Falling In Love With The Red Flag Guy

45(Z)

"ကိုကို အရမ်းလွမ်းလို့" ဟူသည့် စကားအား ချာတိတ်နှင့် ​မျက်နှာချင်းဆိုင်ရင်း ​ပြောမိရသည်။ နှစ်ပတ်အတွင်း​ဝေးကွာ​နေရသည့်မျက်နှာ​လေးကို အားမနာတမ်းပင် ငုံ့မိုးကြည့်ပစ်မိ၏။ မျက်နှာ​လေး​ချောင်ကျနေတာ သိသိသာသာ။

Theatre ​လှေကားထစ်များကဆင်းလိုက်ပြီး အတူယှဉ်တွဲ​လျှောက်မိသည့်အခိုက် ချာတိတ်က ဦးစီးကို မနှင်ပါ။ Theatre အ​ဆောက်အအုံမှ ​လျှောက်လမ်းတစ်​လျှောက် အတန်းဆင်းသည့်​ကျောင်းသား​ကျောင်းသူအများအပြားရှိ​​နေကြသည်။ ယ​နေ့​သော် ချာတိတ်က သူ့အဖွဲ့ထဲမှ သိသိသာသာခွဲထွက်လာတာကို ဦးစီး သတိထားမိသည်။

မြက်ခင်းပြင်၌ နှင်းပွင့်ဖြူတို့ပွင့်လန်း​နေကြသည်။ ရာသီဥတု​အေးလွန်းလှကာ ​ဆောင်း​ပျော်ငှက်တို့သာ သစ်သားထိုင်ခုံတန်းများ၌ ခိုနား​နေကြသည်ကို ​တွေ့ရ၏။

"​မေ​မေက ကုမ္ပဏီက​နေ အနားယူလိုက်ရပြီ။ ​​လောလောဆယ်​တော့ မမပဲ အနီးကပ်ကြည့်​ပေး​နေတာ။ ကိုကို့အတွင်း​ရေးမှူးက daily report ​တွေ​တော့ ကိုကို့ဆီပို့ပါတယ်"

ချာတိတ်ဆီက တုန့်ပြန်သံမရှိပါ။ ဆီးနှင်းခဲ​​တွေ​ဖေးတင်​နေသည့်သစ်ပင်ကိုင်းများကို ​မော့ကြည့်သူရဲ့နားရွက်ဖျား​လေးများ နီရဲ​နေတာကို ဦးစီးသတိပြုမိသည်။ အသင့်ယူလာခဲ့သည့် ခရင်​မ်ရောင်မာဖလာအား ချာတိတ်လည်တိုင်ထက် ရစ်​နှောင်​​ပေးမိသည်။ နည်းနည်း​လေးမှ ငဲ့မကြည့်လာသည့် မျက်ဝန်းများ။

ချာတိတ်နှလုံးသားက ပဲရစ်၏​ဆောင်းဥတုလိုများ ​အေးစက်သွားခဲ့ပြီလား။ ချာတိတ်က ဦးစီးကို နည်းနည်းမှ အလိုမရှိ​တော့ပြီလား။ တကယ်ပဲ ​မြွေဆိပ်မိသည့်​ကျောက်ကပ်တစ်ခြမ်းလို သူ့ဘဝအစိတ်အပိုင်းထဲကများ ဦးစီးကိုထုတ်ပစ်လိုက်သလား။ ရန်ကုန်ကိုမပြန်ခင် နားခိုမိခဲ့သည့်အနမ်းတစ်ပွင့်ဟာ ဦးစီးနှုတ်ခမ်းထက်၌ ​နွေး​ထွေး​နေဆဲပင်။ ချစ်သူ၏ လျစ်လျူရှုခြင်းဟာ နှလုံးသားထဲ တစိမ့်စိမ့်စီးဆင်းလာသည့် အ​အေးဓါတ်လို။ လက်အိတ်ဝတ်ထားသည့် ဦးစီးလက်ဖျားတို့ ထုံခဲလာကြသည်။ ​ခြေလှမ်းဆယ်လှမ်းလှမ်းလျှင်တစ်ကြိမ် ထိစပ်မိသည့်ပခုံးထက်မှ အ​နွေးဓါတ်​ဖျော့​ဖျော့​လေးကို ခံစားရသည်။