Falling In Love With The Red Flag Guy

10

"တစ်​ယောက်ထဲ ဘယ်လိုဖြစ်လို့ ဒီဘက်ထိ ​ရောက်လာရတာလဲ"

ကိုဦး​ဆောင်အ​မေးကို အပြုံးဖြင့်သာတုန့်ပြန်လိုက်ရသည်။ ခင်မင်လာကြတာလည်းနှစ်​တွေကြာပြီဖြစ်လို့ သူက မိုး​သောက်အပြုံးကို အဓိပ္ပါယ်နားလည်စွာဖြင့် နှုတ်ဆိတ်သွား၏။ မိုးဖွဲဖွဲဟာ ကားအလင်းမီးတို့​အောက်မှာ ​ဝေဝါးစွာ။ အချိန်လက်တံတို့က ကိန်းဂဏန်းအမြင့်တို့ဘက်​ရွေ့လျားပြီးဖြစ်လို့ ညဟာအ​မှောင်ထုထဲ လုံးလုံးလျားလျားကျ​ရောက်ပြီးချိန်လည်းဖြစ်သည်။

"မိုး​သောက် အဲ့မှာရှိ​နေတယ်​ပြော​တော့ အစ်ကိုနဲဲ သီဟလည်း ပြန်​တော့မယ့်အချိန်​လေ"

"ကျွန်​တော့်​ကြောင့် သပ်သပ်ကြီးလာလိုက်ရပြီဗျာ"

"မဟုတ်တာ။ အစ်ကို ​ပြောချင်တာက အချိန်ကွက်တိဖြစ်သွားတယ်လို့ပါ။ အစ်ကိုတို့က အားနာ​နေရမယ့်လူ​တွေ မဟုတ်ဘူးမလား။ အစ်ကိုသာ ဒီလိုအ​ခြေအ​နေဆိုရင်လည်း က​လေး​လေး လာ​ခေါ်​ပေးမှာပဲ​လေ"

"ကျွန်​တော့်အိမ်ပြန်ဖို့က မိုးအရမ်းချုပ်ရင် ကားကြပ်တယ်​လေ။ အစ်ကို့ဆီ grab ​တော့ လွှတ်​ပေးနိုင်မှာပါ"

မိုး​သောက်စကားကို တဟားဟားဖြင့် အားရပါးရရယ်၏။

"တအား ပြတ်သားတာ​နော်။ ဒီဦး​လေးကြီးကို နည်းနည်းမှ မညှာဘူး ရှယ်ဖဲ့တာဗျာ။ မိုး​သောက်​ရောင်နီက ဂျစ်တူး​လေးပဲ"

မိုး​သောက် သူနဲ့လိုက်ရယ်​နေရင်း ​မျက်နှာလွှဲလိုက်ရသည်။ အ​ခေါ်အ​ဝေါ်​တွေဟာ မိုး​သောက် အာရုံထဲ ​​​​ပြေးလွှားခုန်​ပေါက်​နေကြသလိုပင်။ ည​ခင်းတစ်ခုထဲ​အောက်မှာပဲ ပုဇွန်​တောင်မှာရှိခဲ့သည့်တစ်​​ယောက်ဟာ မိုး​သောက်ကို ဂျစ်တူးလို့ စွပ်စွဲခဲ့ပြီး အိမ်ပြန်လိုက်ပို့​နေသည့် ​နောက်တစ်​ယောက်ဟာလည်း မိုး​သောက်ကို ဤအ​ခေါ်အ​ဝေါ်နဲ့ပဲ ကျီစယ်​နေရင်း။ ရည်ညွှန်းရာ စိတ်ထားနှင့်ခိုင်းနှိုင်းသုံးစွဲရခြင်း ရည်ရွယ်ချက်မှာကွဲပြား​သလို အပြုသ​ဘော​ဆောင်ခြင်းနှင့် အပြုသ​ဘောမဟုတ်ခြင်းမှာလည်း ခြားနားစွာပင်။ မတူညီတဲ့ ဒီလူနှစ်​ယောက်ရဲ့ အပြုံးတို့ဟာလည်း အနက်အဓိပ္ပါယ်တို့ နည်းနည်း​လေးမှ မသက်ဆိုင်ကြပါဘဲ။ ငြိမ်သွားတဲ့ မိုး​သောက်ကို ငဲ့ကြည့်ပြုံးတဲ့ ကိုဦး​ဆောင်ကို မိုး​သောက် သတိမထားမိဘဲ မရှိပါ။