Ep 16
Uni+Zaw
Uni
ဝမ်းဗိုက်ထဲသို့ထိုးစိုက်နေသော ဓါးကိုဆွဲနှုတ်ပြီးထွက်ပြေးမည်အပြု သခင်ကြီးသည် ဒေါင်းလွမ်းဏီလက်ကိုတင်းကျပ်စွာ ဆုပ်ကိုင်ထားလေသည်။
မလုံလောက်သေးဘူးလား......။ကြမ်းပြင်ပေါ်မှာသွေးစတွေမြင်မကောင်းလောက်အောင်ထိ ဖြစ်နေပြီပဲ......။ဒါကိုတောင် သခင်ကြီးဆီမှာ အားတွေကျန်နေသေးတာလား။ရဲတက်နေသောမျက်ဝန်းများသည် ဒေါသနှင့်အံ့သြမှုတို့အပြည့်။
" ရာရာစစ......မင်းကများ...... "
စကားလုံးများကြား သွေးများပါ ပါ၏။
" ခင်ဗျားကြီး မကြာခင်သေရတော့မှာ "
ဆုပ်ကိုင်ထားသောသခင်ကြီးလက်တွင် ဒေါင်းလွမ်းဏီရုန်းမရ။အံ့သြတုန်လှုပ်မှုနှင့်အတူ အသေသတ်ပစ်ချင်စိတ်တွေကတဖွားဖွား။ရှိသမျှကိုယ်တွင်းအင်္ဂါတွေကို တစ်စစီဆုတ်ဖြဲပစ်လိုက်ချင်သည်။
" သခင်ကြီး!!! "
အော်သံကြောင့်ဒေါင်းလွမ်းဏီလှည့်ကြည့်လိုက်တော့ လှေကားကနေပြေးတက်လာသော အဘိုးကျွန်းအိုကိုတွေ့လိုက်ရသည်။
" လွှတ်စမ်း!! ကျုပ်ကိုအခုလွှတ်! "
ပျော့ခွေလဲကျလုမတတ်ဖြစ်နေပေမဲ့ သခင်ကြီးသည် ဒေါင်းလွမ်းဏီအားနေရာမှ တစ်ဖဝါးမှခွာလို့မရစေရ။
" ကျုပ်ကိုအခုလွှတ်လို့ပြောနေတယ်! "
သူ့ဆီဦးတည်ပြေးလာသော အဘိုးကျွန်းအိုတွင် အန္တရာယ်အငွေ့အသက်များကိုပါ ဒေါင်းလွမ်းဏီခံစားလိုက်ရသည်။
" အား....သေစမ်း!! သေစမ်းကွာ! "
ဝမ်းဗိုက်အတွင်းသို့ထိုးစိုက်နေသောဓါးသွားကို ပိုပြီးအထိနာစေရန်အလို့ငှာ အားထည့်တိုက်ခိုက်လိုက်ပေမဲ့ နေရာမှတစ်စက္ကန့်မျှတောင်ခွာမရ။
ထို့နောက်ဦးခေါင်းအနောက်ဘက်အား မာကျောသောတစ်စုံတစ်ခုနှင့် ပြင်းထန်စွာလွှဲရိုက်ခြင်းကိုခံလိုက်ရလေသည်။အဘိုး၏ရိုက်ချက်သည် ချက်ကောင်းကိုထိသွား၍ ကြမ်းပြင်ပေါ်သို့ဒေါင်းလွမ်းဏီ ပုံရက်သားလဲကျသွားသည်။
أنت تقرأ
သခင်ကြီးနှင့်စံအိမ်တော်
قصص عامةညိုရိပ် ရဲ့ ဒုတိယမြောက် BL OC Fic လေးပါ။ အားနည်းချက်တွေရှိဦးမယ်ဆိုပေမယ့် တတ်နိုင်သလောက်ကြိုးစားရေးထားပါတယ်။ဖတ်ကြည့်ပေးကြပါဦးနော်။ ဒီ Fic လေးထဲမှာ ပါသမျှအကြောင်းအရာအားလုံးသည် ညိုရိပ် စိတ်ကူးယဥ်သက်သက်ပါ။ အပိုင်းတစ် လေးစမဖတ်ခင် Author' s Note လေးအရင်...
