أنار لى عتمتى♥️✨

البارت ١٥❤️

{ قبل ما ابدأ معاكوا البارت الأخير ياشباب عايز اوجه رسالة لبطل الرواية "حسام الحديدى" .. حسام ظهر ف حياتى فجأة ف وقت أنا كنت فعلاً محتاجه فيه .. كنت ف أمّس الحاجة لصديق يقف جمبى ويدعمنى وهو متأخرش عنى أبداً .. أنا لو فضلت عمرى كله اشكره مش هقدر اوفيه ولو جزء من حقه بجد .. شكراً لدعمك ووجودك جمبى .. شكراً انك هنا🥺🖤

وريان أخو زوجته بردو لي فضل كبير عليا .. هما ال٢ كانوا ومازالوا ونِعمَ الصحاب والسند ليا بجد .. ربنا يديمكوا نعمة ف حياتى هفضل طول عمرى اشكر ربنا عليها🖤✨

نبدأ بقى البارت بتاعنا ...
بعد ما تم دفن مرات حسام وكل حاجة بقت تمام .. أصروا عليه يوصلوه .. قعد جمب ريان قدام وابنه ف حضنه وزين وعشق جمب بعض ورا  ...

عشق : هتسميه ايه!
حسام بص لابنه على دراعه وابتسم بهدوء : بدر
عشق : حلو ربنا يباركلك فيه

ريان : قولى ياحسام انت خريج ايه!
حسام : حاسبات ومعلومات
ريان : طب حلو أوى أنا عايزك ف شغل معايا ف الشركة .. لما تهدى كدا وتحس انك كويس ابقى تعال .. هستناك ف أى وقت

حسام هز راسه بالموافقة بهدوء .. وصل وشكرهم وعرض عليهم يتفضلوا معاه بس رفضوا ومشوا .. وبالفعل حسام بدأ شغل مع ريان ف الشركة ومش مصدق انه أخيراً لقى شغل كويس ومستقر .. ف يوم وعشق نازلة تروح الجامعة اتفاجأت بيه واقف جمب العربية بلبسه ...

حسام بابتسامة : صباح الخير ياهانم
عشق ضحكت بفرحة : 😹صباح النور

حسام فتحلها باب العربية وهى ابتسمت وركبت وهو قفل الباب ولف ركب ومشى ...
حسام بصلها ف المراية : مش عايزة تاكلى كشرى ياهانم!
عشق : لااا خلاص حرمت😹

حسام ضحك وراح ف نفس المكان عند البحر اللى عشق كانت قاعدة عنده آخر مرة قبل ما يسيب الشغل معاها ويمشى ...
حسام : عايز اتكلم معاكى
عشق هزت راسها ونزلت وقعدوا مع بعض ...

حسام اتنهد : أنا بحبك ومن قبل ما اتجوز مش هنكر دا
عشق : عارفة

حسام : أنا مكنتش هسافر .. عمى دا كان واخد منى ورثى من أبويا عشان كدا جيت عشت هنا أنا وماما .. يومها لقيت ابنه بيكلمنى بيقولى انه تعبان أوى وخلاص بيموت وعايز يشوفنى لآخر مرة .. كنت متردد بس مقدرتش مروحش .. لو مات وهو كان بيتمنى يشوفنى كنت هفضل عايش بإحساسى بالذنب .. روحتله وساعتها فضل يترجانى اسامحه عشان يموت مرتاح وأنا والله مسامحه ربنا يرحمه .. اتفاجأت انه كاتب ف وصيته انى اتجوز بنته عشان مش هيطمن عليها غير وهى معايا .. قولت هتجوزها ع الورق بس واحافظ عليها وانفذ وصيته مش أكتر بس صحيت ف يوم لقتها جمبى ع السرير وطبعاً مش محتاج اشرح ومعرفش دا حصل امتى وازاى .. لما جيت اتكلم لقتهم بيقولولى متنساش نفسك انت مجرد واحد بتشتغل عندها .. بتحميها بمقابل مادى بلاش تبص لفوق وخليك للى ادك

