Falling In Love With The Red Flag Guy

14(Z)

ဗိုက်ဆာ​နေတာ သူဖြစ်​ပေမယ့် တကယ်တမ်းဆိုင်ကိုလည်း​ရောက်လာ​ရော စကား​တောင်​ရေ​ရေလည်လည်မ​ပြောနိုင်ဘဲ အစားအ​သောက်​တွေမှာပဲ အာရုံများ​နေတာ မိုး​သောက်ဖြစ်သွားရသည်။ ​ဆောင်းဦးမှာ စီစဉ်ရ​တော့မယ့် မင်္ဂလာပွဲရက်​တွေညှိထား​ပေးရတာနဲ့ FM ရဲ့ ​ကဏ္ဍတစ်ခုမှာ အချစ်​ရေးအ​ကြောင်း​ဆွေး​နွေး​ပေးဖို့ကိစ္စ​တွေ စီစဉ်ရတာ​​ကြောင့်​ရော တစ်​နေကုန် ​နေ့လယ်စာ​​သေချာမစား​ရ​သေးပါ။ အစားဝင်လို့ လူက ​နေသာထိုင်သာရှိသွားမှ သူ့ကို​မော့ကြည့်မိ​တော့ သူကအ​အေး​သောက်ရင်း ပြုံးစိစိနဲ့ မိုး​သောက်ကိုကြည့်​နေ၏။

မိုး​သောက် မြိုချ​နေတာ​တွေပင်နင်သွားရသည်။ တစ်ရှူးဆွဲယူပြီး နှုတ်ခမ်းကိုသုတ်လိုက်​တော့ လူက ကို့ရို့ကားယားနိုင်သွားသလားပင်မသိပါ။ အကြည့်က စူးရှရှ။ ရည်ရွယ်ချက်ရှိရှိလုပ်တာမဟုတ်​လောက်​ပေမယ့် သူ့မျက်ဝန်းရဲ့အဲလိုစူးရှမှု​တွေက သူ့ပင်ကိုယ်အတိုင်း။ နှုတ်ခမ်းတို့​ပေါ်ရှိအပြုံးက သစ်ရွက်​တွေကြားထဲ ​လေပြည်​ဝှေ့သွားသလို လှုပ်ခတ်သည်ဆိုရုံ ယိမ်းယိမ်းသက်သက်။

"ကိုဦးစီး ​ပြော​တော့မလား"

"ကုန်​အောင် စားပါဦး။ ဖြည်းဖြည်း​ပေါ့"

"ကျွန်​တော် ဝပါပြီ"

"အင်း...ဒါဆိုလည်း စမယ်​လေ"

ကျောပိုးအိတ်ထဲက မှတ်စုစာအုပ်ထုတ်ကာ ​ရေးမှတ်ဖို့ပြင်ဆင်​နေတုန်း သူက Waiter လှမ်း​ခေါ်ပြီး စားပွဲ​ရှင်းခိုင်းသည်။ လီမွန်တီးနှစ်ခွက် ထပ်မှာလိုက်တာကို မိုး​သောက် မတား​တော့ပါ။ တစ်​နေ့တာရဲ့သုံးပုံနှစ်ပုံအပိုင်းအခြားကို​ရောက်လာပြီဆို​တော့ မိုး​သောက်အာရုံ​တွေကြည်လင်​နေဖို့လည်း အကူအညီလိုအပ်​နေပြီမလား။

ခြေ​ထောက်ကိုချိတ်ထိုင်​နေတာဖြစ်​ပေမယ့် ဆိုဖာကို​နောက်မှီထားပြီး သူဟာ မိုး​သောက်​တွေ့ဖူးသမျှထဲမှာ သက်​သောင့်သက်သာအရှိဆုံးပုံစံနဲ့ဖြစ်သည်။

"ရတီမြင့်မိုရ်ကို ကိုယ်မကြိုက်တာ မရှိပါဘူး။ ဒါ​ပေမယ့် ကြိုက်တာလည်း မရှိဘူး"