(လှလိုက်တာ လှရက်လိုက်တာ
လှသည်ထက် ကျက်သရေရှိသည်)
တစ်လောကလုံး သူမတစ်ယောက်ထဲသာ ရှိတော့သလိုပင်
"ဒီမှာ"
ထိုမိန်းကလေးက အမရာထက်အသက်ကြီးမည့်ပုံမြန်မာဆန်ဆန်ရင်ဖုံးလေးကိုမှ အဝါရောင်လေးဝတ်ထားသည် ထိုရင်ဖုံးတွင် ရောင်စုံပန်းပွင့်ကလေးများကို ရွှေချည်ထိုးဖြင့်ပုံဖော်ထားသည်
ထိုမိန်းကလေးက အသားမဖြူပါ ညိုလဲမညို
သို့သော်... လှသည်
မျက်ခုံးလေးက ဇင်ယော်ငှက်လေးပျံနေသည့်နှယ်
မျက်စံနက်နက်လေးနဲ့ ထက်မြတ်သည့်မျက်လုံးသဖွယ်ရှိသည် နှုတ်ခမ်းက အပေါ်နှုတ်ခမ်းပါးလေးနှင့် အောက်နှုတ်ခမ်းလေးကတော့ မထူမပါးလေး ပြန်ရန်တွေ့တတ်မည်ပုံစံမျိုးလေးပင်
ခန္ဓာကိုယ်အချိုးအစားကတော့ ပြောစရာမရှိ မဟာဆန်ဆန်လှသည်
ကြည့်လိုက်တဲ့တစ်ခဏအတွင်းကို အစိတ်အပိုင်းတစ်ခုချင်းစီကို
အမရာ ကြည့်မိသည်
အမရာဟာ ဆေးကျောင်းသူတစ်ယောက်ပါ
အမရာ့ နှလုံးခုန်သံကို ရောဂါတစ်မျိုးနှင့် ပုံဖော်မိသည်
နှလုံးသွေးကြောကျဥ်းရောဂါဖြစ်နေသည့် ရောဂါသည်တစ်ဦးလိုပင်
နှလုံးခုန်နေသည်မှာ မြန်လွန်းလှသည် ပုံမှန်လူတစ်ဦးအနေနဲ့ တစ်မိနစ်ကို နှလုံးခုန်နှုန်းက အကြိမ် ၆၀ ကနေ ၁၀၀ အတွင်း ရှိရသည် အမရာကတော့ အဲ့ထက်ကို ပိုနေခဲ့သည်
"ဒီမှာလို့ "
"ဒီမှာ အမရာဆိုတဲ့တစ်ယောက်"
သူမ အမရာ့နာမည်ခေါ်လိုက်မှပင် ရောဂါသည်တစ်ဦးထက်ပင် နှလုံးခုန်မြန်လာသည်
"ဒီမှာ "
"ဟို ဟုတ်"
"မင်းကလဲ ခေါ်ရခက်လိုက်တာ "
"သြော် sorry ပါနော် "
"တို့ကို နှင်းဆီပန်း တစ်ဝက်ခွဲပေးပါလား တို့လိုချင်လို့"
တို့လို့ပြောသည် သေချာပါသည် သူမက မန္တလေးသူစစ်စစ်မဟုတ်လောက်ပါ မန္တလေးသူ စစ်စစ်ဆိုလျှင် ကျွန်တော်ကျွန်တော်နှင့် နားထဲတွင် နားထောင်ရခက်လှသည်
YOU ARE READING
ချစ််ရပါတယ် မနှင်းဆီ
Romanceမနှင်းဆီရေ မိုက်မဲလွန်းတဲ့ အမရာ က ဆူးတွေပြည့်နေတဲ့ မနှင်းဆီကိုမှ နှလုံးသားထဲ ထည့်ချစ်မိသည်တဲ့လေ ဆူးတွေ ဆူးနေပါစေ ချစ်မြတ်နိုးမိနေသည်လေ
