أنار لى عتمتى♥️✨

البارت ٧١❤️

" كلما أتذكر أنَّ الله يعلم نيتى .. أشعر أننى مطمئن جداً ولا أخشى أى شئ .. فالحمد لله الذى يعلم ما ف وقر القلب وإنْ ذُلَ اللسان أو طُلِق البصر .. الحمد لله الذى يجازى على النيات ويرى ما ف الضمير ويسمع .. الحمد لله الذى يجازى على الصدق وسلامة القلب وصفاء النية وحب الخير للغير .. الحمد لله الذى لا يؤاخذ بالعيب ولا يقطع الرزق على ذنب ولا يعير وإنْ تكرر ولا ينسى إنْ غفلنا .. الحمد لله أنه الله♥️ ".
Adham Al_Sayad🖤✨
          *_________________*

يوسف : أنا قصرت معاكوا ف حاجة!
مامته : لا ياحبيبى والله

يوسف بص لأخته : قصرت معاكى ف حاجة! يمكن مش واخد بالى
زينب هزت راسها بنفى بخجل وحزن

مامته : طب فهمونى ايه اللى حصل! ومراتك مشت ليه يايوسف!
يوسف : اسألى بنتك
مامته : أنا بسألك انت على مراتك

يوسف : أبوها خدها ومشى والفضل يرجع لبنتك .. كل ما تشوفها تسمعها كلام زى السم ملوش لازمة وفرح ساكتة عشان متعملش مشاكل بينى وبينها وهى بدل ما تخلى عندها دم ساقت فيها
زينب : أنا مش قابلة جوازك منها من الأول .. مش هى دى اللى تستاهلك

يوسف : تء بلاش حجج فاضية .. اقولك أنا الحقيقة اللى انتى بتنكريها .. انتى مش قادرة تتقبلى ان فرح العيلة اللى اتجوزت واتطلقت ف سنها دا لقت اللى يهتم بيها ويقف ف ضهرها وآخرتها بقت مراتى .. ازاى دى تبقى عايشة متهنية كدا وأنا طالع عينى مع جوزى وكمان مبخلفش
زينب سكتت ومعرفتش ترد عليه

يوسف كمل بوجع : كام مرة قولتلك يازينب أنا ف ضهرك ولو مش قادرة تكملى قوليلى وأنا هخليه يطلقك ورجله فوق رقبته! وردك ف كل مرة لا هو بس أعصابه تعبانة من الشغل وانت عارف انى بحبه .. الله يلعن أبو الحب اللى يهينك .. أنا مسكتتش ضعف زى ماهو فكر .. أنا بس مكنتش مستوعب تصرفاتك .. كنت مصدوم وبسأل نفسى مليون سؤال .. لومت نفسى أنا الأول اللى هو ياترى أنا قصرت معاها ومكنتش واخد بالى! بس لا أنا مقصرتش والله ما قصرت .. أنا كان بيطلع عينى وبطفح الدم من صغرى عشانكوا .. ا الله يسامحك يازينب💔🚶🏻‍♂️

مامته : رايح فين!
يوسف : رايح اشوف مراتى ولو حكمت اجبلها شقة برا لوحدها هعملها

مامته : استنى يايوسف .. هو أنا يابنى أنا واخواتك غلطنا فيها أو عمرنا قصرنا معاها ف حاجة!
يوسف : لا

مامته : زينب كدا كدا متجوزة برا البيت .. وهنيجى كلنا معاك وهى هتعتذر لمراتك وبعد كدا لما تيجى هنا انت تنزل تشوفها لكن هى مش هتطلع بيتك تانى

زينب بصتلها بذهول : انتوا هتمنعونى ادخل بيت أخويا كمان ع ...
مامته قاطعتها : اخرسى .. انتى غلطانة وبتبجحى كمان ومش عاجبك! ادخلى غيرى هدومك ويلا عشان هننزل مع أخوكى وهتعتذريلها واياك تفتحى بوئك معاها بكلمة تانية .. أخوكى حاول بدل المرة مليون انه يطلقك من الزفت اللى انتى متجوزاه وانتى كنتى بتقفى ف وشه عشانه وتقولى بحبه خلاص اشبعى بيه محدش ضاربك على ايدك ومع ذلك بردو لسا واقف جمبك وانتى ف المقابل بتخربى بيته وتهدى علاقته بمراته
زينب بصتلها بدموع ودخلت غيرت هدومها ومشت معاها هى ويوسف عشان يروحوا يرجعوا فرح بيتها تانى ...
        *___________________*

