Ep 39.1
Uni+Zaw
" ဘယ်လိုလုပ်ကြမလဲ "
သားတော်လေးကိုမွေးဖွားပြီးနောက် ခေါင်းချင်းဆိုင်စဥ်းစားရသော မေးခွန်းတစ်ခုဖြစ်လာခဲ့သည်။ဇနီးသည် သည်မွေးကင်းစသားတော်လေးကိုပိုက်ပြီးတရှုံ့ ရှုံ့ငိုကြွေးနေရှာသည်။သူ့အနေနဲ့ ဇနီးသည်အား သားယောက်ျားလေးမွေးရသလားဆိုပြီး လုံးဝအပြစ်မတင်ရက်။
အခုမှမီးဖွားပြီးကာစ သားသည်အမေသည် အေးအေးဆေးဆေးအနားယူရမည့်အစား စိုးရိမ်ပူပန်စိတ်များနှင့် မျက်ရည်စက်လက်ဖြစ်နေရှာ၍ သနားမိသည်။စိတ်မကောင်းလည်းဖြစ်မိသည်။
" ကျွန်တော်တို့ဘာဆက်လုပ်ကြမလဲ။ကျိန်စာကိုကျော်လွှားဖို့နည်းလမ်းတစ်ခုခုမရှိတော့ဘူးလား။ "
ချက်ချင်းဇနီးသည်နှင့် အိမ်တော်ထိန်းလူယုံတော် (ဘွေဆောနောင်ရဲ့အဖေ) တို့မျက်လုံးချင်းဆုံသွားမှုကတစ်ခုခုရှိနေမှန်းရိပ်မိလိုက်သည်။
" နည်းလမ်းရှိတယ်မလား။ ကျွန်တော့်ကိုပြောပါ။ဘယ်လိုအရာပဲဖြစ်ဖြစ် မဖြစ်ဖြစ်အောင်လုပ်ဆောင်မှာပါ။ "
" အဲတာက..... "
" ဟင့်အင်း! မဖြစ်နိုင်ဘူး!! "
ဇနီးသည်က ထိတ်ထိတ်ပျာပျာခေါင်းခါလေသည်။
" ရှင်မ...... စိတ်ကိုအေးအေးထားပါ။ကိုယ်တစ်ယောက်လုံးရှိတယ်လေ။ကျိန်စာကိုကျော်လွှားဖို့ ဘာလုပ်ရမလဲ ကိုယ့်ကိုပြောပါနော်။ "
ဇနီးသည်က ထိတ်လန့်တုန်လှုပ်စွာပြန်ဖြေလာသည်။
" သားတော်လေးကို ၁၃ ရက်အတွင်းသတ်ပစ်ရမှာ။ မဖြစ်နိုင်ဘူး!! ကျွန်မ မလုပ်နိုင်ဘူး!! "
" ဘယ်လို!! "
ဇနီးသည်၏စကားကြောင့် ကိုယ့်နားကိုယ်မယုံနိုင်အောင်အံ့သြတုန်လှုပ်သွားမိသည်။
ထို့နောက် အိမ်တော်ထိန်းလူယုံတော်က စကားကိုဆက်၏။
" ကျိန်စာကို ကျော်လွှားနိုင်ဖို့ နည်းလမ်းနှစ်ခုရှိတယ်။ပထမတစ်ခုက မွေးပြီးပြီးချင်း ၁၃ ရက်အတွင်း ကလေးကိုသတ်ပြီး 'မြွေနတ်အရှင်သခင်မ' ဆီမှာယဇ်ပူဇော်ရမယ် "
ESTÁS LEYENDO
သခင်ကြီးနှင့်စံအိမ်တော်
Ficción Generalညိုရိပ် ရဲ့ ဒုတိယမြောက် BL OC Fic လေးပါ။ အားနည်းချက်တွေရှိဦးမယ်ဆိုပေမယ့် တတ်နိုင်သလောက်ကြိုးစားရေးထားပါတယ်။ဖတ်ကြည့်ပေးကြပါဦးနော်။ ဒီ Fic လေးထဲမှာ ပါသမျှအကြောင်းအရာအားလုံးသည် ညိုရိပ် စိတ်ကူးယဥ်သက်သက်ပါ။ အပိုင်းတစ် လေးစမဖတ်ခင် Author' s Note လေးအရင်...
