Falling In Love With The Red Flag Guy

About the Facts

ဆုဆု ကမ်းဘတ်ချင်​ဇောနဲ့​လောပြီး ဇာတ်လမ်းထဲမှာပါတဲ့ မရင်းနှီးတဲ့အ​​ကြောင်းအရာတချို့ကိုရှင်းပြဖို့​မေ့သွားတာ​။ fangirl ​လောကက က​လေး​တွေနဲ့မစိမ်း​ပေမယ့် ဆိုရှယ်မီဒီယာသိပ်မသုံးကြတဲ့ တီတီ​တွေမမ​တွေညီမ​လေး​တွေအတွက် ​နောက်ပိုင်း ဇာတ်လမ်းထဲမှာပါလာမယ့် အသုံးအနှုန်း​လေး​တွေကို မိတ်ဆက်​ပေးထားပါရ​စေ​နော့်

ဒီမှာ Zodiac Sign ဆိုတာက​တော့ အ​နောက်နိုင်ငံ​တွေက သတ်မှတ်ထားတဲ့ကိုယ့် ​မွေးရက်၊ ​မွေးလကိုပိုင်းခြားသတ်မှတ်ထားတဲ့ ကိုယ်စားပြုသင်္ကေတ​တွေ​​ပေါ့။ ဒီထဲမှာ အဓိကဇာတ်​ဆောင်တစ်​ယောက်ရဲ့ရာသီဖွားက မြန်မာမှုအရဆို ဗြိစ္ဆရာသီဖွား အင်္ဂလိပ်လို (Scorpio) ​ပေါ့။ Sign of Saturn လို့​​ခေါ်ကြပါတယ်။ ​​​​မြေအောက်ကမ္ဘာကို အုပ်ချုပ်တဲ့ ဂရိနတ်ဘုရား Hades (​ဟေးဒီးစ်) ကိုကိုယ်စားပြုပါတယ်။ ဒီရာသီဖွားရဲ့ ထူးခြားချက်က လျှို့ဝှက်တယ်၊ အ​ကြောက်အရွံ့ကင်းပြီး စိတ်အားထက်သန်မှုပြင်းပြတာပဲဖြစ်ပါတယ်။ ခွင့်လွှတ်ဖို့ခက်ခဲပြီး လက်စား​ချေလိုမှုပြင်းတဲ့​နေရာမှာလည်း နာမည်အကြီးဆုံး ရာသီခွင်ဖြစ်ပါတယ်​နော်။ ဓါတ်ကြီး​လေးပါးအ​နေနဲ့ဆိုရင် Water ကိုကိုယ်စားပြုပါတယ်။ ဆို​တော့ ဒါ​လေးက ​နောက်ပိုင်းထိ​တွေ့ရမယ့်ကာရိုက်တာကို မြင်ကြည့်တဲ့အခါမှာ အ​ထောက်အကူဖြစ်​စေမယ့် အချက်အလက်​​လေး​တွေပါပဲ။

​နောက်တစ်ခု ​ပြောရရင် ဇာတ်လမ်းနာမည်​မှာပါတဲ့ terms ပေါ့။ Red Flag အလံနီကဘာလဲဆိုရင်​တော့ ခု​ခေတ်က​လေး​တွေကြားမှာ ​ခေတ်စားတဲ့ဗန်းစကားတစ်ခုပါပဲ။ သူတစ်ပါး​ရော ကိုယ်တိုင်နာကျင်မှာကိုပါမ​​တွေး​ပေးတတ်ဘဲ ကိုယ့်စိတ်အတိုင်းလွှမ်းမိုးချုပ်ကိုင်လိုတဲ့အကျင့်စရိုက်ရှိသူ​တွေကို အလံနီ​တွေလို့​ခေါ်ကြပါတယ်။ ဆန့်ကျင်ဘက်အ​နေနဲ့ သူတစ်ပါးကို​တွေး​ပေးတတ်၊ နားလည်​ပေးတတ်ပြီး ကြင်နာ​နွေး​ထွေးတဲ့လူ​တွေကို​တော့ အလံစိမ်း Green Flag လို့​ခေါ်ကြပါတယ်။ တစ်ချို့တစ်​လေမှာ​တော့ အကျင့်စရိုက်နှစ်မျိုးလုံး​ရောပြွန်း​တွေ့ရတဲ့အခါ နီစိမ်း​ရောတဲ့ ဖရဲသီးလို့လည်း စ​နောက်ကြပါ​သေးတယ်။ ဒါက ဖန်ဂဲလ်​လောကနဲ့မနီးစပ်သူ​တွေ ဇာတ်လမ်းဖတ်တဲ့အခါ ရင်းနှီးသွား​အောင် ​ပြောပြ​ပေးတာပါ​နော်။