{ديڤيد كلم جنى :
Uh, I feel pain and so tired.😩
(ااه ،، حاسس بوجع وتعب جامد)

جنى بحزن وأسف :
Sorry, You can take an analgesic injection
(آسفة .. ممكن تاخد حقنة مسكنة)

ديڤيد شهق بفزع :
Hey!😨Injection!! No no
( هييى .. حقنة!! لا لا)

جنى ضحكت :
😹Are you afraid of injections?
(انت بتخاف من الحقن؟!)

ديڤيد بتوتر :
Um, I have a phobia of them🥺
(امم عندى فوبيا منهم)

جنى :
Come on, Dave, don't be a child.
(ديڤ .. متبقاش طفل)

ديڤيد بتفكير :
Okay, can you come and give it to me?
(اوك بس ممكن تيجى انتى تديهالى؟)

جنى بتوتر :
No, I can't. You can go to the pharmacy and take it
(لا مينفعش .. تقدر تروح الصيدلية وتاخدها)

ديڤيد بتعب :
I can't
كمل بلامبالاة :
It's Ok, no problem. I'll endure the pain.
(مش قادر .. خلاص مش مشكلة هستحمل الوجع)

جنى سكتت فهو كمل وهو بيتاوب :
Good night Jana🥱

قفل وهى فضلت صاحية وحاسة بتأنيب الضمير كان باين ف صوته التعب جداً .. خدت قرارها وقامت لبست ونزلت خدت واحد من الجارد اللى ع البوابة معاها وراحت خبطت عليه وهو نزلها فتحلها وهو بيفرك عينه بهدوء ونعاس ...

جنى بصتله وضحكت :
😹What is this?
(ايه دا؟!)

ديڤيد بص للبيجامة اللى هو لابسها وكانت عبارة عن الشخصية الكارتونية ميكى ماوس ولعب ف شعره وضحك بتوتر ...

جنى :
💉Come on, I got the injection for you.
(يلا .. جبتلك الحقنة)

ديڤيد بلع ريقه بخوف :
It's Ok, I am fine.
(خلاص مش لازم أنا كويس)

جنى بصتله بغضب :
Give me your hand.🤨
(هات ايدك)

ديڤيد مدلها دراعه وخبى وشه بإيده التانية بسرعة وتوتر
جنى :
🙂I'm done
(أنا خلصت)

ديڤيد بصلها بصدمة :
😳Really?
(بجد؟!)

بص لدراعه والحقنة ف ايدها ولعب ف شعره وضحك بتوتر وهى كمان ضحكت وقالتله يرتاح وخرجت مشت ورجعت الفيلا وشكرت الجارد وطلعت أوضتها تانى ...
ديڤيد بص للصور ع الفون وابتسم بهدوء وخبث ...
رأيكوا ياحلوين🖤✨}

لقت كومنت من كيان ..
" يامسبتاااااااى🥹يابنتى ليه يابنتى كدا؟ اهو صورك ياموكوسة .. عمال اقولك متروحيش متروحيش وانتى غبية ونزلتى روحتيله برجلك "

ليلى ضحكت وردت ..
" دكتورة ياكينو ومتقدرش تشوف حد تعبان وتسكت😹 "

كيان رد ..
" بلا دكتورة بلا بتاع بقى .. أنا معرفش أصلاً دكتورة ازاى بمستوى غبائها دا🙂دا مفيش فسوة ذكاء حتى ف مخها مبتفكرش بالله "

ليلى ردت ..
" معليش😹هو حيوان استغل برائتها "

كيان رد ..
" وهى بهيمة وتستاهل اللى هيجرالها هاا🙂 "

ليلى عملت ريأكت ضحك وقامت تحضر الأكل على اما يرجع من الشغل ...

كدا البارت خلص♥️رأيكوا؟؟!!!....