(18+Warning)‼️‼️
Ep 30
Uni+Zaw
" ဘာ! ရွာပြန်သွားတယ်ဟုတ်လား "
သူ့ကိုလည်း တစ်ခွန်းမှမပြောပါဘဲ ရုတ်တရက်ကြီး ရွာပြန်သွားသည်ဆိုသောကြောင့် စပ်ခေါင်ထီရာဇ်ဒေါသထွက်မိသည်။
" ဘယ်အချိန်ထွက်သွားတာလဲ "
" ဒီမနက် အရုဏ်တက်မှာပဲ သခင်လေး "
" ဘယ်သူ့ကိုမှမပြောမဆိုနဲ့ အဲ့လိုသွားရလား။ ထီအာလေးက 'ခ' ကိုမေးနေရင်ဘယ်လိုလုပ်မှာလဲ။ "
" ထီအာလေးနဲ့ သခင်မကြီးကိုသေချာပြောသွားပါတယ် သခင်လေး "
" ဒါဆို သူ့တစ်ယောက်တည်းကိုပဲ အသိပေးမသွားတာပေါ့ ကျစ်!! "
" ဘာဖြစ်လို့ ရုတ်တရက်ကြီး ပြန်သွားရတာလဲ "
" ခခ ရဲ့ အဘအသည်းအသန်နေမကောင်းဖြစ်နေတယ်လို့ပြောပါတယ် သခင်လေး "
အဲ့လိုဆိုရင်လည်း သူကိုယ်တိုင်လိုက်ပို့မှာပေါ့။ဘယ်လိုပဲဖြစ်ဖြစ် သူဟာ 'ခ' အတွက် သာမန်ထက်အရေးပါတဲ့သူတစ်ယောက်ဖြစ်နေပြီလေ။သူနဲ့ 'ခ' ရဲ့ဆက်ဆံရေးအရ တစ်ခုခုအခက်ခဲရှိခဲ့ရင် သူ့ကိုပဲ အရင်ဦးဆုံးပြောပြရမှာမဟုတ်ဘူးလား။ကိုယ်ချစ်မြတ်နိုးရသူရဲ့ အခက်အခဲမှန်သမျှကိုအသေးအမွှားလေးကအစ ဖြေရှင်းပေးချင်တာ သူလွန်တယ်မထင်။
" ဘာများခိုင်းစရာရှိပါသေးလဲ သခင်လေး "
" ရပြီ။ သွားလို့ရပြီ။ "
အထိန်းတော်ကြီး ဒေါ်ခတ္တာလည်း စပ်ခေါင်ထီရာဇ် မျက်နှာမကောင်းမှန်းသိ၍ နေရာမှမြန်မြန်ထွက်လာလိုက်သည်။
အထိန်းတော်ကြီး ဒေါ်ခတ္တာ၏ ပြောစကားအရ နှစ်ရက်၊သုံးရက်ခန့်ကြာမည်ဆိုပေမဲ့ အခုက 'ခ' ရွာပြန်သွားတာ နှစ်ပတ်ပြည့်တော့မည်။သူနဲ့မတွေ့ချင်တော့လို့ အကြောင်းပြချက်ပေးပြီး စံအိမ်တော်ကနေ အပြီးထွက်သွားတာလား။စိုးရိမ်ပူပန်မှုက လူကိုငေါက်ခနဲထထိုင်စေသည်။
'ခ' မကြိုက်တာတစ်ခုခုလုပ်မိလေသလား။သူ့အပေါ်မကျေနပ်ချက်အစိုင်အခဲများရှိနေ၍လား။ဒါဆိုရင်လည်း သူကိုယ်တိုင်ဖြေရှင်းပြေလည်မှဖြစ်မည်။စိတ်ဆိုးနေတာရှိရင်လည်း ကျေနပ်တဲ့အထိ တောင်းပန်မည်။'ခ' သူ့အနားမှာရှိနေဖို့ စပ်ခေါင်ထီရာဇ်ဘာမဆို လုပ်မည်ဖြစ်သည်။
YOU ARE READING
သခင်ကြီးနှင့်စံအိမ်တော်
General Fictionညိုရိပ် ရဲ့ ဒုတိယမြောက် BL OC Fic လေးပါ။ အားနည်းချက်တွေရှိဦးမယ်ဆိုပေမယ့် တတ်နိုင်သလောက်ကြိုးစားရေးထားပါတယ်။ဖတ်ကြည့်ပေးကြပါဦးနော်။ ဒီ Fic လေးထဲမှာ ပါသမျှအကြောင်းအရာအားလုံးသည် ညိုရိပ် စိတ်ကူးယဥ်သက်သက်ပါ။ အပိုင်းတစ် လေးစမဖတ်ခင် Author' s Note လေးအရင်...
