أنار لى عتمتى♥️✨

البارت ٢٧❤️

حسام : كل دا يحصل ومتقولناش يا أدهم!!
ريان : يعنى لولا كيان بيكلم آدم صدفة مكناش عرفنا؟
أدهم : 💔أنا مكنش فيا دماغ اتكلم والله

ريان : مين اللى عمل كدا؟
أدهم : هشام الحداد
ريان : امم
أدهم : تعرفه!!
ريان بسخرية : سالم الحداد رجل أعمال معروف بتاريخه المشرف ماشاء الله .. حاجة متوقعة من ابنه

سمعوا صوت ليلى الضعيف التعبان ...
ليلى : 💔بابا
أدهم قعد جمبها : نعم ياروحى
ليلى : 💔متفتحش محضر .. لو حد جه يحقق ف القضية قفل المحضر احنا مش هنستفاد حاجة وأنا مش مستعدة لتعب تانى ولا قادرة اخوض حاجة زى دى أرجوك .. ربنا هيردلى حقى بس قضايا ومحاكم لا
أدهم ضمها لحضنه : 🤗حاضر ياقلبى اهدى💔

الكل بيبصلها بشفقة ع اللى اتعرضتله ومش عارفين يواسوها ازاى! .. بعد مرور شوية وقت الدكتور جه اطمن عليها وكتبلها على خروج ورجعوا البيت .. نورهان دخلت عملتلها أكل خفيف ودخلتلها ...

نورهان : يلا ياحبيبتى عشان تاكلى
ليلى هزت راسها بنفى بتعب : مش جعانة
نورهان قعدت جمبها : مينفعش ياقلبى لازم تاكلى
حطت ايدها على راسها : وبعدين انتى سخنة .. كلى وهخلى بابا يشوفلك علاج يلا

قعدت تأكلها لحد ما خلصت بعد ما أكلت حاجة بسيطة خالص ...
ليلى : خلاص الحمد لله معتش قادرة والله
نورهان محبتش تضغط عليها : ماشى ياحبيبتى بألف هنا
خدت الأكل وخرجت ودته المطبخ وراحت لأدهم كان بيصلى وخلص ...
نورهان : ليلى سخنة

أدهم هز راسه بهدوء وقام دخل لبنته اطمن عليها واداها حقنة خافضة للحرارة ونامت .. عدى حوالى أسبوع وليلى كانت مقضياه ف الصلاة والدعاء والذكر لأنها عارفة انها مش هتتعافى غير بدا .. ف يوم وهى قاعدة بتقرأ على فونها وصلها مسدج من رقم غريب عبارة عن فيديو .. استغربت وفتحته كان المكان كله ضلمة ومحدش باين غير هشام وصوت شخص تانى بيتكلم معاه بس صوته غريب عليها متعرفوش ...

{ف مكان يشبه المخزن .. كان هشام قاعد ف ركن جمب الحيطة خايف ومش فاهم هو هنا ليه! انتبه لشخص دخل ...
؟؟ : أهلاً بهشام بيه الحداد

هشام : انت مين وعايز منى ايه!
؟؟ : أنا مين! مش مهم .. عايز منك ايه! كل خير يا اتش
تابع بحزن مصطنع : تء ليلى حالتها صعبة أوى ياعينى🥺

هشام بتوتر وخوف : ل ليلى مين!😰
؟؟ : كدا يا اتش تزعلنى منك! انت متعرفش ان الكدب حرام وأنا بكرهه بس دا مش موضوعنا .. الصراحة يا اتش عمو أدهم أبوها راجل مسالم جداً ملوش ف العنف والانتقام والجو دا .. راجل عاقل ورزين ف نفسه كدا .. سلم أمره وسلمك لله ودا أصعب من انه ينتقم منك بنفسه خلى بالك .. ياويلك من دعوة مظلوم عليك

هشام بلع ريقه بخوف : انت جايبنى هنا ليه! هتعمل ايه!
؟؟ : هنرقص دانس ياروح أمك

هشام : أنا آسف😰
؟؟ : آسف! ٣ حروف مبكرهش ف حياتى حاجة أد ما بكرههم والله بس مش موضوعنا بردو خلينا ف المهم .. عمو أدهم مسالم بس أنا لا😊
طلع جراب وخرج منه سكينة كبيرة : شوفت! جيبهالك مخصوص .. جديدة لانج والله وحامية عشان تخلص علطول