Falling In Love With The Red Flag Guy

33

မိုး​သောက်ကိုကားထဲထိုးထည့်​မောင်းထွက်လာပြီး ရပ်ပစ်လိုက်သည့်​နေရာက ကန်​တော်ကြီးပတ်လမ်းမှာဖြစ်သည်။ ​ထွက်​ပေါက်နှင့်အလှမ်းမ​ဝေး​တော့သည့်​နေရာဖြစ်ကာ ကားရပ်လိုက်ဖို့အဆင်သင့်​နေ၏။ ကုက္ကိုပင်​တွေအုပ်ဆိုင်း​နေတာက ည​နေခင်းအ​မှောင်ထုကို အားဖြည့်​နေကြသည်။ ကား​ပေါ်ကဆင်းသွားပြီး ခါး​ထောက်မတ်တပ်ရပ်လျက် ​ကျော​ပေးထားသည့်ပုခုံး​ပေါ်မှာ ​ဒေါသ​တွေခုန်​ပေါက်​နေကြသည်ထင်။ မိုး​သောက်လည်း ကား​ပေါ်ကဆင်းလိုက်​ပေမယ့် သူ့အနား တိုးမသွားဖြစ်။

မိုး​သောက်ဆီလှမ်းလာသည့်​ခြေလှမ်းတို့ဟာ တစ်စုံတစ်ခုကိုနင်း​ခြေဖျက်ဆီးပစ်ချင်​နေပုံနှင့်ပင် တူ​နေ​လေသည်။

"ဘာဖြစ်​နေလဲ​မေး​တော့ မ​ပြောဘူး။ စိတ်မရှည်ဖြစ်​တော့ မင်းကိုကွက်ပြီး မကြည်လင်ဘူးဖြစ်ရတယ်။ ငါ ဒီ​လောက်စိတ်ရှည်လက်ရှည်နဲ့ ​ဒေါသထွက်​နေတာ မင်းပဲရှိတာ​နော် မိုး​သောက်​ရောင်နီ"

"အ​ရေးမကြီးတဲ့ကိစ္စ​တွေမလို့ပါ။ ကိုသားငယ် စိတ်ထဲထည့်စရာမလိုပါဘူး"

"အ​ရေးကြီးမကြီးကို ငါဆုံးဖြတ်မယ်"

ဘာဆိုင်လို့လဲ ထပ်​မေးရင် သူ့​ဒေါသ​တွေအဓွန့်ရှည်တည်တံ့ရဦးမည်။ ခံစားချက်မပါ​ကြေးလို့ သတ်မှတ်ထားမိကြသည့်စကား​တွေဟာ သည်​နေရာတစ်ခုမှာပဲ ​ဝေ့လည်​နေကြကာ လက်​တွေ့​ကိုမသိကျိုးကျွံပြုချင်​နေမိကြတာပါပဲ။ ဒီထပ်ပိုပြီးလည်း မဆုတ်သာမတိုးသာအ​ခြေအ​နေမှာ ရပ်မ​နေချင်။ သူ ဘာ​တွေ​တွေး​နေသလဲ သိလိုရင်းကို ​မေးမှဖြစ်​တော့မည်။

ကားကိုမှီထားရင်ပဲ မိုး​သောက် သူ့ကိုမျက်နှာလွှဲလိုက်မိကာ...

"ဒီ​နေ့ ရတီမြင့်မိုရ်နဲ့ ​တွေ့ခဲ့တယ်"

"ဟွန်း သူကလာ​တွေ့တာပဲ​နေမှာ​ပေါ့"

"ကိုသားငယ် သူနဲ့တကယ်လက်ထပ်မလို့လား"

"​ပြောပြီးပြီ​လေ မိဘကစီစဥ်ရင်​တော့ ဘယ်တတ်နိုင်မလဲလို့"

"ကျွန်​တော် စီစဥ်​ပေး​နေတဲ့အချိန်တုန်းကကျ ကိုသားငယ် ဘာ​ပြောခဲ့လဲ။ အိမ်​ထောင်​ရေးဆိုတာ တကယ်လက်ထပ်လိုက်မယ့်အချိန်မှစတာဆို။ အ​​ပေါ်ယံနဲ့ချည်ထားတဲ့ရုပ်ဒြပ်​တွေနဲ့ပဲ လူတစ်​ယောက်ကို ​ပေါင်းသင်းသွားဖို့ မဖြစ်နိုင်ဘူးလို့ ကိုသားငယ်ပဲ​ပြောခဲ့တာ"