أنار لى عتمتى♥️✨

البارت ٦٨❤️

" عارف يعنى ايه [فسيكفيكهم الله]..!!
- يعنى عليم بحالك كله .. كله.
- عليم باللى بيوجعك وباللى بيخطط انه يأذيك وبيتكلم عنك .. عليم بكيد كل واحد .. وربنا وقتها هو اللى هيتصدى ليهم .. ربنا هيكفيك ويغنيك عن كل واحد عشمك وخذلك .. هيعوضك عن الوجع واليأس .. هيغنيك بحبه عن احتياجك لخلقه .. من الآخر كدا محدش هيقدر يقرب منك غير لو كان ف قربه خير ليك.
عرفت يعنى ايه [فسيكفيكهم الله] ."♥️
Adham Al_Sayad🖤✨

ليلى ابتسمت وكتبت كومنت ..
" عرفت🥺♥️بوستاتك دايماً ف وقتها وكلامك عمره ما فشل انه يطمنى🖤✨ "

أدهم ابتسم وعمل لاڤ للكومنت ودخل كلمها خاص ...
أدهم : عاملة ايه دلوقتى ياروحى!
ليلى : الحمد لله ياحبيبى♥️

أدهم : بتكلمى فرح!!
ليلى : بقالى كام يوم مكلمتهاش
أدهم : طب كلميها كدا وشوفى مالها عشان صوتها مش مريحنى بقالها كام يوم وبتقولى مرهقة من الدراسة وشغل البيت وكدا بس لا هى ف حاجة مزعلاها ومش عايزة تقول .. حاولى تعرفى منها ايه اللى حصل!
ليلى : حاضر

وبالفعل كلمت فرح وحاولت تعرف مالها وفرح قالت نفس المبرر .. مرهقة من الجامعة وشغل البيت وكل دا ...
ليلى : بت بت المبرر دا اضحكى بيه على حد تانى .. انتى صوتك مش طبيعى وباين انك زعلانة ف ايه! انتى ويوسف متخانقين طيب!

فرح : لا
ليلى : امال ف ايه!
فرح اتنهدت بحزن : أخته اللى متجوزة برا البيت زيارة هنا ومعاملتها زى الزفت وقدامه بتبقى ملاك
ليلى : طز فيها ياحبيبتى .. اللى يدوسلك على طرف دوسيله على ١٠

فرح : واعمل مشاكل ليه! ويوسف أكيد مش هيصدقنى أنا ويكدب أخته
ليلى : ساعتها يبقى هو الخسران مش انتى .. اسمعى يافرح متسكتيش عن حقك عشان هى هتتعود على كدا وتسوق فيها لازم تحطى حد للى بيحصل

فرح : بقولك ايه أنا هقفل دلوقتى عشان يوسف جه هقوم احضرله الأكل
ليلى : ماشى
فرح قفلت معاها وخرجت لقت يوسف شايل زين بيلعب معاه .. ابتسم وقرب منها باس راسها وهى ابتسمت بهدوء ...

يوسف : مالك انتى لسا تعبانة!
فرح هزت راسها بنفى : لا ياحبيبى هو بس اليوم كان طويل شوية النهاردة ف الجامعة ومرهق
يوسف : ربنا يعينك ياحبيبتى

جهزت الأكل وقعدوا عشان ياكلوا بس الباب خبط ويوسف قام فتح لقاها أخته ورحب بيها ودخلت ...
زينب : ايه دا أنا حماتى بتحبنى أوى😹

يوسف : تعالى بقى كلى معانا
زينب : لا لا أنا هنزل و ...
يوسف : هو ايه دا بقولك اقعدى! هو انتى ف بيت غريب والله ازعل منك بجد

فرح : اتفضلى يازينب نورتينا
زينب : دا نورك ياحبيبتى شكراً

قعدوا ياكلوا ولما خلصوا الباب خبط ويوسف فتح لقاه أدهم ...
يوسف بترحيب : أهلاً ياعمى اتفضل
أدهم : يزيد فضلك يايوسف