عشق : بس ..
حسام : سيبينى اكمل .. هما عندهم حق أنا مكنش ليا مصدر دخل تانى غير دا يعنى لو كنت جيت ف يوم والمصاريف قصرت معايا ف أى وقت واتحطينا ف أى ظرف أبوكى كان هيتصرف هو ويدينى الفلوس أو ع الأقل هيجبهالى بطريقة غير مباشرة ويزودلى المرتب بس أنا من جوايا عارف وحاسس ان الزيادة دى عشانك انتى وحقه .. بنته وخايف عليها ودا اللى أنا مكنتش هقبله ولا اقدر استحمله .. وهى مش هنكر انها كانت بتحبنى بس أنا مقدرتش احبها .. كنت بعاملها بما يرضى الله واديها حقوقها مش أكتر بس مقدرتش احبها .. ودلوقتى جيت اتكلمت معاكى واستأذنت من والدك بعد ما خلاص استقريت ف وظيفة بمرتب ثابت وكويس واقدر اتقدملك
بصلها وابتسم : عشق تقبلى تتجوزينى!

عشق بصتله وابتسمت بدموع وفرحة وهزت راسها بالموافقة : وابنك هيبقى ابنى انت متعرفش أصلاً أنا كنت مبسوطة بيه ازاى لما شلته بين ايديا أول ما اتولد .. عمرى أبداً ما هحسسه انى مش أمه
حسام ابتسم : وأنا واثق من دا

عشق : مش هتأكلنى كشرى بقى!😹
حسام ضحك : لا أنا كنت بهزر احنا هنخيب ولا ايه!😹ما بتصدقى
عشق : حبيته أوى ياحوس والله🥺
حسام : مختلفناش .. يلا عشان محاضراتك

قاموا مشوا .. وتم جواز حسام وعشق وسط فرحة الكل بيهم وفرحتهم اللى متتوصفش هما ال٢ ببعض ...
عشق بصتله بفرحة وحب : 😍بحبك
حسام ابتسم بحب وباس راسها : 😚بعشقك ياعشقى
بس كدا دى نهاية قصتنا ..🖤✨}

خلصت قراءة وأنا ريأكشن وشى هو الانشكاح حرفياً والله ..
نورهان : أدهم أنا منشكحة والله😃
أدهم ضحك : 😹ربنا يزيد انشكاحك كمان وكمان ياختى

نورهان : بس مكنتش متوقعة انهم شخصيات حقيقية بجد😳
أدهم : اتعرفت عليهم صدفة لما جم مرة يكشف على ابنه واتصاحبنا بقى

نورهان : يتى🥺طب ما ف ناس بتعيش قصص زى الروايات وتتجوز اهو امال ف ايييه! مش شغال معايا الحوار دا ليه!

أدهم : 😹معليش أقدار بقى .. بقولك ايه بابا ف الشغل!
نورهان : اه أكيد .. ليه خير!
أدهم : مفيش عايزه ف حوار كدا خلاص هكلمه

نورهان : 🙂ياسطا طب وبتقولى وتخلق جوايا فضول قاتل ليه طيب!
أدهم : أصلى طالب القرب منه🌚

نورهان : ف مين!🙂
أدهم : 🙂ف أمك يانورهان .. عايز اتجوز مراته .. أو اقولك لا غيرت رأيى وهاخد تاليا أختى

نورهان تنحت : 😳هاا؟ أدهم انت بتهزر!🥺طب احلف
أدهم : هى الحاجات دى فيها هزار!!
نورهان : هعيط🥹انت بجد عايز تتجوزنى!!
أدهم : اه والله اتفقت مع بابا وهاجى اقعد معاه بالليل واطلب ايدك

نورهان اتصدمت ورمت الفون من ايديها جمبها وقامت تتنطط وهى بتضحك بفرحة ومبسوطة أوى😹🖤 ...

كدا البارت خلص♥️رأيكوا؟؟!!!....