Ep 24
Uni+Zaw
" သခင်လေး စပ်ခေါင်ထီရာဇ် ကမင်းတွေ့ချင်တိုင်းတွေ့လို့ရတဲ့သူမဟုတ်ဘူးကွ! "
ခေါင်အာကျေးရွာအဝင် အစောင့်နှစ်ယောက်က ဒိလုံခအား အော်ဟစ်ကြိမ်းမောင်း၏။ဘယ်လောက်ပြောပြော သခင်လေးနဲ့တွေ့မယ်ပဲပြောနေသော သူအား စိတ်မရှည်ချင်တော့ပေ။
" ခင်ဗျားတို့ သခင်လေးက ကျုပ်ခွင့်ပြုချက်မရဘဲ ကျုပ်ပိုင်တဲ့ပစ္စည်းတစ်ခုကိုယူသွားတယ်။အခုပြန်တောင်းဖို့ ကျုပ်လာတာ။ "
" မဖြစ်နိုင်လိုက်တာ! ငါတို့သခင်လေးက သူများပစ္စည်းယူဖို့မပြောနဲ့ ပိုင်ရှင်မရှိရင် အစေခံရဲ့ပစ္စည်းတောင် လက်ဖျားနဲ့ထိတာမဟုတ်ဘူး။ သခင်လေး စပ်ခေါင်ထီရာဇ်ရဲ့ သိက္ခာကိုမစော်ကားနဲ့။ "
" ကျုပ်ကို အဲ့ဒီ့ သခင်လေးဆိုတဲ့သူဆီ အခုခေါ်သွားပေး။ မဟုတ်ရင် ကျုပ်ရဲ့ လိပ်ပြာပန်းပုရုပ်ကို ယူလာခဲ့ပေး။ "
" ဒီလောက်ပြောနေတာကို နားမလည်ဘူးလား! သွားစမ်း!! "
အစောင့်နှစ်ယောက်သည် ဒိလုံခအား တွန်းပစ်လိုက်သည်။မြေပြင်ပေါ်ပုံလဲကျသွားသော ဒိလုံခအတော်လေးဒေါသထွက်သွားရသည်။သို့နှင့် မြေကြီးတချို့အားလက်နှင့်ကုပ်ယူလိုက်ပြီး အစောင့်နှစ်ယောက်၏မျက်နှာအား ပက်ပြီးတိုးဝင်တိုက်ခိုက်လေသည်။
" ဟာ! ဒီကောင်အသားနာချင်ပြီနဲ့တူတယ်!! "
အစောင့်နှစ်ယောက်၏ အော်ဟစ်သံနှင့်အတူ အခြား ခေါင်အာကျေးရွာသားတချို့ပါရောက်လာပြီး ဒိလုံခအားထိုးကြိတ်ရိုက်နှက်ကြတော့သည်။
" သွား! မင်းထွက်သွားလိုက်တော့!! "
ဖူးယောင်ညိုမဲသွားသော မျက်နှာမှသွေးများစိမ့်ထွက်လာသည်။ဒေါသကြောင့် အံကြိတ်ကာ လက်သီးကိုတင်းတင်းဆုပ်မိသည်။ဟင်... သူ့လက်တွင် တစ်စုံတစ်ခုကိုခံစားမိလိုက်သည်။စူးခနဲ...ခံစားမှု။ပုံလျက်သားလဲကျနေရာမှ ဒေါသထွက်ထွက်နှင့် အံကြိတ်လက်သီးဆုပ်လိုက်ချိန် မြေကြီးထဲမှ တစ်ခုခုပါလာသည်ထင်။
အစောပိုင်းက အစောင့်နှစ်ယောက်ကိုတိုက်ခိုက်ဖို့ မြေကြီးအချို့ဆုပ်ယူခဲ့ရာ ကျန်ခဲ့သော ချိုင့်ခွက်နေရာမှ ချွန်ထက်သည့် တစ်စုံတစ်ခုပါလာပြီး ယခုသူ့လက်ကို စူးခနဲနာကျင်သွားစေသည်။လက်ဖဝါးဖြန့်လိုက်ချိန်တွင် အဖြူရောင်ပုလဲနားကပ်လေးတစ်ဖက်က သူ့လက်ဖဝါးအား ထိုးစိုက်လျှက်သားဖြစ်နေပြီး သွေးအချို့ပင်စီးကျနေလေသည်။
YOU ARE READING
သခင်ကြီးနှင့်စံအိမ်တော်
General Fictionညိုရိပ် ရဲ့ ဒုတိယမြောက် BL OC Fic လေးပါ။ အားနည်းချက်တွေရှိဦးမယ်ဆိုပေမယ့် တတ်နိုင်သလောက်ကြိုးစားရေးထားပါတယ်။ဖတ်ကြည့်ပေးကြပါဦးနော်။ ဒီ Fic လေးထဲမှာ ပါသမျှအကြောင်းအရာအားလုံးသည် ညိုရိပ် စိတ်ကူးယဥ်သက်သက်ပါ။ အပိုင်းတစ် လေးစမဖတ်ခင် Author' s Note လေးအရင်...
