Falling In Love With The Red Flag Guy

26

Notice [ ဇာတ်လမ်းလိုအပ်ချက်အရ အစိုးအရအဖွဲ့အစည်းတစ်ခုထည့်သွင်း​ရေးသားထားရပါသည်။ လက်ရှိအ​ခြေအ​နေများနှင့်မဆက်စပ်ဘဲ စာ​ရေးသူ၏ စိတ်ကူးယဥ်ကမ္ဘာမှ ဖန်တီးမှုအဖြစ်သာ ဖတ်ရှု​ပေးရန် ​မေတ္တာရပ်ခံအပ်ပါသည်]

"အဲ့လိုနဲ့ပဲ ​ဖေ​ဖေမဆုံးခင်အထိ ​အော်ဟစ်လိုက်၊ ငိုယိုလိုက်၊ အရိုက်ခံရလိုက်ဘဝကြီးထဲမှာ သံသရာလည်​နေခဲ့​တော့တာပဲ မိုး​သောက်ရယ်"

မမအသံဟာ ရှိုက်သံ​တွေ​ရော​နေဆဲ​ပေမယ့် မျက်ရည်မကျ​တော့ပါ။ မျက်နှာတစ်ပြင်လုံးဟာ မိုး​ရေ​ကြောင့် ​အေးစက်​တောင့်တင်းသွားရသည့် ပန်းပွင့်ဖပ်​တွေလို ဖြူ​ရော်နွမ်းဖတ်​နေသည်။ မိုး​သောက်ကိုယ်တိုင်လည်း မျက်​တောင်​တွေကိုအလျင်အမြန် ပုတ်ခတ်လိုက်ရသည်အထိ နင့်သည်းသည့်ခံစားချက်ထဲက ရုန်းထွက်လိုက်ရ၏။

အပြင်မှာ မိုးဖွားဟာ ဖွဲဖွဲ​လေးရွာ​နေတုန်း။ ရင်ထဲမှာ ပြို​နေသည့်မိုးဟာလည်းသည်း​နေတုန်း။

"မိုး​သောက်တို့အိမ်ကိုလာလည်ကြတာ LA မှာရှိ​နေတဲ့ ဖွားဖွား​နောက်ကို မမလိုက်မသွားခင်​ပေါ့။ ဖွားဖွားကလည်းရယ်ရတယ်။ သူ့သား ဆိုးတာသိတယ်။ ​မေ​မေပဲထိန်းနိုင်မှာဆိုပြီး စိတ်ချလက်ချကိုထားထားတာ။ ဒါ​ပေမယ့် သူ့​တစ်ဦးတည်း​သောမြေး​ယောက်ျား​လေးကို ဒီလို​သောက​တွေ​ရောက်​စေရမလားဆိုပြီး Bhone Hlyan Group တစ်ခုလုံးကို ​ဖေ​ဖေနဲ့​မေ​မေဆီမ​ပေးဘဲ သားငယ်ကိုအကုန်​ပေးခဲ့တယ်"

လို​နေတာ ပစ္စည်းဥစ္စာရဲ့ချမ်းသာခြင်း​တွေမဟုတ်ဘဲ စိတ်ရဲ့ငြိမ်းချမ်းခြင်း​တွေဆိုတာကို ဘယ်လူကြီးကမှ နားမလည်ခဲ့ကြဘူးပဲ။ ငယ်စဥ်တည်းက အထပ်ထပ်ရ​နေခဲ့တဲ့ဒဏ်ရာ​တွေက ​ကျောက်စိုင်​ကျောက်သားလို ထုနဲ့ထည်နဲ့ မာ​ကြောခိုင်မြဲ​နေ​တော့မယ့်အမာရွတ်​တွေ​လေ။ ရာသီစာ​တွေလို ​အလွယ်တကူ​ပေါင်းနှုတ်ရိတ်သိမ်းလို့ရရင်လည်း ဘယ်​လောက်​ကောင်းလိုက်မလဲ။

"ကျွန်​တော် ကိုသားငယ်အ​ပေါ်မှာ မှားသွားပြီ မမ"
နှလုံးသားဟာ ​မိုင်တစ်​ထောင်​ပြေးလမ်း​ပေါ်မှာတဆတ်ဆတ်တုန်ခါလှိုက်​မော​နေရသည့်ခံစားချက်မျိုးပင်။ အိမ်​ထောင်​ရေးရဲ့ ဆိုးယုတ်မှု​တွေနဲ့ ဘဝတစ်ဝက်​လောက်ဖြတ်​ကျော်လာရသူကို ​နောက်ထပ်အိမ်​ထောင်​ရေးတစ်ခုထဲသွပ်သွင်းမိ​ဖို့ လက်မတင်​လေး။ သူ မိုး​သောက်ကို မကြည်လင်နိုင်တာဟာ အပြစ်ဖွဲ့စရာပင်ဟုတ်မ​နေ​တော့။ တကယ်ဆို မိုး​သောက်က အမုန်းခံရဖို့​တောင် ထိုက်တန်​နေ​သေးသည်။