الأيام عدت ورزان اتعافت وبقت كويسة .. سفيان ووتين خلفوا ولد سموه "مصطفى" .. يوسف وفرح خلفوا بنت سموها "غرام" .. وف يوم أدهم كان عازمهم كلهم عنده ويقضوا مع بعض يوم عائلى جميل .. كيان صحى من النوم ملقاش ليلى ولا نور .. فتح فونه لقاها سايباله مسدجات ...
" كينو♥️صباح الخير ياحبيبى
أنا نزلت لماما بدرى عشان متبقاش لوحدها وانت عارف انها مبقتش بتقدر تعمل حاجة .. مهنش عليا اصحيك استأذنك لانك نايم متأخر
ظبطلك المنبه على معادك .. أول ما تصحى خد شاور وهتلاقى الفطار جاهز ع السفرة ف المطبخ .. افطر كويس وخد العلاج ولو مش قادر تنزل بلاش بس ابقى عرفنى
أنا كويتلك القميص الأبيض عشان الجو حر النهاردة .. البسه ع البنطلون الأسود
ولو سمحت وانت راجع من الشغل هات لنور الشكولاتة بتاعتها وهاتلى سلامتك
بحبك♥️ "
كيان ابتسم وقام خد شاور وخرج اتصور صورة بشعره وهو لسا مبلول وبعتهالها ..
" يعنى كدا مش هاخد برد بزيادة!🥺 "
راح المطبخ وقعد يفطر واتصور صورة وهو بياكل بريأكشن حزين ..
" الفطار ملوش طعم من غيركوا🥹 "
اتصور صورة وهو بيشرب العصير وبيضحك أوى ..
" أحسن حاجة ف دور البرد والسخونية دا انه بيعفينى من شرب اللبن😃 "
خد صورة وهو بياخد العلاج ومكرمش وشه ..
" الحباية وقفت ف زورى ياليلى🥹 "
خلص وخد صورة وهو بيغسل الأطباق ..
" غسلت المواعين مكانى اهو🌚عشان أنا شطور ومتعاون😌 "
دخل لبس واتصور ف المراية ..
" أجمل أوتفيت عشان من اختيارك طبعاً🌚♥️ "
نزل ركب العربية وربط الحزام وخد صورة قبل ما يمشى ..
" الحزام اهو مش ناسيه😌 "
مشى وخد صورة لإيده ع الدريكسيون وعاملها قلب بصوابعه ..
" مكنتش هنزل فعلاً عشان مش قادر وتعبان بس كلامك ادانى باور وخلانى اقدر اقوم افطر واجهز وانزل🫰🏻حبك يالولى♥️ "
ف بيت أدهم كان قاعد مع نور ونده على ليلى ...
أدهم : يابنتى تعالى شوفى تليفونك اللى عمال يجيله مسدجات دا يمكن حد عايزك ف حاجة
ليلى خرجت من المطبخ وفتحت الفون شافت مسدجات كيان .. ابتسمت بحب وردت عليه وقفلته ودخلت لنورهان تانى ...
أدهم : أيوا يعنى احنا دلوقتى هنعزل أبوكى ياكل ف أوضة لوحده لما ييجى!
نور : 😳ليه! التويونا خلست من سمان(الكورونا خلصت من زمان)
أدهم : نضمن منين احنا؟ يمكن جاتله حالة كورونا متأخرة🙂
نور : بس هو بياتل وبيسم تويس .. هو بس حنده بيد وسخن وماما اتته حونة🥹(بس هو بياكل وبيشم كويس .. هو بس عنده برد وسخن وماما ادته حقنة)
أدهم : طب الحمد لله😹
الباب خبط .. شالها وقام فتح لقى فرح شايلة غرام وماسكة زين ف ايدها .. ابتسم وباس راسها ودخلوا وقفل الباب ...
أدهم : حبايب قلب جدو🤗
YOU ARE READING
أنار لى عتمتى♥️✨
Romanceروايتنا المرادى مختلفة .. عبارة عن مجموعة من القصص داخل بعضها من وحى خيال البطل بأحداثها وشخصياتها♥️
