أنار لى عتمتى♥️✨

البارت ٥٩❤️

" من إحدى رسائلكم ..
ليه العوض لازم ييجى بعد ابتلاء ،، تجربة صعبة ،، وقت مُر؟!
الإجابة إن فعلياً الواحد عمره ما هيحس بحلاوة العوض إلا بعد صبر طويل .. عارف زى ما تكون بتجرى وتنهج وهتموت من العطش وأخيراً تلاقى كرسى وعليه إزازة ماية متلجة ف عز الحر .. مش هتبقى مشتاق وكلك لهفة للعوض إلا لو مريت بألم معين ف حياتك .. مش هتقدر قيمته الحقيقية إلا لو أدركت انك استنيت واستحملت كتير عشان توصله .. مش هتستشعر لذة العوض الجميل إلا بعد تعب ودعاء وتوسل لله .. ربنا بيهيألك ويجهزك ويرتبلك عشان فرحتك متبقاش عادية لا .. تبقى مضاعفة .. لأنك تستاهل جبر عظيم♥️.
Adham Al_Sayad🖤✨

خلص كتابة البوست وجاله مسدج فتح يشوفها .. كانوا حوالى ٤ ريكوردات فتحهم ...
" ازيك يادكتول أتهم
ممكن تكتبلى توا شان معدتى وجعانى!🥹
متسهقش وتلد عليا🥺
يادكتول ياقمى "

أدهم كان بيسمعهم والابتسامة على وشه ونورهان قاعدة جمبه ضحكت ...
نورهان : 😹خلاثى ياناس ع العسل .. اكتبلها دوا يا أدهم

أدهم ابتسم بحب ورد : من عيون دكتور أدهم ياصغنن .. ألف سلامة عليكى .. بس ممكن تخلى ماما أو بابا يكلمونى عشان اعرف مالك بالظبط واكتبلك دوا

جاله الرد تانى ف ريكورد : ماسى خد بابا هيكلمك بس مس تكتب حقن شان مس ازعل منك
أدهم ضحك : 😹حاضر مش هكتب حقن

باباها كلمه وأدهم فهم منه حالتها وقاله على دوا كويس يريحها ...
نورهان : آدم خلاص على وصول وهيستنانا تحت نروح ل ليلى
أدهم هز راسه : طب يلا قومى البسى

نورهان قامت بس الباب خبط جامد .. هى وأدهم استغربوا وقلقوا ونورهان دخلت لبست الاسدال وأدهم فتح بسرعة لقى قدامه واحدة شايلة طفل صغير بيعيط وبيتنفس بالعافية ...

؟؟ ببكاء وقلق : بلع شوكة سمك بالغلط والله غصب عنى ومش عارفة اعمل ايه😭
أدهم خده منها ونورهان خرجت وحاولت تهديها : اهدى متقلقيش خير

أدهم كان بيتعامل مع الطفل بهدوء وبيحاول يخليه يتنفس : خلى آدم يطلعلى يانور بسرعة

نورهان بعتت مسدج لآدم يطلع لأنه كان مستنيهم تحت .. آدم طلعله وأدهم اداه الطفل مسكه وبعد معاناة أخيراً خرجها وهنا الطفل اتنفس وعيط ...

آدم : 🤗🥺معليش ياكتكوت
أدهم : الحمد لله .. خلاص خلاص أنا آسف معليش حقك عليا😚

مامته خدته من آدم وضمته لحضنها بلهفة وباسته : 😢أنا آسفة ياروحى والله
أدهم : الحمد لله عدت على خير .. متبقيش تتوترى كدا ف اللحظات اللى زى دى عشان بتأثر ع الطفل .. حاولى تسيطرى على خوفك شوية وتبقى هادية وتتعاملى مع الموقف بهدوء وخليكى معاه قوليله يتنفس كويس طمنيه

؟؟ بصت لأدهم بدموع : 🤗🥹أنا اتخضيت لما لقيته بيكح ونفسه بيروح حتى بيعيط من غير صوت
أدهم : فاهم ومقدر والله أنا بس بقولك بعد كدا حاولى تبقى هادية .. عادى هو حتى من غير شوكة سمك ولاحاجة ساعات الطفل بيبقى معرض لنوبات انقطاع النفس دى بعد فترة عياط طويلة مثلاً .. بيبقى محتاج هدوء بس وحد يطمنه ويقوله يتنفس وهيبقى كويس