أنار لى عتمتى♥️✨

البارت ١٧❤️

أدهم بدأ ف العلاج الكيماوى وبقى نادراً لما يروح شغله بسبب شدة التعب عليه .. ف يوم كان نايم ف أوضته وحاسس بوجع بينهش ف جسمه .. سمع الباب بيخبط قام بالعافية فتح وهو مش قادر وسند ع الباب بتعب ...

؟؟ : ا أنا آسفة يابنى لو كنت أزعجتك
أدهم بصلها بتعب : خير يا أمى!

؟؟ : هو بس حفيدى سخن أوى وحاولت اعمله كمدات لحد الصبح بس مفيش فايدة
أدهم : لحظة واحدة🚶🏻‍♂️

دخل جاب ترمومتر وسماعة الكشف وطلعلها .. نزل معاها وف واحد من العمارة قابلهم ع السلم ...
؟؟ : ايه ياحجة هو مازن لسا تعبان!
؟؟ : اه
؟؟ قرب منها وهمس : وملقتيش إلا دا يكشف عليه!

أدهم سمعه بس معلقش ولا ادى اهتمام لكلامه
؟؟ : ماله دا ياخويا؟ ما دا أول واحد كنتوا بتجروا عليه لما تقعوا ف مصيبة وتحتاجوا دكتور🤨دلوقتى مبقاش ينفع! غور يلا من وشى دلوقتى .. ناس واطية وناكرة للجميل صحيح🚶🏻‍♀️اتفضل يابنى

أدهم دخل وراها وبدأ يكشف على الطفل
؟؟ : متزعلش يابنى من الحلوف اللى كان برا دا هما للأسف أغلبهم كدا بيرموا الكلام وخلاص🙂

أدهم ابتسم بهدوء : محصلش حاجة عادى .. حضرتك ادتيه خافض للحرارة!
؟؟ : اه اهو
ورتله الدوا وأدهم هز راسه وقام وقف حس بدوخة غمض عينه وخد نفس وبيحاول يوزن نفسه ...

أدهم : هنزل الصيدلية واجى
؟؟ : طب قولى عايز ايه وأنا انزل اجبهولك متتعبش نفسك وانت أصلاً شكلك تعبان
أدهم ابتسم : ولا تعب ولا حاجة يا أمى أنا كويس .. راجع علطول🚶🏻‍♂️

نزل الصيدلية جاب علاج وهو طالع لقى حسام وريان جايين وكانوا طالعينله .. شافوه وسلموا عليه ...
ريان : كنت فين كدا وايه العلاج دا؟ انت علاجك خلص!
أدهم : لا دا مش ليا

حسام : حد تعبان!🙂واللى معاه يعنى مش عارف ينزل يجيب العلاج لازم تنزل انت!
أدهم : دا طفل ياحسام أبوه وأمه متطلقين وأمه سابته ومشت وأبوه ساعات بيبات ف الشغل ومحدش معاه غير جدته هسيبها هى تنزل تجييه يعنى!

حسام هز راسه بتفهم وطلعوا معاه .. أدهم اداهم المفتاح ...
أدهم : اطلعوا وأنا هخلص واجى
ريان : ياعم هنستناك هنا اهو

أدهم زقهم : اطلع ياض انت وهو هتعملولى فيها محرجين دا انتوا بتيجوا تدخلوا ع التلاجة علطول🙂
حسام ضحك : 😹عنده حق يلا نطلع نشوف التلاجة فيها ايه على اما ييجى

ريان ضحك وطلعوا هما ال٢ .. أدهم ضحك بخفوت وهز راسه بيأس منهم وخبط ع الباب فتحتله ودخل اداه حقنة وسابلها العلاج وطمنها عليه وقام يطلع ...

