أنار لى عتمتى♥️✨

البارت ٥٢❤️

ف مكتب العميد أدهم قاعد قدامه وبنته ف حضنه وبص للولد اللى واقف قدامهم ...
أدهم : هتتكلم انت ولا اتكلم أنا؟
الولد سكت تماماً وحط وشه ف الأرض
أدهم : يبقى اتكلم أنا

بص للعميد : من فترة ف طالب اسمه هشام الحداد سحب ملفه من الكلية والسبب اتعرف بعد انتشر خبر شلله الكلى
العميد بهدوء : أيوا

أدهم : النهاردة خلصت شغلى وكلمت بنتى تستنانى اعدى اخدها ولحسن الحظ وصلت والأستاذ اللى المفروض هيبقى دكتور محترم ف المستقبل واقف مع شلة قذرة زيه وبيلقحوا بكلام زفت لما زميلهم قالهم انه بيفكر ييجى يتقدملها
بص للولد : قولتله ايه! اه خليك ف الجديد بلاش المستعمل .. لولا انى بخاف ربى ومبحبش اخوض ف الأعراض كنت رديت عليك برد يليق بيك واعتقد انك فاهمنى كويس

الشاب بدأ يفرك ايده بتوتر وخوف والدموع اتجمعت ف عينه : ا أنا آسف
أدهم ببرود : أسفك مش مقبول أنا مبسامحش ف حق بنتى

بص للعميد : أنا مش هتدخل ف شغل حضرتك واقولك تعاقبه ازاى! بس هو مكنش لوحده .. قال أسامى صحابه كان بها مقالش وعايز يشيل الليلة لوحده براحته
الشاب بحزن : محدش فيهم لي دعوة أنا اللى بدأت الكلام
أدهم : براحتك

العميد خد قرار انه هيرفده من الكلية نهائى .. الشاب رفع عينه بصدمة وبص لأدهم برجاء واستعطاف ...
أدهم هز كتفه ببرود : مليش دعوة مش قرارى
بص ل ليلى وابتسم : يلا ياحبيبتى

قام يمشى والشاب وقف قدامه : أرجوك🥹دا مستقبلى
أدهم : وانت مفكرتش ف مستقبلك اللى انت خايف عليه دا ليه قبل ما لسانك ينطق بالكلام دا عنها .. هو مش معنى انى معروف عنى انى شخص مسالم ومليش ف العنف انى بتهاون ف حق ولادى بالذات لا .. ومش عشان مخدتش رد فعل نحية مش هشتمه واقول راجل اللى اسمه هشام دا انى سامحت ف حق بنتى لا أنا كنت عارف اللى هيحصله ومتأكد ان ربنا هيردلها حقها منه .. حساب قهرتها ووجعها من كلامك دا مش هين عندى .. دمعتها أغلى منك ومن ١٠ زيك .. خليك بقى كدا بقهرتك ووجعك على مستقبلك اللى ضاع .. دوق حصاد اللى انت زرعته بقى

بصله باشمئزاز وخد ليلى ومشى اللى كانت مبتسمة ونست كل كلمة اتقالت حرفياً بعد تصرف أبوها وكلامه دا كفاية وكان كفيل يهديها وينسيها كل حاجة .. أول ما خرجوا من مكتب العميد اتعلقت ف رقبته ولفت رجلها حوالين وسطه ...

