى دى وتقول عايز اتجوزها؟
؟؟ : هو انت معرفتش اللى حصل ولا ايه!!
؟؟ : بس دى حاجة مش بإيديها وكلنا عارفين ليلى وأخلاقها كويس وانتوا عارفين انى معجب بيها من زمان
؟؟ : انت صدقت الحكاية العبيطة دى انه اغتصبها غصب عنها؟ هى دى منظر واحدة مغتصبة!! ياعم فكك وشوفلك واحدة تانية بنت بنوت
؟؟ : أيوا خليك ف الجديد بلاش المستعمل😹

ضحكوا كلهم وهى سمعاهم وقلبها بيتعصر من الوجع ودموعها نزلت غصب عنها وحست انها دايخة وبتفقد توازنها .. كانت هتقع بس حست بحد بيسندها بسرعة وتلقائى لفت حضنته وبتعيط لما حست بيه .. هو أبوها سندها .. ف واحد كان بيقرب منها يسندها بس أدهم شاورله يقف مكانه ميقربش وضم بنته لحضنه .. فضل محتويها ف حضنه لحد ما بدأت تهدى تدريجياً وبعدين بصلهم بغضب شديد ...

أدهم : كل كلب يحط لسانه جوا بوئه بدل ما اقطعهوله .. بنتى أنا عارف كويس هى بتعمل ايه وماشية ازاى .. مش على آخر الزمن هييجى شوية عيال أشباه رجالة زيكوا يجيبوا سيرتها على لسانهم القذر
؟؟ : يادكتور ...
أدهم قاطعه : انت تخرررس خاااالص .. انت لو بتحترمها وعايزها فعلاً زوجة ليك مكنتش سمحتلهم ينطقوا بحرف غلط عنها .. مش واقف تسمعهم وبتحاول تبررلهم اللى حصل .. أنا يوم ما افكر اجوز بنتى هجوزها لراجل مش عيل .. راجل يحافظ عليها ويتقى ربنا فيها

؟؟ ببجاحة واستهزاء : مالك ياجدو محموق كدا ليه! ما تهدى على أعصابك لاحسن ضغطك يعلى ولا تطب ساكت وتقع وسطنا دلوقتى .. العصبية مش حلوة لسنك😹

أدهم لكمه ف وشه بغضب وشده من هدومه والولد جمب بوئه اتفتح وبص للدم على ايده واتصدم من رد فعل أدهم وقوته ...
أدهم بوعيد : حرف كمان زيادة ومش هيهمنى المكان اللى أنا واقف فيه وهسمح بوشك الأسفلت واخلى منظرك زفت قدام زمايلك
ضربه تانى وشده بردو خلاه يبصله : ليلى حط تحتها مليون خط أحمر

الأمن دخلوا وحاولوا يبعدوا أدهم عنه وانهم هيحلوا الحوار ويتصرفوا معاهم ...
أدهم : فين مكتب العميد
فرد الأمن : يافندم ...
أدهم قاطعه بغضب : فييييين مكتب العميييييد!!

فرد الأمن مشى قدامه باستسلام : اتفضل
أدهم حاوط ليلى بدراعه وشد الولد من هدومه ومشى وراه ...
أدهم : تعال ياروح أمك اما نشوف آخرتها معاك

كدا البارت خلص♥️رأيكوا؟؟!!!....