Falling In Love With The Red Flag Guy

28

"အန်တီ​နောက်ကျသွားသလားကွယ်။ ဒါ​ကြောင့် သားနဲ့​နေ့လယ်စာချိန်ချိန်းချင်တာ"

"​ကျွန်​တော်ရောက်တာလည်း ၁၀မိနစ်​လောက်ပဲရှိပါ​သေးတယ် အန်တီ။ အားမနာပါနဲ့"

"ရုတ်တရတ်လည်းဖြစ်၊ သီးသန့်လည်း​တွေ့ချင်တာဆို​တော့ ကိစ္စထူးပြီထင်တယ်"

​Sule ShangriLa ရဲ့ သီးသန့်ခန်းအထိစီစဥ်ပြီး ​တွေ့ဆုံမှုကို အန်တီက မင်္ဂလာသတင်းထင်ပုံရသည်။ မိုး​သောက် ​တွေ့ဖို့ချိန်းလိုက်တာကိုပင် ​နေ့လယ်စာစားရင်း၊ စကား​ပြောရင်း ​တွေ့ကြမည်ဆိုလို့ ငြင်းခဲ့ရ၏။ စား​သောက်​ပြောဆိုရင်း စိတ်​အေးလက်​အေးရှိနိုင်မည့်အ​ကြောင်းအရာများ ဖြစ်မ​နေကြ။ မျက်နှာချင်းဆိုင်မှာ ဝင်ထိုင်လာတဲ့ အန်တီခိုင့်မျက်ဆံနက်ထဲ မိုး​သောက် ကိုယ့်ကိုယ်ကိုယ် ပြန်မြင်​နေရသည်။

ကမ္ဘာကြီး​ပေါ်က​လေးလံမှု​တွေကို စနစ်တကျတွဲချုပ်ပြီး ရင်ဘတ်ထဲထည့်ထားရသည့် ခံစားချက်မျိုးဖြင့် မိုး​သောက်ထိုင်​နေရခြင်းဖြစ်သည်။ အန်တီခိုင်နှင့် ပထမဆုံးအကြိမ်​တွေ့တုန်းက ရှိခဲ့သည့် ယုံကြည်ချက်မှာ ဓါးသွားနှင့်ဆန့်ကျင်ဘက်လိုပင်။ ယုံကြည်ချက်ဟာ ရှိ​နေဆဲ​ပေမယ့် တန်ဖိုးခြင်းမတူ​တော့ပါ။ ပထမအကြိမ်ရှိခဲ့သည့်ယုံကြည်ချက်မှာ ​အောင်မြင်မှုဖြစ်ပြီး ယခုအကြိမ်ရှိ​နေသည့်ယုံကြည်ချက်မှာ လက်လွှတ်အဆုံးရှုံးခံမှုဖြစ်သည်။ ဒါဟာ ဘဝရဲ့ပထမဆုံး ရှုံးနိမ့်မှုဖြစ်​ပေမယ့် တစ်ပါးသူက ထိုးသိပ်ထည့်​ပေးလာသည့်အရာမဟုတ်။ မိုး​သောက်ကိုယ်တိုင် ​ကျေ​ကျေနပ်နပ်လက်ခံယူမည့် ကျရှုံးမှု။
ချိန်ခွင်လျှာ​ပေါ်တစ်ဖက်​ပေါ်ပစ်တင်ထားသည့် ဤကျရှုံးမှုဟာ လူသားတစ်ဦးရဲ့လွတ်လပ်မှု၊ ပေါ့ပါးမှုတို့နှင့် ဆတူညီမျှ​နေပါသည်ဆိုကာမှ မိုး​​သောက်ဟာ ​အောင်မြင်မှု​တွေကိုစ​တေးပစ်ဖို့ ဘယ်လိုတွန့်ဆုတ်မှုမှ ရှိမ​နေ။ စိုးရိမ်ပူပန်တာဆိုလို့ သည်လိုသည်အ​ကြောင်း​တွေကို အန်တီတင်တင်ခိုင် အလွယ်တကူလက်ခံ၊ မခံပဲရှိသည်။ သားဖြစ်သူရဲ့ ငယ်ဘဝအက်​ကြောင်းတစ်ခုလုံးကို သိ​နေတာ​တောင် မျက်လုံးဇွတ်မှိတ်ပြီး မင်္ဂလာပွဲစီစဥ်နိုင်တာ ​တော်ရုံအတ္တကြီးပုံမျိုးနဲ့မှမရဘဲ​လေ။