أدهم ضحك : 😹دا ايه وضع القرد المتعلق ف شجرة دا
ليلى ضحكت وهى حضناه وباسته من خده : 😹🤗حبك أنا حبك😚

أدهم مشى بيها : 🤗🚶🏻‍♂️شايفة منظرك العرة يادكتورة وأنا ماشى بيكى كدا
ليلى : 😹محدش لي دعوة😌أنا مبسوطة كدا
أدهم : 😹🤗براحتك يا أميرتى
ليلى : هاتلى مصاصة بقى😌
أدهم ضحك : 😹حاضر

راحوا اشتروا شوية حاجات ورجعوا البيت لقوا نورهان واقفة تبصلهم بغضب ...
أدهم بهمس : 😳ف ايه!
ليلى بهمس : 😳مش عارفة شكلنا هنتعمل على صينية بطاطس

أدهم : 😳ياساتر يارب
ابتسم لنورهان : ف ايه ياحبيبتى خير!!
نورهان قربت منهم : فونك فين انت وهى!!
أدهم : فونى فصل شحن
ليلى : وأنا نسيته صامت والله لما خرجت من المحاضرة

نورهان : واتأخرتوا ليه!!
أدهم حكالها اللى حصل وهى اتنهدت براحة نوعاً ما
نورهان : حرام عليكوا قلبى وقع ف رجلى لما لقيت فونك مقفول وهى مبتردش🥹

أدهم حاوطها بدراعه وباس راسها : 😚حقك عليا نسيت خالص انه فصل وحتى لما روحت ل ليلى وحصل الحوار دا نسيت خالص ابعتلك حتى مسدج من عندها
نورهان هزت راسها : الحمد لله المهم ان انتوا بخير

ليلى : طابخة ايه بقى ياقمر!
نورهان : بطاطس باللحمة

ليلى صرخت : 😳يامااااااااااا
أدهم : 😳أنا مش سامع صوت لآدم شوفى أخوكى يابنتى اطمنى عليه بسرعة

ليلى : اعاااااااااااااا الواد لسا جرحه ملمش حتى🥹🚶🏻‍♀️آدددددددم!
فتحت باب الأوضة بسرعة لقته قاعد ع السرير بيقرأ كتاب .. اتفزع من صوتها ورزعة الباب وبصلها ...

آدم : ف اييييه!
ليلى اتنهدت : هااا الحمد لله
بصت لأدهم : زى الفل ياباشا
أدهم : الحمد لله

آدم : هو ف ايه مش فاهم حاجة
ليلى : ياسطا أصل أول ما دخلنا لقينا أمك متعصبة وكانت واقفة تبصلنا وناقص تطلع نار من ودانها وفجأة لقتها بتقولى انها عاملة صينية بطاطس باللحمة🥺

آدم : 🙂ايه جو سفاح الجيزة دا؟😹
نورهان بصتلهم هما ال٣ : عوض عليا عوض الصابرين يارب هما وأبوهم هيجلطونى🚶🏻‍♀️

خرجت من الشقة تنادى على فرح .. أدهم بص لعياله وال٣ فصلوا ضحك ...
ليلى : 😹ادخل بسرعة غير ويلا بدل ما تعمل مننا صينية بطاطس باللحمة بجد
أدهم : أنا بقول كدا بردو😹🚶🏻‍♂️

دخلوا هما ال٢ خدوا شاور وغيروا هدومهم واتجمعوا كلهم ع السفرة ياكلوا سوا ...
أدهم : عاملة ايه ف دراستك يافيرو!
فرح ابتسمت : الحمد لله كويسة
أدهم هز راسه : ربنا يوفقك ياحبيبتى

فرح حمحمت بتردد : عايزة اتكلم مع حضرتك شوية بعد ما نخلص أكل
أدهم : حاضر

خلصوا أكل ونورهان قامت تلم الدنيا حواليهم وليلى بتساعدها وآدم قعد يلعب مع زين وأدهم قعد مع فرح ...
أدهم : خير يافرح!!
فرح : مستر يوسف اللى حضرتك شوفته يوم ما جيت المدرسة عشان الحوار اللى حصل

أدهم : امم ماله!!
فرح بتوتر : هو .. يعنى ..
أدهم : قولى علطول يافرح من غير ما تترددى متخافيش
فرح اتنهدت وغمضت عينها ونطقت بسرعة : قالى انه بيحبنى

كدا البارت خلص♥️رأيكوا؟؟!!!....