كل إنسان على وجه الكرة الأرضية .. يعيش قصة ابتلاء ومعاناة ولكن بطريقة مختلفة عن غيره ... منهم من يُكابد الآلام والأمراض ومنهم من يشكو الفقر وقلة الرزق ومنهم من يتجرع مرارة الظلم ومنهم من فقد أهله وأحبابه ولكن .. على قدر الألم يكون الأجر ،، وكلما اشتد صبرك عظم أجرك . اللهم قوة الصبر ..♥️ Adham Al_Sayad🖤✨ *__________________*
{جنى صحت من النوم تانى يوم حاسة بصداع جامد مش عارفة سببه ايه .. قامت خدت شاور ولبست هدومها وقعدت تفطر وفتحت فونها بعتت مسدج لرعد ... جنى : دودى صباحو♥️ رعد استغرب لما لقى مسدج منها وكمان بتتكلم فيها عادى كأن محصلش حاجة! حس ان ف حاجة غلط ف قرر يجاريها لحد ما يفهم اللى بيحصل ...
رعد كدا اتأكد ان ف حاجة غلط! جنى لسا بتسأله عن دراعه دلوقتى! اللى هى أصلاً كانت أول إصابة لي ساعة افتتاح المستشفى! يعنى هى مش فاكرة أى حاجة حصلت بعدها ...
رعد : الحمد لله خلاص فكيت الغرز جنى : بردو عملت اللى ف دماغك وفكتهم لوحدك! رعد : ما مش مستاهلة والله .. متقلقيش أنا كويس .. انتى نزلتى المستشفى ولا لسا؟ جنى : كنت بفطر ونازلة اهو رعد : اوك♥️
جنى قامت خدت مسكن ونزلت ورعد قام بسرعة مش عارف يعمل ايه! طب لما يروح المستشفى يغير ع الجرح اللى ف صدره دا يقولها ايه! حصل امتى وازاى وفين! وليه هى متعرفش! ماهو لو تفسيره صح وهى فعلاً مش فاكرة حاجة بسبب الضغط النفسى يبقى هو كدا هيزيد تعبها .. فضل يفكر شوية وبعدين خد قرار غبى بس ع الأقل هيحافظ على حبيبته .. فك غرز الجرح فتحه تانى ولبس ونزل راح المستشفى وهى لما شافته اتفزعت ...
جنى : 🥹يالهوى يارعد دا عند قلبك رعد : بسيطة الحمد لله جنى : طب عشان خاطرى خد بنج مش هقدر اخيطهولك كدا من غيره🥹
جنى : لو حسيت بوجع خد منه وياريت لو تروح ترتاح أصلاً بلاش ترجع الشغل تانى رعد هز راسه بالموافقة : حاضر جنى ابتسمت : هبقى اكلمك اطمن عليك
رعد مشى وهى كملت شغل ورجعت البيت وكالعادة بتحكى لزين يومها كان عامل ازاى ... جنى : كنت مرعوبة بجد الجرح عند قبله بالظبط الحمد لله انه متعمقش أكتر من كدا
زين استغرب .. هو ايه اللى فتح جرح رعد تانى! زين عارف ان بنته لما تتضغط نفسياً بتتعب وبتنسى معظم اللى حصلها .. ممكن تكون كلمت رعد مثلاً وهو فهم وفتح الجرح تانى عشان ميتعبهاش! معقول! كان بيحاول يفهم ويستوعب اللى حصل وعينه جت ف عين ابنه اللى بصله باستهزاء وكأنه بيقوله اهو! مش دا اللى كنت بتقوله مش مآمن على بنتى معاك! شوف عمل ايه مجرد ما حس بس انه ممكن يأثر عليها نفسياً ويتعبها زيادة! زين للحظة حس بالذنب انه رفضه بالطريقة دى وقاله الكلام دا ... رأيكوا ياحلوين🖤✨}
كيان كتبلها كومنت .. " يعنى انت عارف ان بنتك مريضة نفسياً ومع ذلك مخك جزمة! مع كامل احترامى ليك ياعمو زين بس انت راجل عرة🙂 "