؟؟ : طب استنى يابنى دفعت اد ايه ف العلاج ع الأقل!
أدهم ابتسم : مازن زى أخويا الصغير .. ألف سلامة عليه .. عن اذنك
طلع وهى وقفت ع الباب تبصله ودعتله من قلبها : ربنا يشفيك يابنى ويخفف عنك ويبعد عنك أى مرض وحش يارب

دخلت وقفلت الباب وأدهم طلع شقته كان حسام وريان قاعدين مستنيينه راح قعد جمبهم وسند راسه وغمض عينه بتعب ...
ريان : ايه ياسطا عامل ايه!
أدهم فتح عينه وبصله : الحمد لله

حسام طبطب على كتفه : اجمد كدا ياوحش خلاص هانت .. الدكتور قال ان ف تحسن كبير وحالتك هتتعالج بالكيماوى عادى
أدهم هز راسه بهدوء ورضا : الحمد لله

قام وقف : تشربوا ايه!
حسام شده قعده : اقعد يابا كدا احنا مش ضيوف
أدهم : ضيوف ايه ياحسام بقولك بتدخلوا ع التلاجة بس أنا عارف انكوا مواكيس مبتعرفوش تعملوا حاجة🙂

ريان : ايه الإحراج دا🙂😹
حسام : 😹طب ياعم متشكرين اقعد احنا مش عايزين حاجة

أدهم ضحك بهدوء وغمض عينه بتعب وقام بسرعة ع الحمام وهما قاموا يجروا وراه ...
حسام وقف جمبه وسنده : أدهم
أدهم بصله بتعب وفقد وعيه .. حسام مسكه بسرعة قبل ما يقع ...

ريان : هنزل افتح العربية بسرعة وانت هاته وانزل🏃🏻‍♂️
نزل جرى وحسام شال أدهم ونزل بيه وخدوه ع المستشفى بسرعة .. فضلوا واقفين برا هيموتوا من القلق ...

حسام : يارب💔يارب سلم
الدكتور خرج وبلغهم ان حالته حرجة جداً ...
ريان : مش حضرتك قولت انه بيتحسن!
الدكتور : أدهم حالته مش مستقرة نهائى .. بتتراجع ويتحسن وهكذا وفعلاً كان بدأ يتحسن بس دلوقتى حالته تراجعت تانى

حسام : طب يادكتور هو لو محتاج عملية زرع نخاع والده موجود ولي أخت
الدكتور : صدقنى أنا لو شايف ان حالته مستدعية عملية زرع نخاع مكنتش تعبته بالعلاج الكيماوى بس مش كل الحالات بتستدعى عمليات وحالة أدهم ممكن جداً تتعالج بالكيماوى بس لأن الورم اللى عنده اسمه "سرطان الدم النقيانى الحاد" والنوع دا عادةً بيتم شفاؤه من خلال جلسات العلاج الكيماوى والإشعاع بس .. بنلجأ لعمليات الجراحة ف حالة ان حصله انتكاسة لقدر الله أو المرض زاد معاه .. هو بس محتاج دعم نفسى لأن ف بعض الحالات نفسيتها بتتأثر وبتبقى عامل مهم أوى ف علاجهم

حسام وريان هزوا راسهم بتفهم والدكتور سابهم ومشى .. حسام طلع فونه بسرعة وفتح صفحة أدهم وبيدور عليها ...

ريان : بتعمل ايه!
حسام : هكلمها .. أدهم مش هيتحسن نفسياً غير بيها .. مش هقدر اشوفه كدا واسكت ياريان
ريان هز راسه بتشجيع : كلمها

حسام لقى الاكونت بتاعها وعرف يوصل لرقمها بسهولة من خلال دراسته وشغله ورن عليها لحد ما سمع صوتها ...
حسام : آنسة نورهان خالد معايا؟
نورهان : أيوا

حسام : أنا حسام صاحب أدهم هو ...
قطع كلامه لما الخط اتقفل ف وشه
ريان : ايه!
حسام : قفلت ف وشى🙂

ريان : رن تانى
حسام رن عليها تانى حوالى ٣ مرات لحد ما ردت ...
نورهان بضيق : نعم! خير!

حسام : اسمعينى بس الله يخليكى ومتقفليش أدهم محتاجك
نورهان بسخرية : دلوقتى محتاجنى! مش هو اللى باعنى بمزاجه!

حسام : انتى مش فاهمة حاجة أدهم عمل كدا قصد عشان يبعدك عنه
نورهان : مش فاهمة!
حسام : أدهم عنده لوكيميا وهو دلوقتى ف المستشفى وحالته حرجة جداً

كدا البارت خلص♥️رأيكوا؟؟!!!....