أنار لى عتمتى♥️✨

البارت ٤٧❤️

أخيراً كل واحد فيهم وصل بيته خلاص .. روان جرت على كيان بلهفة وحضنته وبعدين مسكت وشه بين ايديها وفضلت تبصله وتتفحصه بقلق ...

روان : انت كويس ياحبيبى انت كويس!
كيان : متقلقيش ياماما أنا كويس والله بسيطة الحمد لله

ريان طلعه أوضته وقعده ع السرير
روان : جعان صح! استنى هنزل اجبلك تاكل
كيان : لا مش جعان

روان : حبيبى🥺
كيان : مش عايز والله هنام مش قادر
روان : ماشى ياحبيبى ارتاح😚
سابوه ينام ويرتاح وخرجوا راحوا أوضتهم ...
          *_________________*

ليلى كانت قاعدة جمب آدم بتطمن عليه ...
ليلى : دور برد شديد وزورى تاعبنى!
آدم ضحك بهدوء : 😹مكناش عايزين نقلقك والله

ليلى حطت ايدها مكان الجرح : انت كويس دلوقتى!
آدم هز راسه : الحمد لله أحسن

نورهان جابتلهم الأكل هما ال٢ لأن أدهم دخل نام علطول مقدرش ...
ليلى : بابا نام!!
نورهان ضحكت : 😹قتيل

ليلى : ماهو عمو ريان قالى انه كان لسا ف المستشفى ساعة ما كلمته
نورهان : اه كان عنده شغل كتير يومها

ليلى : وأنا هموت وانام والله
نورهان : كلى الأول ياحبيبتى وبعدين نامى

ليلى كلت هى وآدم وبعدين دخلت نامت علطول .. تانى يوم أدهم نزل شغله ف المستشفى وليلى كانت قاعدة جمب آدم بتكتب ...

{شهد فضلت قاعدة مع فريدة لحد ما بعد شوية الباب خبط ودخلت واحدة بالأكل ...
؟؟ : الأكل ياست هانم
خرجت وشهد بصت لفريدة ...

شهد : شوفتى بقى! ابنك بيذلنا ع الأكل أساساً لو منزلتيش تاكلى تحت ف المعاد افضلى باقى اليوم من غير أكل عادى بقى طز😹بس طلعلك انتى الأكل لحد هنا ع السرير كمان😌

فريدة ابتسمت بهدوء وتعب : أنا مش عايزة اكل
شهد : حلو اثبتى على كدا بقى استنى

قامت جرى فتحت باب الأوضة ووقفت عليه وبدأت تعلى صوتها عشان يوصل لزياد تحت ...
شهد : يعنى ايييه مش عايزة تاكلى! لا والله ما ينفع لازم تاكلى الدكتور قال تهتمى بأكلك وعلاجك عشان صحتك

زياد قاعد تحت وسمعها وضم ايده وبيضغط عليها بيحاول بمسك أعصابه .. شهد ابتسمت وكملت ...
شهد : ايه! بردو مش عايزة! تء خلاص بقى براحتك ياطنط هأكلك غصب عنك يعنى!
ندهت ع البنت تيجى تشيل الأكل : عن اذنك أنا راحة أوضتى🚶🏻‍♀️

راحت أوضتها بسرعة ووقفت ورا الباب تراقب زياد .. أخيراً قام اتحرك وطلع الأوضة لمامته لقى البنت كانت لسا هتشيل الأكل ...
زياد : سيبيه وروحى شوفى شغلك

البنت هزت راسها باحترام وخرجت وزياد قرب من فريدة وقعد جمبها على حرف السرير وخد الأكل على رجله وبدأ يأكلها وهو ساكت تماماً وهى بتاكل من ايده وهى مبسوطة وبتبصله بعيون كلها دموع حب وشوق .. خلصت أكل واداها علاجها .. قام يخرج مسكت ايده قعدته جمبها تانى وقربت منه حضنته ونامت على كتفه ودموعها نزلت .. زياد قاعد ثابت تماماً وبيحاول يفضل محافظ على ثباته وميتهزش ولا يضعف دلوقتى وينهار ...

