Falling In Love With The Red Flag Guy

20

"​ကျော်စွာ​ရော၊ သူ​ရော ပါတယ် အင်း...။ ​နေ့လယ်စာချိန်​ရောက်​​နေပြီဆို​တော့ တစ်ခါတည်းဝင်​ကျွေးလိုက်တာ"

စွပ်ပြုတ်အိုးနဲ့အလုပ်ရှုပ်​နေသည့် ကို​ကျော်စွာပင် ငြိမ်သက်သွားသည်။ ပိုင်ပိုင်က ခက်ရင်း​လေးကိုကိုက်လျက်သား။ ဖုန်း​ပြော​နေသူက မျက်ခုံးတန်း​တွေတွန့်ကုတ်သွားတာနဲ့ မိုး​သောက်ပါ မဆီမဆိုင် မလှုပ်ရဲ​တော့ပါ။ သူဖုန်းချလိုက်တာနဲ့ ပိုင်ပိုင်က သူ့လက်​မောင်းကိုကိုင်လှုပ်ရင်း...

"​မေ​မေလား ဖွားဖွားလား ဦးသားငယ်"

"ပိုင်ပိုင့်​​မေ​မေပါ။ ​​နေ့လယ်စာစား​နေပြီဆို​တော့ ​အေး​ဆေးတဲ့။ အပြန်ကျ ဦးဦးမိုး​သောက်ကိုပါ အိမ်​ခေါ်ခဲ့ဖို့မှာ​နေတာ"

ဟင်!

မိုး​သောက်ရဲ့အာ​မေဍိတ်သံက နှုတ်ကထွက်မသွားပါ။ မိုး​သောက်ကားက သူတို့အိမ်မှာကျန်ခဲ့တာဆို​တော့ သူတို့နဲ့အိမ်ပြန်လိုက်ရမှာ ​သေချာ​ပေါက်ကို ​ခေါ်ခဲ့ဖို့ထပ်မှာရသည့် အ​ကြောင်းအရင်းအတွက် မိုး​သောက် စဥ်းစားရကြပ်သွားသည်။ ​ပြောရရင် မိုး​သောက်က သူတို့တူဝရီး ပတ်​ပြေးတဲ့ကိစ္စမှာ ကြံရာပါဖြစ်​နေသည်မလား။

"ငါ​တော့ ပြန်​တော့မယ် ​ဟေ့​​​ရောင်။ ကားယူလာရင် မင်းအိမ်ပြန်လိုက်​နေရမှာသိလို့ တက္ကစီနဲ့ပဲလာလိုက်တာ မှန်သွားတယ်။ ညီ​လေး မိုး​သောက်​တော့ ကြားညပ်ဦးမယ်"

သူ ကိုယ်တိုင်ကိုယ်ကျ အလှူလာဖိတ်ခဲ့တာကို​တောင် မိုး​သောက် သံသယဝင်သွားရသည်။ ရတီမြင့်မိုရ်ကိုပါ ဖိတ်ခဲ့ပါသည်ဆိုတာကလည်း အိမ်ကိုအပါ​ခေါိရုံသပ်သပ်နဲ့ သူကကျ အိမ်ကလှည့်ထွက်လာမှ​တော့ ဘာ​တွေက အရာ​ရောက်သွားပါဦးမလဲ။

"ဦးသားငယ်ကို ဦးချပါတယ်။ ဒါက ဦး​ကျော်စွာနဲ့ ဦးဦးမိုး​သောက်အတွက်"

"သိုင်းကျူးပါဗျာ"

လူကြီး​တွေမနှိုက်ကြ​သေးတဲ့ ပုဇွန်တန်ပူရာ​ကြော်ကို သူ့ဦးသားငယ်ကို ဦးချပြီး ကို​ကျော်စွာနဲ့ မိုး​သောက်ကိုပင်မကျန်ခဲ့​စေရ။ ကို​ကျော်စွာက လက်သီးဆုပ်ပြီး​ရှေ့တိုးလိုက်​တော့ ပိုင်ပိုင်ကလည်း ကို​ကျော်စွာ့လက်သီးကို သူ့လက်သီးနဲ့တိုက်သည်။ မိုး​​သောက် ​ကျေးဇူးတင်စွာပြုံးပြလိုက်​တာကိုလည်း အပြုံး​အေး​အေး​လေးဖြင့် ​ခေါင်းညိတ်ပြသည်မှာ လူကြီး​လေးအလား။ လူရိပ်လူ​ခြေကြည့်တတ်ပုံနှင့် လူမှုဆက်ဆံ​​ရေးပြေပြစ်ပုံက​တော့ သူ့ဦးသားငယ်​ခြေရာကိုနင်း​နေသည့်အတိုင်း။