Ep 29
Uni+Zaw
" ဒီလောက်များတဲ့ ပန်းချီကားတွေကိုဘယ်လိုလုပ်..... "
" စတွေ့တဲ့နေ့ကစလို့ မင်းအကြောင်းမတွေးမိတဲ့နေ့ တစ်ရက်မှမရှိဘူး။ပန်းချီမဆွဲဖြစ်တဲ့နေ့လည်း တစ်ရက်မှမရှိခဲ့ပါဘူး။ "
စပ်ခေါင်ထီရာဇ်သည် ဒိလုံခ ထံတိုးကပ်သွားလိုက်သည်။
" ကိုယ် မင်းကိုအမှန်တကယ် မေတ္တာသက်ဝင်ချစ်မိတာပါ။ယောက်ျား မိန်းမဆိုတဲ့ ပညတ်ချက်ကိုတောင် ချိုးဖျက်မိတဲ့အထိ... "
" ကိုယ့်နှလုံးသားကို ယုံကြည်ပေးပါ "
စပ်ခေါင်ထီရာဇ်၏ မျက်ဝန်းများတွင် ဒိလုံခ ပြောစရာစကားများပျောက်ဆုံးရပါ၏။နှလုံးသားတစ်ခုလုံး တဆတ်ဆတ်တုန်ကာနာကျင်ရပါ၏။
တစ်ကိုယ်လုံးသိမ်းကျုံးပွေ့ဖက်ခံလိုက်ရမှန်းသိပေမဲ့ ခုခံငြင်းဆန်ဖို့ရာလည်း မစွမ်းနိုင်တော့။
" ကိုယ့် အသက်တမျှချစ်မြတ်နိုးရပါတယ် 'ခ' ရယ်....... "
နားနားကပ်ကာ တိုးတိုးလေးရေရွတ်လိုက်သော စကားလုံးများတွင် စပ်ခေါင်ထီရာဇ်ရင်ခွင်ထဲမှနေ ဒိလုံခ မျက်လုံးတို့အသာမှိတ်လိုက်သည်။
××××××××××××
" သခင်လေးကို ချစ်ပါတယ် " ဟု နှုတ်မှဖွင့်မပြောခဲ့သော်လည်း နှစ်ဦးသားအခြေအနေသည် အရင်လိုမဟုတ်တော့ဘူးဆိုတာတော့ ဒိလုံခ သဘောပေါက်နားလည်ပါသည်။နားမလည်နိုင်တာက သူ့ကိုယ်သူပင်။ဘာ့ကြောင့် မငြင်းဆန်နိုင်ခဲ့တာလဲ။
သခင်လေးစပ်ခေါင်ထီရာဇ်သည်လည်း ယောက်ျားတစ်ယောက်။
သူသည်လည်း ယောက်ျားတစ်ယောက်။
တူညီမှု၏စည်းကိုသိနေသည့်တိုင် သခင်လေးစပ်ခေါင်ထီရာဇ်၏ ကြင်နာယုယမှုတွင် အသာတကြည်ငြိမ်သက်နေခဲ့မိသည်။
' ရွှတ် '
" !! "
ပါးပေါ်ဖြတ်ပြေးသွားသော အထိအတွေ့သည် သခင်လေး၏နှုတ်ခမ်းတစ်စုံကြောင့်ဆိုတာသိလိုက်ပြီးနောက် ဒိလုံခမျက်နှာတစ်ခုလုံး ရဲတက်သွားရသည်။မီးဖိုခန်းထဲတွင် ထီအာလေး စားဖို့အတွက် ပန်းသီးတချို့စိပ်နေတုန်း သခင်လေး၏ ရုတ်တရက်ဆန်သောအပြုအမူတွင် ဒိလုံခနည်းနည်းထိတ်လန့်သွားမိတာတော့အမှန်။
YOU ARE READING
သခင်ကြီးနှင့်စံအိမ်တော်
General Fictionညိုရိပ် ရဲ့ ဒုတိယမြောက် BL OC Fic လေးပါ။ အားနည်းချက်တွေရှိဦးမယ်ဆိုပေမယ့် တတ်နိုင်သလောက်ကြိုးစားရေးထားပါတယ်။ဖတ်ကြည့်ပေးကြပါဦးနော်။ ဒီ Fic လေးထဲမှာ ပါသမျှအကြောင်းအရာအားလုံးသည် ညိုရိပ် စိတ်ကူးယဥ်သက်သက်ပါ။ အပိုင်းတစ် လေးစမဖတ်ခင် Author' s Note လေးအရင်...