فريدة حطت ايدها على مكان قلبه : دا لسا زى ماهو
زياد بجمود : دا مات💔

فريدة ابتسمت بدموع : لا ممتش .. موجود وبيدق ولسا زى ماهو حنين مبيعرفش يقسى
زياد بيبعد عينه عنها ومبيردش

فريدة مسكت وشه : بصلى
زياد رفع عينه وبصلها من غير أى تعبير على وشه ...
فريدة : انت عارف انى جاوبته بصدق وانك فعلاً أكتر واحد بحبه

زياد مردش وبيبصلها وساكت
فريدة : انت عارف انك سندى من صغرك .. أنا كسرت نفسى قبلك💔خسرت سندى وضهرى لما خدوك منى

زياد : سؤاله واضح للحمار هو بيسأله ليه! عشان حسب اجابتك هياخد حد مننا ودا اللى حصل فعلاً
فريدة بدموع : معرفتش اتصرف صدقنى كنت عاجزة وتايهة مش عارفة اعمل ايه!

زياد بوجع : 💔أنا أول واحد وقفت ف وشهم بثقة وقولت انك مش هتسلمى حد فينا ليهم

فريدة عيطت : 💔😭واللى حافظت عليهم هما أول ناس رمونى وشافوا حياتهم بعيد عنى ومبيفكروش حتى يسألوا عليا

مسكت وش زياد بين ايديها : بقولها للمرة المليون انت سندى وأنا مليش غيرك💔انت أبويا وكل حاجة ليا .. بنتك لو غلطت وحبت واحد وسابتك عشانه ورجعتلك بعدين مكسورة بسببه هتتخلى عنها؟!
زياد هز راسه بنفى : كنت اتخليت عنك وسبتك مرمية ف البيت بتموتى

فريدة : اعتبرنى بنتك وغلطت ورجعالك بقولك أنا محتاجاك💔
زياد : ودى مش غلطة تتغفر بسهولة .. أنا موجود وقت ما تحتاجينى بس أنا آسف أنا مش قادر انسى اللى حصل .. محتاج وقت ع الأقل اقدر اتعايش مع اللى حصل لأنى مستحيل هنساه

فريدة حضنته : 🤗خد وقتك بس ف حضنى متبعدش عنى تانى عشان خاطرى💔😭
زياد رفع ايده يحضنها بس مقدرش رجع ايده تانى مكانها وفضل قاعد ثابت وساكت وهى ف حضنه ...
رأيكوا ياحلوين🖤✨}

أدهم كتبلها كومنت ...
" طب هنخلص من الحزن دا ونبطل عياط امتى!🥲 "

ليلى ضحكت وردت ...
" خلاص هانت ياباشا ونخلص من كل دا🌚 "

أدهم رد ...
" مش متفائل🙂 "

ليلى ردت ...
" متقلقش😈😹 "
           *_________________*

سالم واقف قدام مخزن من مخازنه اللى اتحول لكوم تراب وبيزعق لرجالته ...
سالم بغضب شديد : يعنى اييييه ولع لوحده كدااااا؟

؟؟ : ياباشا احنا منعرفش ايه اللى حصل والله
سالم : امااااال وااااقفين لزمتكوا اييييه يابهااااايم .. انتوا عااارفين المخزن دا كان ف بضااااعة اد اييييه وتساوى كاااام!
         *________________*

ريان قاعد ف شركته وجاله فون رد عليه وكرمش وشه بحزن مصطنع ...
ريان : تء تء ياحرام🥺ربنا يعوض عليه بقى

قفل ورمى الفون قدامه ع المكتب وابتسم :
It's just the beginning
(انها مجرد البداية)

وسند ع الكرسى ورا وغمض عينه باسترخاء وهو بيصفر بنغم هادى ببرود ...

كدا البارت خلص♥️رأيكوا؟؟!!!....