أنار لى عتمتى♥️✨

البارت ٢٣❤️

" كلما انهزمت نفسى من الحياة .. عقدت معها صلح جديد واتفقنا على يقين أن العوض الجميل من الله مبهر دائماً .. ولن يشعر بلذة هذا العوض شخص قانط🖤✨ "

وحشتونى ..
وأخيراً رجعت بعد صراع طويل مع الحياة بس الحمد لله عدى على خير .. صبرت ونولت .. قدرت اهزم السرطان .. وأهم وأعظم انتصار حققته ف الفترة دى انى اتجوزتها أخيراً بعد طول انتظار بقت ملكى وخلفنا آدم وليلى ربنا يحفظهم ويباركلنا فيهم 
Adham Al_Sayad🖤✨

كنت قاعدة جمب آدم وليلى بعد ما نيمتهم ولقيت أدهم نزل بوست فرحت أوى انه أخيراً رجع يكتب تانى بعد ما اتكلمت معاه وأقنعته يرجع يمارس هوايته تانى جمب شغله لأنى بحب كتاباته .. قرأته وعيونى لمعت بدموع الفرحة والامتنان .. احساس حلو أوى انك تبقى انتصار عظيم بالنسبة لشخص بيحبك وشايفك كل العالم بالنسباله وتبقى حاسس دا فعلاً مش مجرد كلام بيتقال وخلاص .. عملت لاڤ وكتبتله كومنت ...

" ربنا يديمك لينا يا أجمل وأحن بابا ف الدنيا كلها🥺انت اللى أعظم انتصاراتى بجد يا أدهم ونعمة من ربنا عوضنى بيها عن كل حاجة🥹بحبك♥️✨ "
عملى لاڤ ع الكومنت ورد عليا ...
" بعشقك يانورى♥️✨ "

الكومنت عمل إثارة جدل جامد يعنى والفانز كان عندهم ذهول ان أنا الشخصية اللى أدهم كان بيتكلم عنها دايماً وانه كان بيقول انها متجوزة😹بس كانوا مبسوطين وبيباركوله وف اللى بيعاتبه عشان اختفى ومقالش انه كان عنده سرطان وخاض الحرب دى لوحده وانهم المفروض عيلته زى ماهو بيقول وبيشاركوه كل حاجة .. حقيقى الكومنتات كلها كانت مليانة بهجة وكلام جميل من ناس أجمل .. لقيته باعتلى مسدج يسأل عن آدم وليلى عشان تطعيم ال٦ شهور ليهم النهاردة ...

أدهم : لسا مصحوش!!
نورهان : لا😹
أدهم : لما يصحوا ابقى كلمينى بس عشان اجى اخدكوا
نورهان : طب ما تبعت أوبر ياحبيبى مش لازم تيجى
أدهم : وهتيجى بيهم ال٢ لوحدك ازاى! وبعدين لا مآمنش عليكوا تيجوا لوحدكوا .. هاجى اخدكوا .. أنا معايا العربية يعنى مش جاى مشى ولا مرمطة مواصلات مثلاً
نورهان : ماشى ياحبيبى

بعد شوية آدم وليلى صحوا ونورهان بعتت مسدج لأدهم ...
نورهان : لسا صاحيين اهو يادومى هلبسهم
أدهم : ماشى ياحبيبتى هنزل اجيلك اهو

أدهم راحلها وخد ليلى وهى معاها آدم ونزلوا راحوا المستشفى ...
نورهان : 🙂ما تطعمهم انت
أدهم شهق : 😳مقدرش لا

اداها ليلى وخد منها آدم اتطعم خلاص ...
أدهم : طب هاخده معايا وانزل اصلى ف المسجد وانتى خلصى مع ليلى واستنينى ف المكتب
نورهان هزت راسها : ماشى

أدهم خد آدم ونزل المسجد وفضل يتمشى بيه ويهزه برفق لحد ما هدى وبطل عياط .. نيمه ع الأرض ووقف يصلى .. خلص صلاة وقام لقى آدم بيلعب بإيده ورجله وبصله وضحك .. ابتسم وشاله باسه وقعد بيه يقول الأذكار بعد الصلاة .. خلص وخده ورجع المستشفى تانى كانت نورهان قاعدة مستنياه ف المكتب وليلى نامت ف حضنها ...