Falling In Love With The Red Flag Guy

18

သူ့​ဘေးမှာချန်ထားတဲ့​နေရာလွတ်ကိုကြည့်ပြီး မိုး​သောက် စိတ်​တော့​အေးသွားရသည်။ မိုးသည်းလွန်းလို့ပဲ မရတီမြင့်မိုရ် အ​ရောက်​နောက်ကျခြင်းဖြစ်လိမ့်မည်။ မိုး​သောက် ထွက်လာ​တော့ပဲ ဒီ​နေ့ချိန်းဆိုထားကြ​ကြောင်း ​သေချာအတည်ပြုခဲ့တာပဲ​လေ။

​နေရာက စုံတွဲခုံများရဲ့​ရှေ့ကပ်လျက်မှာပဲဖြစ်သည်။ ကိုလာဘူးကိုထိုင်ခုံအံကွက်​လေးထဲ ထည့်ပြီး​တော့ ​ပေါက်​ပေါက်ဘူးကို မိုး​သောက်ပဲပိုက်ထားရသည်။ ငါးမိနစ်လိုပါ​သေးတယ်လို့ သူ​ပြောခဲ့​ပေမယ့် မိုးသောက်တို့ထိုင်လိုက်​တော့ ဇာတ်လမ်းစ​နေပြီဖြစ်သည်။ ဘာကားရယ်လို့ မိုး​သောက် မ​မေးမိသလို သူကလည်း​ပြောမလာ။ ​ညနက်ချိန်​နောက်​ဆုံးပွဲဖြစ်လို့ ​လူငယ်​တွေပင်မရှိ။ မိုး​သောက်တို့လို လူလတ်ပိုင်းအရွယ်​တွေသာ ​တွေ့ရသည်။

ပြင်ပကမိုးရဲ့အ​အေးဓါတ်နဲ့ ရုံထဲကအဲကွန်းအ​အေးဓါတ်​ပေါင်းပြီး ကြက်သီး​​မွှေးညှင်းတို့ပင်ထရသည်။ မိုး​သောက်​ခြေ​ထောက်​တွေကို ခုံ​ပေါ်​ထောင်တင်လိုက်ပြီး လူက ​နေရာမှာခပ်​လျော့​လျော့မှီချလိုက်ရသည်။ မိုး​သောက်​ဘေးရှိလူက​တော့ လက်တစ်ဖက်​တင်ပြီး ​မေး​ပင်​ထောက်ထား​သေးသည်။ သူ့ကြည့်ရတာ အ​အေးဓါတ်ကို နည်းနည်း​လေးမှမှုပုံမ​ပေါ်။

စကား​တွေချည်း​ပြော​နေတဲ့ရုပ်ရှင်ကို စိတ်မဝင်စားမိဘဲ ဟိုဟိုဒီဒီကြည့်​နေတုန်း ​နောက်ခံဇာတ်ကွက်​ပြောင်းတဲ့အသံဝုန်းကနဲ​ကြောင့် မိုး​သောက် အလန့်တကြားနဲ့ပင် ထ​အော်မိ​တော့မတက်။

"What da!"

ကိုယ့်ပါးစပ်ကိုအချိန်မီပိတ်လိုက်ရသည်။ ထောင်ထားမိတဲ့​ခြေ​ထောက်​တွေပင် ခုံ​အောက်ပြုတ်ကျသွားရ၏။ ဘာဖြစ်သွားမှန်းမသိလိုက်ဘဲ ဇာတ်​ကောင်တစ်​ယောက်က အသတ်ခံလိုက်ရသည့် ဇာတ်ဝင်ခန်းဖြစ်သည်။

"ဘာကားကြီးလဲ။ သရဲကားလား"

ပိတ်ကားဆီက အကြည့်​တွေမခွာဘဲ စိတ်ဝင်တစားဖြစ်​နေဟန်တူတဲ့လူဘက်ကို မိုးသောက် ကိုယ်ကိုတိုးပြီး ​မေးလိုက်ရခြင်းဖြစ်သည်။