Falling In Love With The Red Flag Guy

21

အားကစား​ဘောင်းဘီနဲ့အင်္ကျီဝမ်းဆက်တစ်စုံက မိုး​သောက်လက်ထဲ​ရောက်လာ၏။

"အသစ်​တွေ။ gym ​ဆော့ရင်ဝတ်ဖို့ဝယ်ထားတာ။ ဒီမှာပဲ လဲလိုက်လို့ရတယ်။ ပိုင်ပိုင့်ကို လုပ်​ပေးလိုက်ဦးမယ်။ ​အေး​ဆေးသာ​နေ"

"ဟုတ်"

သူက အပြင်ထွက်သွား​တာနဲ့ အခန်းတံခါးပါပိတ်​ပေးသွားသည်။ ဒုတိယထပ်တစ်ထပ်လုံးရဲ့တစ်ဖက်တစ်ချက်စီမှာ အခန်းကျယ်ကြီးနှစ်ခန်းသာရှိသည်။ သူနဲ့ပိုင်ပိုင်က တစ်ဖက်ခန်းကိုဝင်သွားကာ မိုး​သောက်ကျန်​နေခဲ့တဲ့အခန်းက သူ့အခန်းဖြစ်လိမ့်မည်။ ​ရေစိုအဝတ်​တွေကိုအမြန်လဲလိုက်မှ မိုး​သောက် ​နွေးသွား၏။ အိပ်ခန်းထဲမှာပဲ ဧည့်ခန်းလို သီးခြားခင်းကျင်းထား​သေးသည်။ နံရံကပ်ဗီရို​တွေရဲ့တစ်ခြမ်းမှာက ဒိုင်ယာနာမင်းသမီးနဲ့ သူ့သားဟယ်ရီတို့ ​ပွေ့ဖက်စကား​ပြော​နေတဲ့ အဖြူအနက်ပုံကို နံရံတစ်ဝက်စာ​လောက်အကြီးချဲ့လို့ကပ်ထားသည်။ ပုံအ​သေး​လေး​တွေကိုစုလို့ wallpaper အကြီးတစ်ခုအဖြစ်စုစည်းထားသည့်ပုံမှာ​တော့ ချို့တဲ့​ဒေသ​တွေကို ဒိုင်ယာနာမင်းသမီး ပရဟိတသွား​ရောက်လုပ်ကိုင်ခဲ့ပုံ​တွေ။

ပုံမှန်ထက်ပိုရှည်တဲ့ စာကြည့်စားပွဲ​ပေါ်မှာ​တော့ ကမ္ဘာ့အံ့ဖွယ်ဆယ်ခုကို ပုံစံငယ်​လေး​တွေလုပ်ပြီးတင်ထားသည်။ ပြီး​တော့ သူတစ်ခါမိုး​သောက်ကို ဆွဲ​ပေးခဲ့ဖူးသည့် ကာရိုက်တာအရုပ်က​လေးကို standee ထုတ်ထားတာ​လေး​တွေလည်း မနည်းမ​နော။ စားပွဲ​ဘေးမှာ​တော့ မတ်တပ်ရပ် stand တစ်ခုနဲ့တင်ထားသည့် digital drawing tablet ​တွေလည်း​တွေ့ရသည်။

သူက Golden Gate တံတားကိုဘယ်​လောက်ကြိုက်နှစ်သက်သည်မသိပါ။ ကုတင်​ဘေးစားပွဲမှာ Golden Gate တံတားနီနီရဲ့ပုံစံငယ်​နောက်တစ်ခုရှိသည်။ ကုတင်​ဘေးလွတ်​နေသည့် နံရံတစ်ခြမ်းမှာ​တော့ ​နောက်ခံ ​နေရာမျိုးစုံမှာ ပုံစံအမျိုးမျိုးနဲ့သူ့ဓါတ်ပုံ​တွေကို သံလိုက်အ​သေး​လေး​တွေဖြင့် ကပ်ထား​လေသည်။

သူ့ ပရိုဖိုင်မှာ အကြိုက်ဆုံးအ​ရောင်က အနက်​ရောင်ဟု ဖြည့်ထားခဲ့သည်။ သူ့အခန်းမှာ​တော့ အနက်​ရောင်မရှိပါ။ အခန်းနံရံကိုပင် ငုဝါပွင့်ဖပ်လိုဝါဝါ​ဖျော့​ဖျော့က​လေးသုတ်ထား၏။ ပရိ​ဘောဂ​တွေဟာ သဘာဝဆန်သည့်သစ်သား​ရောင်များဖြစ်ကြသည်။