Falling In Love With The Red Flag Guy

38

"ကိုကို ဖက်ထားဦးမယ်ကွာ..."

ရင်ထဲကိုဆွဲယူ​ပွေ့ဖက်လိုက်​ပေမယ့် အ​နွေးဓါတ်ပါမလာ။ ပြီး​တော့ ပြန်လည်​ထွေးဖက်တတ်သည့် အထိအ​တွေ့​တွေ။ ကျိန်းစက်​နေသည့် မျက်လုံးတို့က ကျဥ်စက်တို့ခံလိုက်ရသလို ဖျက်ခနဲ ပွင့်လာရသည်။ ရင်ခွင်ထဲကျစ်​နေ​အောင် ဖက်ထားမိသည့် ​ခေါင်းအုံးကို စိတ်ပျက်လက်ပျက်နှင့် ပြန်လည်တွန်းထုတ်လိုက်မိသည်။

မ​တွေ့ရတာ ၂၄ နာရီမပြည့်​သေး​ပေမယ့် ရင်ထဲမှာ တမ်းတမ်းတတရှိ​နေ၏။ ရှုပ်ပွ​နေသည့် ဆံပင်​လေး​တွေနဲ့ ရင်ခွင်​ပေါ် ​မျက်နှာနုနုဖေးတင်အိပ်တတ်သူ။ အပြစ်ကင်းစွာ အိပ်​မောကျ​နေတတ်သူရဲ့ ခါး​တွေက အထိမခံနိုင် ယားတတ်လွန်းမှန်းသိတာ​ကြောင့် နံနက်ခင်းနိုးလာတိုင်း သူ့ကိုစတတ်တဲ့ ဦးစီးကို မငြိုငြင်တတ်သည့်လက်ဖဝါး​နွေး​နွေးများ။

မီးအိမ်တင်စားပွဲ​ပေါ်ကဖုန်းကို လှမ်းယူဆွဲပြီး ​ခေါ်ဆိုလိုက်သည့် ဆက်သွယ်မှုမှာ...

"လူကြီးမင်း​ခေါ်ဆို​သောတယ်လီဖုန်းမှာ စက်ပိတ်ထားပါတယ်ရှင်"

သက်ပြင်းချရင်း ဖုန်းကို ​ဘေးက​ခေါင်းအုံး​ပေါ် ပစ်လွှတ်လိုက်ရသည်။ နံနက်ခင်း​လေထုဟာ မှိုင်းညှို့​အေးစိမ့်​နေ၏။ မ​နေ့က မိုး​ရေတို့ရွှဲရွှဲနစ်ခဲ့သူက ​နေမှ​ကောင်းရဲ့လားမသိ။ ဦးစီးကိုယ်တိုင်​​တောင်ခေါင်း​တစ်ခုလုံး ညှပ်နဲ့အညှစ်ခံထားရသလို နာကျင်အုံခဲ​နေသည်။ ​လူကြီးမင်းနဲ့ပဲ တိုးမယ်မှန်းသိလျက်နဲ့ ဖုန်း​နောက်တစ်ကြိမ်​ခေါ်လိုက်မိသည်။ ဒါပါနဲ့ဆို ဘယ်နှကြိမ်ရှိပြီမှန်း​တောင်မသိ​တော့ပါ။

​နေ့လယ်ခင်း အစည်းအ​ဝေးတစ်ချိန်တက်ရမှာ​ဖြစ်​ပေမယ့် လူကမထချင်​သေး။ ဆက်သွယ်မှုဖြတ်တောက်ထားသည့်နံပါတ်ကိုကြည့်ရင်း
လူက​ ​လေးလံထိုင်းမှိုင်း​နေဆဲ။

"ဂျစ်တူး​..."

"ဖုန်းဖွင့်​တော့"

"​​မောနင်း ကိုကို့ က​လေး​လေး"

"စိတ်ဆိုးရင်​တောင် စကားပြန်​ပြောရမယ်​လေ သိလား"

"လွမ်းတယ်ကွ"