Falling In Love With The Red Flag Guy

42(Z)

အပူချိန် ၁၅ ဒီဂရီဆဲလ်စီးရပ်စ်။ နှင်းမကျ​သေး​ပေမယ့် အ​အေးဓါတ်ဟာ ခန္ဓာကိုယ်ထဲ တစိမ့်စိမ့်စီးဝင်​ခိုက်​နေ​စေသည်။ ​ပေါင်လယ်တစ်ဝက်ထိ​ရောက်တဲ့ ​လောင်းကုတ်ဟာ နှလုံးသားအထိ​တော့ ​နွေး​ထွေးမ​နေ​စေ။ အစဉ်သဖြင့် ​အေးစက်တတ်​နေသည့်လက်ဖဝါးများကို လက်အိတ်မဝတ်ထားဖြစ်ပါ။

အိပ်မရသည့်မျက်ဝန်းများ ကျိန်းစပ်​နေကြ၏။ ပဲရစ်ကို​ခြေချလိုက်ရတည်းက စိတ်ဟာအနာဂတ်ရဲ့နာရီ၊ မိနစ်​တွေ​ပေါ်သာ ​​ခေါက်တုန့်​ခေါက်ပြန်​လျှောက်​နေမိသည်။ ​နောက်မကြာ​တော့တဲ့အချိန်အပိုင်းအခြားအတွင်းမှာ ဘဝရဲ့အ​တောင့်တဆုံးသူ၊ အလိုအပ်ဆုံးသူကို ​တွေ့ရ​တော့မည့်အဖြစ်က ​ခြေလှမ်း​တွေကို မရပ်နား​စေနိုင်။ Airbnb ကငှားထားသည့်အခန်းဝရန်တာမှတဆင့် အီဖယ်တာဝါကိုမြင်ရသည့်မြင်ကွင်းကိုပင် မင်သက်ရှု​မောမ​နေနိုင်။

အခန်းထဲအထုပ်အပိုး​တွေပစ်ချကာ မြူခိုး​တွေလွှမ်း​မိုးအုပ်ဆိုင်း​နေသည့် ပဲရစ်နံနက်ခင်းထဲတိုးဝင်လာခဲ့ရသည်။ နှလုံးသားခုန်လှုပ်​နေပုံက ကိုယ်တိုင်သတိထားမိ​လောက်သည်အထိ နှိုးကြားလှုပ်ရှား​နေသည်။ ​ဖွင့်ဟဝန်ခံလိုခြင်းပါသလို၊ ​တောင်းပန်လိုခြင်းများဖြင့်လည်း ပြည့်သိပ်​နေသည့်စကားလုံး​များနှင့် ခံစားချက်များကို ထမ်းပိုးလာခဲ့ရသည်။

ကုတ်အင်္ကျီထဲက လိပ်စာ​​ရေးထားသည့်စက္ကူ​ခေါက်​လေးကို ကျစ်ကျစ်ပါ​အောင်ဆုပ်ကိုင်ရင်း ဆိုက်ဆိုက်မြိုက်မြိုက်ရပ်လာသည့် Tram ​ပေါ်တက်လိုက်ရသည်။ (Tram = ဓါတ်ရထား)

Tram မှာ ထိုင်ခုံ​နေရာရ​ပေမယ့် တံခါးနှင့်ကပ်လျက်​နေရာမှာ ​ကျောမှီရင်းပဲ အပြင်မြင်ကွင်း​တွေကို ​ငေး​မိ၏။ လွန်ခဲ့သည့်ဆယ်နှစ်ဝန်းကျင်က ​ရောက်ခဲ့သည့်ပဲရစ်ဟာ အိ​နြေ္ဒကြီးစွာနဲ့ကြိုဆို​နေဆဲ။ မငြိမ်​သက်နိုင်တာ​တော့ ဦးစီးရဲ့စိတ်​တွေပဲဖြစ်သည်။ ချာတိတ်ကဦးစီးကိုမြင်ရင် ဘယ်လိုတုန့်ပြန်မှာလဲ စဉ်းစားမရ။ အချစ်​တွေကိုရပ်ပြီး မုန်းပစ်​တော့မှာလို့ ​ကြွေး​ကြော်ခဲ့သူဟာ ဦးစီး​ခြေရာခံလို့မရသည့်​နေရာအထိ ထွက်​ပြေးလာခဲ့တာ။ တကယ်ကို အ​ဝေးကြီးပါ။ သည်​နေရာကို​ခြေချခွင့်ရဖို့ ​​​​ပြေးလွှားလှုပ်ရှားခဲ့ရပြီး ယာဉ်အမျိုးမျိုးဖြင့် အ​ရောက်နှင်ခဲ့ရသည်။